Joshua 7:19 - ŊWÀʼ NYÙY

¹⁹ Joshua nèn yòŋ sho jii, «Wan wòm, suúy suuyrú lèn fèn e Nyùy Tàr woo Nyùy wìr veé Isray si, e kà kitú ké ki. Yòŋ e mò kinyo ke à yiìn kí. Lá à yòʼ a mùm fóo lìtì fo mò.»

Joshua 7:19 Referans Kwoze

1 Samuel 6:5

Vèn ku fèr vimfìʼìr ve vintokìr wùn à vé mbàv ve ví bívir woŋ wón, e fíʼ dìn ji vèn gbù a ne Nyùy wìr veé Isray, ghanmóʼ, é wù yar fó a màʼ ŋgeʼ e věn kitu, e yàr fóo màʼ aànyùy véné kitu, e màʼtì sa nsay yen nyaáŋ.

Jeremia 13:16

Vèn wáa sùyrì Nyùy Tàr woo Nyùy won, é bo wù yiì a wìy e ndzə ye sənér, é vèn wáa bàyrìn, a bàyrìn aàgwan ve á səə́ne, a bó vèn yòʼ yén rán fo. Vèn wáa sùyrì wun, é bo wù biner ndzə ji ye vitsə̀ʼ, é wáa dzə tím vitsəʼə́.

Joon 9:24

Vé wòŋe kfən lò, e jàŋ wír wo yì‑iì siìn mfìr woo shooy fo akàŋ vee abaà, a suúy sho jii, «Lìʼ yír Nyùyi, e sùúy kinyo ke ru kí. Vèr kì féyì ji Jesus və̀n dzə̀ á wír wo bi.»

Daniel 9:4

M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

2 Wòŋ 30:22

Fòn Hesekiya‑aà bùrí wir dzə̀m woó ram Levi bìʼ dzə́ə ye juujùŋ ye áwune‑eè sùyrìn Nyùy Tàr shó. Á bèy, á yí ŋkàʼ kishiíy saàmbà, yí bèy, yii cú kikòŋnìn, kfə̀n suyrì Nyùy Tàr woo Nyùy atàr vév.

1 Samuel 14:43

Saul nèn dzə̀r shó jii, «À bùʼ a dzə̀ ka?» Jonatan bìnèr jii, «M kì ŋèʼ vilu shishàr e kinyè ké mbàŋ, e là. Mo və̀ne lèn, a m sí lo, e kpu.»

Ŋgàn 28:13

Wìr lóo lìtì ajay və́ lítin, bo bó yòʼ dzə̀ wù kùy. Wìr tuúne ajay və́, bin ndzə̀m shó, Nyùy shàm mendzən mvə.

Nsùyrì Nyùy 32:5

M nèn tuùné ajay vém e wò, e làa yòʼ lìtì kinyo kém ke bi kí. Mò‑oò sùúy jii, «Mo‑óò tuúné ajay vém e Nyùy Tàr.» Á bèy, Nyùy Tàr, à nèn làysìn ajay vém, e sù njò yem.

Ŋgaà Yen 16:9

Yì ku nèn a mbaŋrí, a lùm, a tòn wíri tónen, virə́ʼ ví wáa bòvrì. Á nèn lò fo fo, a kuù Nyùy wo wù tsənsin kfəə́ se lòn sin kúun, e làa yòʼ fə̀m bìnèr melív mev, a ghvəm wun ghvə́mén gheéy.

Jeem 1:20

Vèn wáa kiíy ji wìr lóo shwiíy kilòŋ, bo bó yòʼ dzə̀ wù dzəə yiì kinyo ke kí gheén Nyùy.

Titur 2:2

Lóo dzə vilum vee aránsisi, à wàa tir áwune ji lá á yòʼ a way a vifií é melùʼ. Á wáa way vifií a dzə̀ á e vinyò ve áwune yii, a yiì réŋ mo ví dzəə̀n. Á ku ghàr a dzə̀ á kinyo ke Nyùy kitávín, a kòŋ wíri, a lì ŋgeʼ sidzə̀m ji weè, e làa yòʼ a wàʼ.

2 Timoti 2:25

Wíri lóo kìnèn kinyo kfə́, wù wàa naàrì áwune ji weè, a leéy a dzə̀ ji Nyùy ku shàm wír vee shooy, aá biner vifií vév, e biìmé a kinyo ke dzəə̀n ke ru kí,

Ŋwàʼ woó Rom 10:10

A kí dzə̀ bey, bìʼ fo Nyùy li wír, náŋsin ji woo là jay a dzə̀ mo wù yén, a wù wáy shilív e Jesus wùn. Ŋgaàŋ kfə́n lóo fìʼtì fo shuù, kí nèn a dìn ji wù lùŋ a ne.

Ŋwàʼ Luk 17:18

Kù wìy wir kitum və̀n cáʼcáʼ ji wun búrí Nyùy à?»

Aysaya 13:12

M wíy fàr wíri, aá wáa dzə e kibuŋ, e shaà *kisha ke mbàm ke baar kí ke á shèŋrìn, jòkìnyàʼ, kisha ke mbàm ke baar ke kí loòn fó Ofir.

Nsùyrì Nyùy 51:3

M kù kì ajay vém ve m jayin, a m yén vinyo vém ve bi ví ghán sidzə̀m.

Joshua 7:20

Akan bìnèr jii, «Dzə̀ rú, m jày ne e Nyùy Tàr, Nyùy woó Isray. A kinyo ke m yiìn kí dzə̀ jii,

2 Afòn 20:15

Ŋgaà ntum Nyùy kfən dzə̀r jii, «Áwune kì yèn a dzə̀ ka e wò ntoʼ?» Fòn Hesekiya bìnèr jii, «Á kì yèn kifá kidzə̀m kee mǒ ntoʼ. Kifá ki yòʼ dzə̀ shó e mǒ kitàv ke m yoʼ lò dìn aáwune.»