Joshua 5:1 - ŊWÀʼ NYÙY

¹ Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Joshua 5:1 Referans Kwoze

Kintaŋ 13:29

Wír veé Amaleki dzə́ e nsay Negev, a veé Hit wùn à veé Jebus, à veé Amori dzə́ kév é wòŋ agwan, a veé Kanane dzə́ e ŋguùŋè rìbà ndzə̀v, e kfə̀n a dzə e ghaŋ se ndzəv yee Jordan.»

1 Afòn 10:5

e kfə̀n siì yèn viyíkìr ve ví‑iì tíy e wun si, e yèn sá mo atǎr ntoʼ vəə́ kér antaʼ jeéy jeéy, e yèn nsheèlav sə́ wùn à ndzə̀y sév sí, e yèn wír və́ ve á béʼ bóm, e kfə̀n yèn sá cu se tonèn sí se wù‑uù yii e Nyùy Tǎr lav cù sinín, shúu má wun.

Ŋgaà Yen 18:10

Aá wíy yen lòn vən, e nèn fàn, e tèr wún, a tiy kév kwaʼda, a sham a dzə̀ fó shuù jii, «Éè mò, éè mò, vèn yén kimà ké laʼ ke kí‑iì néŋ bùrì bùrì. Ŋkàlaʼ Babilon, wò‑oò dzə̀ e gháʼán. Kòóy ka, bo lòné ku lò, e sə̀tí wò bèn kàŋ mòʼón?»

Amos 2:9

«Yii bèy, Isray, mò‑oò tàtí, e laàr wír veé Amor, a dzə̀ bìʼ ven. Wír, a vé‑eè dàrkìr moo vicí vé *sidar, e tàv moo vee *oak. M tátí, e laàr áwune wùn à run yéví, e tàtí, e laàr, à gháŋé shó fo nsay.

Daniel 5:6

Fòn yén, e nèn rə̀ə́y, vifií ví bvəə́rí wun, shwín sí sheèsì, ŋkoŋ sə́ sí wáa shwaʼsín shwaʼsín.

Esiker 21:7

Á lóo dzər ji à sà diy, kónsi ka ben a, à bìnèr jii, ‹Dzə̀ á bìʼ sáʼka kinyò kímóʼ kí ke à yuun. Kí lo, e wìy, é melív me wìr dzə̀m mè seem, é wó wìr dzə̀me wáa yàʼ yàʼàn. Wìr dzə̀m wíy kfən ji mkpúshílív, é ŋkoŋ si kfə́n a shwaʼsín shwaʼsín. Rúrú, kinyo kìn ki sí lo, e wìy, a kí kér fó yìi koóy.› Suuy mo woo Nyùy Tàr woo Taà Ndzə.»

Esiker 16:3

Tiísí jii, ke Nyùy Tàr woo Taà Ndzə suuy e Jerusalem ki dzə̀ jii, ‹Wò‑oò lò fó wòŋ Kanan. Kitàr ké ki‑iì dzə̀ wir Amor, kiyìy kí wáa dzə wir Hit.

Nsùyrì Nyùy 135:11

Afon, moo Sihon woo fon wìr veé Amor, à Og woo fon woó Bashan, e lì afon adzə̀m ve vé‑eè sáʼ vitúm veé Kanan.

Esra 9:1

Vinyo vìn vi‑iì shaà, vilìmbìy ve kfəə si ví nèn wìy wìy, e yèn mo, e sùúy jii, «Wír veé Isray, e lì atàá cù, à wír veé ram Levìi yoʼ jàvsìn a ŋgoo yee wùn à vitúm vímóʼ ví. Áwune kù biʼnìn a liì wo koʼoyín wo dzəə̀n wo wìr veé Kanan wùn à veé Hiti, à veé Perisi, à veé Jebusi, à veé Ammone, à veé Moavi, à veé Ejivi, e lì veé Amor.

2 Samuel 21:2

Fòn nèn tòóy wír veé Gibeon, a lon áwune. Wír veé Gibeon vìne yòʼ‑oò dzə̀ kfəə́ yeé Isray, yì‑iì dzə̀ kibér ke wìr veé Amor. Wír veé Israyi‑iì yiì kilìʼ fó ŋgùʼ ji á yòʼ wíy kùm a áwune. Saul nèn wìy sìíy lò, a laàr áwune bìʼ shií wo wù‑uù kér fo wír veé Isray wùn à veé Judàa.

1 Samuel 25:37

Lòo dzə kijàvndzə, a meluʼ mè raáné ne fo si wo, wiiy və nèn sùúy vinyo vìy sho. Tímé kpú wun, wù nèn tàvtí tavtín moo tíy.

