Joshua 5:14 - ŊWÀʼ NYÙY

¹⁴ Wù bìnèr jii, «Nyaa mò, m dzə̀ kém tàá mfòóme Nyùy Tàr, bó m yoʼ wìy wír wùmòʼ.» Joshua nèn gvə̀ʼtí e wun si, e tsə̀m sí fo nsay, a ghvəm wun, a ndzəy jii, «Kfə́ə ntum ye Nyùy Tàr kér bìʼ kwàn və́ bèn dzə̀ ji ka?»

Joshua 5:14 Referans Kwoze

Aysaya 55:4

Rúrú, m yiì ne, wun woo Davir wáa dzə ji njen, a fìʼtì mo m dzəə̀n e vitúm vi, a m lèm ne wun ji kilìmbìy, wù wáa saʼ vitúm.

Kèʼlo 17:3

Abram tsə́m ndzəə́, e làʼ kitú e nsay, Nyùy suúy shó jii,

Ŋwàʼ Luk 20:42

Vèn kì sá kinyo ke Fòn Davir‑iì suuyin é Ŋwàʼ Nsùyrì Nyùy Nyùy jii: « ‹Nyùy Tàr‑iì sùúy e Tàr wor jii, «Dzə̀ʼə̀m e mǒ koy yìyí,

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Daniel 10:13

Yii bèy, mò‑oò lòo wìy, nshìylav ndzə vitsə̀ʼ ye yì shiy kitúm kee Persia téʼtín mo fo m shaa. M shiíy fó kishiíy nshòv mòʼón e mbaà. Mayker wo dzəə̀n taà nshìylav Nyùy yìmòʼ wìy ji wun sə́ mo, bìʼ fo vé‑eè səərin mo e fòn woó Persia wòŋ.

Ŋgaà Yen 12:7

Rə́r sí nèn lò, e sàsìn, e gbù e Nyùy wòŋ woó yuv. Nshìylav Nyùy ye kuʼùn ye á yoŋ ji Mayker báʼtí nshèelav sə́, wùn à kigàgǎʼsòŋ kiy ki tám.

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Matio 22:44

« ‹Nyùy Tàr‑iì sùúy e Tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wúu yé sho.»›

Matio 8:2

Wìr wùmòʼ wáa dzə fo, a wù‑uù joy shivnsay. Wù wìy, e tsə̀m e Jesus si, e yòŋ jii, «Tàr, m kì jii, aà kòŋ, à fèr mo.»

Daniel 10:21

Yii bèy, bo m wáa lò, m yíi sàr e wò, áà kiíy kinyo kidzə̀m ke á saŋen é ŋwàʼ wo dzəə̀n wó kinyò ke ru kí. A ké mbìy ki, à kér fóo kiíy ji bó wìr yòʼ dzə̀ shó wo wù tóm mo e vèr à nshèelav sìn sí kinyò. Kù jòʼsì nshìylav Nyùy yee Mayker ye yì shiy wír vén.»

Aysaya 6:8

M yú jí Nyùy Tàr, a yì súŋnin, gháy jii, «Mo‑óò túm la? Yí‑íì li la kirə́ʼ kér, e lò ntum rə̀n?» M nèn bìnèr jii, «M dzə̀ kibáʼtín, túm ri mo.»

Kintaŋ 16:45

«Vèn kóʼtí fo màŋgòŋ və̀n mvəm, é m laar áwune é kisəəné.» Mooser wùn Aaron gvə́ʼtí, e tsə̀m sí e nsay.

Hibru 2:10

Vinyo vidzə̀m vi dzə̀ a dzə̀ e Nyùy kiwo, a sìysì wun, ví wáa lìm mo wù taʼà. Mo wù‑uù taʼ ji wun wìy lì wír ve dzəə̀n wón və́ adzə̀m, e wày e wùn mvə̀m vijùŋ, kí nen ghèén feyì mo wù‑uù sìysìn ji Jesus ku wìy, e yèn ŋgeʼ, e fíʼ gheén e wìr wo dzə̀ wù shèm mbìy wìr vee shooy, e dànèr e dzə̀ʼə̀m yee là may.

Filipi 3:8

A bó yòʼ jòʼsì kee shooy cáʼcáʼ. M sí yén vifá vidzə̀m ji kilày ji m fíʼ a ker ke kuʼùn kí, a dzə̀ á ji m maysi, e nəə̀nín vèr Tàr wòsən Jesus Kristu, e kìíy wun kijuŋ. M nen màʼày vinyo vìn vidzə̀m a dzə̀ bìʼ wun woo Kristu, a yen lèn, ví wáa koʼóy koʼoyín ji m fíʼ a tiy a dzə̀ á vèr wun,

Lim Aŋgàa Ntum 9:6

Lò é yuv, e dù e mvə̀mlaʼ, aá suúy wò kinyo fo ke à kér fó a yiì.»

