Joshua 6:6 - ŊWÀʼ NYÙY

⁶ Joshua woo wan Nun və̀n nèn jàŋrì atàá cù, e sùúy aáwune jii, «Vèn li ŋkùv mensàŋ Nyùy Tàr, áàtàá cù vee saàmbàa wáa ker sóŋ see loŋ kiyaʼ, a dù sho fo mbìy.»

Joshua 6:6 Referans Kwoze

Lim Aŋgàa Ntum 9:1

Wáa dzə e ghan see shooy, a Saul kù dzəə́ yoysìn, bémer wír Jesus e kinjuyrì ki. Wù nèn dù, e yèn taà cù wo kuʼùn,

Joshua 6:13

vee saàmbàa lì sóŋ sí, a dù e ŋkùv mensàŋ mbìy, a toŋ là meemè, a shúu rərí du aáwuné mbìy. Shúu rə́r bàmé wáa səʼ ŋkùv mensàŋ Nyùy Tàr, a sóŋé kù diy, là meemè.

Joshua 6:8

Mo Joshua kì banrin ne wíri bey, shúu rə́r mbìyi nèn ŋàʼáy, a dù fo mbìy. Atàá cù vee saàmbà ve vé‑eè kér sóŋé wáa jùmrì áwune, a toŋ sóŋ, e bóo lì ve vé‑eè béʼ ŋkùv mensàŋ. Shúu rər wúmóʼó sə́ʼ e ŋkùv mensàŋ bàm, a sóŋé kù diy, là meemè.

Joshua 3:6

Joshua yiì lò, e yòŋ aàtàá cùu ji á beʼey á ŋkùv mensàŋ, a dù a sho e wírí mbìy. Áwune ku nèn yiì mo wù yòŋèn.

Joshua 3:3

e yòŋ e wíri jii, «Vèn yií yén wír veé ram Levi ve dzəə̀n atàá cù, aá sí béʼ ŋkùv mensàŋ Nyùy Tàr woo Nyùy won, vèn nèn shòʼóy vibàn vén, e lò fo bàm.

Ŋwàʼ Fəə 25:14

e nèn lì, e tsənsí e dzəŋ seé virəv vé ŋkùv vee vibaà, aá wáa toór sho.

Joshua 6:5

Vèn yií yú, aáwune tóŋ sóŋ, kiléŋléŋ kí dúnén, wìr dzə̀m rəə̀mé kitávín, é kay yeé ŋkàlaʼa nèn keèsì. Yí keesì, é vé rər adzə̀me nèn kù kòʼ, e nə̀ə́ nəə́n é ŋkàlaʼ tìítiy.»

Joshua 6:7

Wù nèn sùúy e wíri jii, «Vèn du, e kèʼ, a lev, a kaarí ŋkàlaʼ, é shúu rərí wáa dù ŋkùv mensàŋ Nyùy Tàr fó mbìy.»

1 Samuel 4:3

Vé rər veé Israyi kfə́n é bàm é kilaʼáy, kfə́m sé wìr sév sí wáa ghaynín jii, «Yiì ka, é bo Nyùy Tàr maʼti, é wír veé Filistiàa ton vèsən? Vèsən du, e lì ŋkùv mensàŋ Nyùy Tàr fó Shilo, e wìy, a ghan sho, é wù fíʼ a sə vèsən fo aŋgàa vibàn vesəné wo.»

Joshua 24:11

Vèn túm Jordan, e wìy e Jeriko, vilum veé Jerikòo taámé ven é vindzə̀ʼ. Vitúm vímóʼ ví kfən taàmé sa ven, aá dzə̀ jii, wír veé Amor wùn à veé Perisi, à veé Kanane, à veé Hiti, à veé Girgashi, à veé Hivi, e lì veé Jebus. M ku yiì, vèn tón áwune adzə̀m.