Atǎr Nsaʼ 11:23

Yì‑iì jùm wun woo Nyùy Tàr woo Nyùy wìr veé Isray wír veé Amor fo nsay fèy, e fò e wír və́ veé Israyi. Á bèy, Sihon, a dzə̀ wò, à fə̀ə́r áwune fó fo lèn e le?

Atǎr Nsaʼ 4:2

Á bèy, Nyùy Tàr wáy áwune e Jabin kiwo wo yì‑iì dzəə̀n fon wìr veé Kanan wùmòʼ, a wù sáʼ e ŋkàlaʼ yee Hasor. Kitú ke vé rər və́ kí‑iì dzə̀ Sisera, a wù‑uù dzə́ e Haroshet‑Ha‑Goyiim.

Atǎr Nsaʼ 3:3

Vitúm ve ví‑iì gòʼòn é nsay foo fèy vi‑iì dzə̀ jii, ŋkà se laʼ seé Filistia see sitàn, wír veé Kanan, à veé Sidone, e lì wír veé Hiv ve vé‑eè dzə́ e Gwan Lebanon, e kèʼ fo Gwan Baal‑Hermon, e dù, e bàʼ e dzəə ye yì nəə e Hamat.

Atǎr Nsaʼ 1:1

Joshua‑aà kpù, wír veé Israyi lò, e dù beè Nyùy Tàr, e dzə̀r jii, «Rám ye yí yíi tombìy dù fo věr mvəm, e fùnèn wír veé Kanane dzə̀ rəné?»

Joshua 24:15

A vèn tàn shií wó a ghvəm Nyùy Tàr, vèn nèn shòʼ é kishiíy ké lán ki anyùy ve vèn yíi a ghvəm. Kìn vèn yíi a ghvəm a dzə̀ anyùy ve atàr véné‑eè cu e Mesopotamia, kìn anyùy wìr veé Amor veé nsay ye vèn dzə́ sho. Bo, fo kém kí, vèr à kfə́ə yémé e dzə̀m, vèr yíi a ghvəm a dzə̀ Nyùy Tàr.

Joshua 17:18

Á bèy, woŋ agwane yíi a dzə wón e dzə̀m, fə̀m mo dzəə̀n kóv, vèn yíi gwàr, e yòv, e dù, e meé mo agwane duùn ben. Ké wìr veé Kanan, fə̀m mo áwune kér viténtén vé rər vé kisha vi, e kfə̀n tàvkír, vèn kù yíi jùm, e fəə́r fo nsay.»

Joshua 17:12

Yii bèy, la wón Manassèe yòʼ yù fóo jùm wír veé Kanan fo fo. Á ku nèn a dzə e nsay foo fèy.

Ŋwàʼ Fəə 23:28

M wíy tum vimfàŋfàʼáy, é ví wáa shem e věn mbìy, a jùm wír veé Hiv wùn à veé Kanane, à veé Hiti, aá wáa nyeŋkír.

Kèʼlo 48:22

Mo‑óò fó sá wò fómo woo jeéy, wo bó m yòʼ‑oò lo fò áàfə́r vée. A dzə̀ jii, gwaáné wo mò‑oò faàsìn e nyùy wùn à kòŋé fo wír veé Amori sì wó.»

Kèʼlo 12:6

e dù, e mèé e kirə̀ʼ kee fo kicí kee *oak kímóʼ kí‑iì tíyí, aá yoŋ ji keé More, a kí‑iì dzə̀ é ghaa ntèʼ yee Shekem. Yì‑iì dzə̀ é ghan sin, a wír veé Kanane‑eè dzə̀ é wòŋ foo fèy.

Aysaya 41:5

Wìr dzə̀m wo wù dzə́ e ŋguùŋè rìbà ndzə̀v é ndzəywoŋ yèn ne, shúu má. Wúné kù sí beéme wír veé kitu ke nsay adzə̀m, aá yaʼ yàʼàn. Á kù sí báʼti kirə́ʼ kimòʼón, suúsinè,

Joshua 3:16

ndzə́ví tínén, ye yí‑iì sə́y fo taa tiím, e fùmén, e dù kwaʼda, a meé e ŋkàlaʼ yee Adam ye yì dzəə̀n é ghaa Tsaretan. Kinshèr ki ku jìysí, e sə̀y é mbìv rìbà ndzə̀v woó mbuŋ Araba, aá yoŋ ji Ndzə́v Shiŋgwaŋ, a bó shindzə́v shí yòʼ dzəə́ kum fo. Wíri nèn a liysín e ndzə̀n Jeriko.

Joshua 3:17

Aá líysinè, aàtàá cù ve vé‑eè béʼ ŋkùv mensàŋ Nyùy Tàrí kù tíy e mvə̀m Jordan e nsay ye yumér. Á tiím fó, e meé mo kitúm kidzə̀m ki‑iì tumen, e mày.