Ŋwàʼ Luk 1:43

Nyùy bùʼ mo ben ji ka, é bo yìy à Taàtá wom wiy, e ghàn mo?

Nsùyrì Nyùy 110:1

Nyùy Tàr‑iì sùúy e tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wuú yé sho.»

Cù 9:24

Nyùy Tàr ku nèn tsə̀nsí və́y, wú wìy, e laàr cu ye tonèné wùn à fóm si fó kiy cù. Wìr dzə̀m yén, e bùʼ shirəə́, e tsə̀m sí e nsay.

Ŋwàʼ Fəə 4:10

Mooser wáa lon Nyùy Tàr jii, «Éè Nyùy Tàr, m yoʼ càʼ e kisuŋnìn. M yòʼ‑oò lo càʼ fo ŋgùʼ, e bóo fə̀m càʼ lèn wo à kèʼèn, a suŋnín e mò woo ŋgaà lìm wò.»

Kèʼlo 17:17

Abraham nèn tsə̀m ndzəə́, e làʼ kitú e nsay, e shèʼ, e ghày jii, «A dzə̀ wír, a wù sì kiyá wií, wù wàa ker wán a? A dzə̀ Sara wo wù siìn kiyá mbvə̀ʼə̀ dzə̀ə́ a?»

Ŋwàʼ Luk 5:12

Wìy lòo dzə e ghan símóʼ sí, Jesus wáa dzə e mvə̀mlaʼ yìmòʼ, a wìr wùmòʼ dzə̀ fó, a shìvnsay shímrí ne wún e dzə̀m. Wù yén Jesus, e dù, e tsə̀m é si wo, a buʼ wó, a suúy jii, «Taàtá, m kì jii, aà kòŋ, à fèr mo.»

Kintaŋ 16:22

Yii bèy, Mooser wùn Aaron gbù, e tsə̀m sí fo nsay, a toŋ jii, «Éè Nyùy, dzə̀ wò Nyùy wo wù fó kiyoy e wìr msòŋ e dzə̀m, a dzə̀ wìr mòʼón jày kinyo, à shwìíy kilòŋ e màŋgòŋ dzə̀m à?»

Ŋwàʼ Fəə 4:13

Mooser yòŋ jii, «Éè Nyùy Tàr, kii wò, ku tùm wír wo sən.»

Nsùyrì Nyùy 24:10

Fòn wo wiy və̀n dzə̀ la? Dzə̀ Nyùy Tàr woo Taà Mànjòŋ, dzə̀ wun Fon wo wiy.

Kintaŋ 22:31

Nyùy Tàr nèn mvə̀ʼ sí Balaam, wù yén nshìylav Nyùy Tàr rə̀y, a yì tíy e dzəə, kér nyùy rə é kiwo. Wù nèn gvə̀ʼə́r kitú, e tsə̀m sí e nsay.

Joshua 20:1

Nyùy Tàr lò, e yòŋ e Joshua jii,

2 Samuel 7:19

Éè Nyùy Tàr woo Taà Ndzə, à kfə̀n dzə̀sì ne lèn aŋkàʼmé vee kùm kfə́ə ŋgaà lìm wò veé ghan se sí wíy a wìy. Éè Nyùy Tàr woo Taà Ndzə, à dìn ne ndzə kibvəə̀shí.

2 Samuel 7:20

A dzə̀ m kfə̀n sùúy ka e wò lèn. À kì ne kifá ke dzəə̀n mo woo ŋgaà lìm wò.

Esiker 3:23

M ku nèn ŋàʼáy, e dù e mboʼ fèy, rúrú, rán Nyùy Tàrí fəə́sín e mǒ si. Kù dzə̀ rán ye juujùŋ rə̀n ye mò‑oò yenen é ghaa ndzəv yee Kebar. M yén bey, e nèn neèm, e tsə̀m sí e nsay, e ghvə̀m wun.

Daniel 8:11

Jòkìnyàʼ, yì‑iì kòʼór kitú kfə́, a sə kóy wùn Taà Mànjòŋ vé rər veé yuv, a shaʼnín cu ye vé‑eè cu Nyùy sho kishiíy kidzə̀m, e bìvír lav rə cù.