Joshua 5:7 - ŊWÀʼ NYÙY

⁷ Bìʼ kee shooy, nén a dzə wón wìr vìn ve Joshua‑aà saŋen mbèʼ sév. Nyùy Tàr‑iì lìy wír vìn ji á li á kilíŋ ke atàr vév, a vé‑eè dzə̀ə́ e nshòmé, bìʼ fo á yòʼ‑oò lo sàŋ mbèʼ sév é dzəə.

Joshua 5:7 Referans Kwoze

Remrí 1:39

«Nyùy Tàr kfə̀n‑eè yòŋ e vèsən jii, ‹Ké won vén ve vèn‑eè yoŋ ji á wíy kfən ji kiyínsam, wón vén ve á yóʼ ne kìíy jeéyjeéy fó kinyò ke juŋ ki, kìn ke bi kí, e wìy to lán, vee shooyi wíy nəə́ fo. M wíy fo fó aáwune, aá yov.

Kintaŋ 14:31

Yii bèy, fo ké wón wír vìn ve áwune yoŋ ji á yíi lò, a dzə kiyínsam, m yíi tsəəné áwune, e way fo, aá wìy nə̀ə́ e nsay ye atàr véví nyaŋsin.

Joshua 5:6

Mo wír veé Israyi‑iì ghanen é woʼ kiyá mkweè, vilum ve vé‑eè siìn antav e ghan se vé‑eè lo fo Ejivi nèn kpù mày. Vé‑eè kpú bìʼ fo á yòʼ‑oò lo yùnín Nyùy Tàr, Nyùy Tàr nèn lìʼ ji bó wìr fo áwune yòʼ wíy shov a woŋ Kanan e si, woŋ wo wun‑eè kàʼàn atàr vév shó ji wun wíy fo e rám yéví, a kù dzə̀ woŋ, a vín nàʼ wùn à vilu vi tsəətìn sho.

Joshua 5:8

Mo á saŋen mbèʼ se wìr dzə̀m e màysì, áwune gòʼ e kibeèy aáwuné virə̀ʼ, e mèé mo kileémé kí‑iì bonen.

Kèʼlo 34:14

Á nèn lò, e bìnèr aáwune jii, «Bó yòʼ dzə̀ kí kòóy ji vèr fó jemèr yer e wìr wo bó á yoʼ sàŋ mbèʼ sə́, bìʼ fo kí yíi a shoór ver.