Joshua 7:1 - ŊWÀʼ NYÙY

¹ Yii bèy, la wír veé Israyi yòʼ yùnín nsər Nyùy Tàr yee kùm vifá ve nshwì. A kí dzə̀ jii, wìr woó ram Juda wùmòʼ, a yírí dzə̀ ji Akan‑eè lì vifá ve nshwì vímóʼ ví. Nyùy Tàr nèn shwìíy kilòŋ wùn à wír veé Israyi. Akan‑eè dzə̀ wan Karmi, a Karmi‑iì dzə̀ wan Sabdi, a Sabdi‑iì dzə̀ wan Sera, a dzə̀ kfə́ə Juda.

Joshua 7:1 Referans Kwoze

Joshua 22:20

Lá vèn yòʼ làysìn kinyo ke kí‑iì kooyin Akan woo wan Sera mo wù‑uù tenen fóo yunín nsər yee kùm vifá ve nshwì, ŋgeʼ wìy e kintatì keé Isray kí kitu kidzə̀m. Yòʼ‑oò lo kpù Akan cáʼ wo wù‑uù jayin.»

Ŋgaà Tàrvìnyò 9:18

Vifií ví bòŋ, e shaà vifá ve rər, yii bèy, wìr yúŋsi, jáy kinyo, kí bìvír vinyo vinín.

1 Wòŋ 21:7

Kinyo ke fòn‑eè yòŋèn kin ki‑iì bìr Nyùy e ŋàŋ, wù nèn màʼ ŋgeʼ e Isray kitu.

Joshua 22:18

Yì‑iì dzə̀ é ghan siy, Nyùy tsə́nsí kifə̀ʼ, vèn kfə́n a bìn ndzə̀m e Nyùy Tàr é kishiíy ké lán ki é le? A vèn lòo dzə, e tàv kitú e Nyùy Tàr lán, bo wù bvəə́shi, e shwiíy kilòŋ fo kintatì keé Isray ki kidzə̀m.

Joshua 22:16

«Kintatì ke wìr Nyùy Tàr kidzə̀m ki dzə́r jii, ‹vèn ghàn é le, e bóo yiì kfə́ə kinyò ke bi kee ben e Nyùy woó Isray?› Mo vèn bomen ne kíy cù lán ji wón, bo vèn tàv ne a dzə̀ kitú fo Nyùy Tàr bey. Vèn bìn ne ndzə̀m lán, e fəə̀ fo wun mbòv.

Jona 1:7

Vé kikoŋe nèn lò kèʼ, a kfə̀ynìn áwune áwune jii, «Vèsən shwéŋ, e yèn ji lòn və́ne sà lò a dzə̀ fo la á?» Á shwéŋ, fuú koó Jona.

Esra 9:6

a lon jii, «Éè Nyùy wom, m woóme kfə̀n kér dzə̀rkìtu, a bó yòʼ dzə̀ m yù fó nàn sí, a leéy wò. Nyùy wom, vinyo vér ve bi ví kùʼ ne e shaà ver, a lǒn ajay wórí kòʼ ne e mèé e ntoò yùv.

2 Wòŋ 24:18

Kí nèn yiì, wíri tín kiwuú fo Nyùy Tàr woo Nyùy atàr vév lav, e nèn a cù a dzə̀ nyùy woo *Ashera, a cù mebvə̀m. Bìʼ jay və̀n, Nyùy nèn shòv Jerusalem, e shòv Juda.

2 Samuel 24:1

Kilòŋ ké Nyùy Tàr kí kfən wìy lò, e shwìíy kùm wír veé Isray. Wù báyír Fòn Davir, wù wáy áwune é ŋgeʼ. Nyùy‑iì sùúy shó ji wù du, e tàŋ á wír veé Isray wùn à veé Judàa.

Daniel 9:7

Éè Nyùy Tàr, à dzə̀ là shilóm. Yii bèy, fo kér kí, woómé si sùm ne ver bìʼ kinyo ke vèr mum e wò, e shem lán. Ver ve á dzə́ e wòŋ woo Juda, à veé Jerusaleme, e lì veé Isray ve à taʼarin vitúm vidzə̀m, à vee fó mentsə̀mé, à vee kwaʼdáa. Vèr kù sí woóme woòmén, ver adzə̀m adzə̀m.

Cù 10:6

Mooser yòŋ Aaron, e yòŋ sa Eleasar wùn Itamar vee wón Aaron ámóʼó, e sùúy aáwune jii, «Lá vèn yòʼ màʼtì é kitú kén kí fəvri. Lá vèn yòʼ saàsì ndzə̀y sén, fo vèn yiì kpù, é Nyùy Tàr kfən màʼ ŋgeʼ e màŋgòŋ dzə̀m kitu. Yii bèy, a dzə̀ afə́r vén vee kfə́ə Israyi wàa dìy, a rə̀m kfə́ə və̀y wo Nyùy Tàr tumen vən.

2 Afòn 5:24

Á meé é kitu ke gwan, Gehasi sə́ vifá vìy fo áwune, e lèm e lav, e nèn tsəə̀né áwune, á wáa dù.

Kèʼlo 34:27

Á yúyrí wíri, e màysì, e nèn nə̀ə́ e ŋkàlaʼ, a tayrí vifá ve wíri ji á siir á ŋkfə́tir joònè wo vé‑eè yiìn e jèmèr yev.

Ŋwàʼ Jov 35:8

Liì wò kisaŋ kù koó a dzə̀ wír moo wò, a yii yé ye réŋé kù sə́ a dzə̀ wír ve səné.