Joshua 8:1 - ŊWÀʼ NYÙY

¹ Nyùy Tàr nèn yòŋ Joshua, e sùúy sho jii, «Lá à yòʼ a fàn, lá à yòʼ a yàʼ. Lì vé rər veé Israyi adzə̀m, é vèn áwune kóʼ, e tòn Ay. M wày ne fon woó Ay e wò kiwo, à wír vəə́, à ŋkàlaʼ rə, à nsay rə.

Joshua 8:1 Referans Kwoze

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Remrí 7:18

lá vèn yòʼ wìy a fàn áwune. Vèn kú a kuumé a dzə̀ kinyo ke Nyùy Tàr woo Nyùy won‑eè yiìn e Farao wùn à wír vəə́ adzə̀m e Ejiv ki.

Remrí 1:21

Vèn leéy ri, Nyùy Tàr fò ne ven nsay. Vèn nəə́ shó, e faàsì, e yòv, kù mo Nyùy Tàr woo Nyùy atàr vén‑eè kàʼàn. Lá vèn yòʼ fàn, lá vèn yòʼ weèy.

Joshua 6:2

Nyùy Tàr yiì lò, e sùúy e Joshua jii, «Yuúrí, e yù, m wày ne ŋkàlaʼ yee Jeriko rə̀n e wò kiwo, à fòn, à vé rərí, a kù dzə̀ antav ve ghaʼtíné.

Remrí 31:8

Dzə̀ Nyùy Tàr wo wù du e wò mbìy. Wù kù wíy a dzə vèn wun. Wù yòʼ wíy màʼtì wò, a bó wù yòʼ wíy màʼày wò. Lá à yòʼ fàn. Á yen fó weèy.»

Aysaya 43:2

A vinyo vi lò, a sùm ven mo rùn ndzə́v, e mèé e wìr kilòŋ, bo m kù yíi a dzə vèsən, a kìŋsìn ven. Vèn lóo tosín e mvə̀m ndzə̀v, bo bó m yòʼ yíi biimé, é yí gháʼ ven. Ŋgeʼ si lóo bav ven, kù mo báv və́y wír, bo bó yòʼ dzə̀ və́y ŋgeʼ və̀ne tòn ven, a bó yòʼ dzə̀ kiliímé ki kùm ven.

Matio 8:26

Jesus bìnèr jii, «Vèn fan ji ka? Vèn dzə̀ ben, a bó á yoʼ lò, a way shilív e mǒ wùn gheéy.» Wù nèn nànèn, e wàm kinsəm kìy, e kfə̀n wàm ndzə́v. Kinsəm ki tiím, ndzə́ví rə̀sìn, a tiy ji nyoòŋ.

Daniel 4:35

Wìr dzə̀m woó kitu ke nsay kù dzə̀ kifá kisáŋ e Nyùy si. Nyùy kù yii kinyo a dzə̀ ke kí gheen wun, a fə̀m dzə̀ wùn à nsheèlav sə́ sí, kìn wùn à wìr msòŋ woó kitu ke nsay. Wìr yòʼ dzə̀ shó wo a dzə̀ wù sə̀r Nyùy fo kinyò, a bó wìr yòʼ dzə̀ shó wo a dzə̀ wù dzə̀r e wun jii, ‹À yiì kin a dzə̀ ka?›

Daniel 4:25

Nsàv dzə̀ á jii, á yíi jùm a wun fo wírí mvəm, aá du, a dzə a dzə̀ á wùn à nyám se kwaʼ si é kighìn, é fòn ku wìy a yi a dzə̀ á viŋgà é bǎm kiya saàmbà moo mbòŋ, a shiíy e kwaʼ, é ŋweʼe wáa gbù a e wun wùn. Kí kù wíy koóy a wun bèy, e meé mo á wíy binsí ji kù sáʼ Taà Vitu kitúm ke wìr msòŋ kidzə̀m. A dzə̀ kù fò wun e wìr wo wù shoʼon ji wù wáa saʼ.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Jeremia 46:27

«Éè rám Jakov, vèn dzə̀ aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. M wíy bòyìr vèn à rám yéné rú fó vitum veé ndzəywoŋ, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a neŋ ji dèʼ, a dzə e kiŋsìn, é la wìr wó a bemér áwune yòʼ a dzə.

Aysaya 12:2

Rúrú, Nyùy dzə̀ ŋgaà wo wù luŋèr mo. M yíi a yeʼtí a dzə̀ e wun wùn, e làa yòʼ a fàn kifá. Feyì feyì, dzə̀ wun woo Nyùy Tàr wo wù távir mo, a kù dzə̀ wun wo m yov, suyrì. Wù dìn ne rú ji wun dzə̀ á ŋgaà wo wù luŋèr mo.»

Nsùyrì Nyùy 46:11

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Nsùyrì Nyùy 44:3

Áwune yòʼ‑oò lo koò nsay rə̀n, a dzə̀ e rə́r sí, a bó áwune yòʼ‑oò lo sò e vitaáví vév ví. Kù‑uù dzə̀ cáʼ vitaáví vé. Kù‑uù dzə̀ wò kóy wóv wo tavíné. Wò‑oò dzə́ aáwuné mvəm, din koŋ yé, aá warkìrì.

Nsùyrì Nyùy 27:1

Nyùy Tàr dzə̀ kikaʼày kém, a luŋèr wun mo. A dzə̀ m wàa fàn la? Nyùy Tàr dzə̀ kóy wóm wo tavíné. A dzə̀ m kfə̀n a fàn ka?

Joshua 7:9

Wír veé Kanan wùn à vitúm vímóʼ ví yíi yu kinyo kìn, bo á sí wiy, e giìmè ver, e yuyrí wir dzə̀m, e səʼsí yír yér fó kitu ke nsay. Kí kooy bèy, áà yiì yèe le e yír yé ye ghaʼtíné fo wíri wáa kay wò.»

Joshua 10:7

Joshua nèn lò fo Gilgal wùn à mànjòŋ və e dzə̀m, à vé rər ve tavkíné adzə̀m.

Joshua 10:8

Nyùy Tàr suúy e Joshua jii, «Lá à yòʼ a fàn. M wày ne áwune e wò kiwo. Wìr yòʼ dzə̀ shó wo wù wíy tam vèn wun, e tòn wò.»

Jeremia 49:3

«Éè Heshbon, vèn wáa dìy. Á laàr ne Ay. Éè vikìy veé Rabba, vèn wáa toŋnín. Vèn maʼ vinsàʼ ve ndzə̀y ví, a dìy. Vèn wáa dìy, a yaŋyáŋ e mvə̀m kày yeé ŋkàlaʼ, a dù mbìy, a kfən e bàm. Á wíy lì nyùy won woo Molek, e dù sho, e koo sa atàá cù və́ wùn à ŋgàŋ sə́ sí, e dù sho.

Remrí 7:21

Lá vèn yòʼ wìy a fàn áwune. Nyùy Tàr woo Nyùy won dzə̀ e věn mvəm, a wù dzə̀ ŋgaà vitaàví ve wiy ví, a wù kfə̀n beèmé sa e ŋàŋ.

Joshua 2:24

Á suúy e Joshua jii, «Ké ru kí, Nyùy Tàr wày ne woŋ woo shooy e dzə̀m e vèsə́n kiwo. Jòkìnyàʼ, a kindzə́m kí kù gwar wir dzə̀m woo fó gwárin bìʼ vèsən.»