Joshua 4:6 - ŊWÀʼ NYÙY

⁶ Tíy see shooy si wíy a dzə ji kisəəm fo vèn. Wón véné wíy lóo dzər jii, ‹Nsàv tìy sin dzə̀ ka fo vèn,›

Joshua 4:6 Referans Kwoze

Ŋwàʼ Fəə 13:14

Wíy lóo dzə e ghan see shó, wan wìr dzə́r jii, ‹Nsàv kinyò kìn dzə̀ ka,› wù bìnèr jii, ‹Nyùy Tàr‑iì fə̀ə́r ver e vitaáví və́ ve ghaʼán ví fó wòŋ Ejiv fo vèr‑iì reŋ vikwàn.

Joshua 4:21

Wù suúy e wír veé Israyi jii, «Wíy lóo dzə e ghan se sí wiyì, a wàn dzə̀r e kitàr kí ji nsàv tìy sin sà dzə̀ ka á,

Nsùyrì Nyùy 44:1

Éè Nyùy, vèr yù ne e vituʼùr vér ví, aàtàr vérí‑iì fèr ne e vèr vinyo ve wò‑oò yiìn aáwuné ghan, viŋgaʼnìn ve vinyò ve wò‑oò yiìn fó yàŋgùʼ.

Joshua 22:27

Vèr‑ii bóm ji kisəəm fo vér vee wíri, à fo véné, fo ŋgwàʼ yen, à fo yéer, à fo se sí wíy a wìy fo bàm sí. Dzə̀ kisəəm ji vèsən yiì a ghvəm Nyùy Tàr e wun kirə̀ʼ kee jeéy kí, a cù wun fo e cu ye tonèné wùn à ye seeríné, à yé kikòŋnìne. Là bey, bo wón véné wíy a yòŋ e vérí é ghan se sí wiyì jii, ‹Vèn yòʼ kér ghay e Nyùy Tǎr si.›

Remrí 11:19

Vèn kù wíy a yeʼéy wón vén shó, a ruvtí e ghan se vèn dzə̀kìn e věn melav, a ruvtí e ghan se á ghán e yuv, a ruvtí e ghan se á dzə́ e nsay, a ruvtí e ghan se á lo e yuv.

Aysaya 55:13

Vitiír vé njoŋ vi wíy fo ghay e vicí vé dzəʼə̀y ví, é ví wáa tèʼ, é vimbìn ví fó ghay e vicí vee *mirtel vi. Kin ki wíy a yiì, é vèn wáa kuumé vinyo ve Nyùy Tàr yiìn. Dzə̀ kisəəm, a kí wíy a dzə fo ŋkuuŋkùŋ. Kisəəm, a bó yòʼ dzə̀ wìr wìy laàr.

Aysaya 38:19

Kù jòʼ wír ve tíne cáʼ ve dzə̀ á bùrí wò réŋréŋ mo m búri, aàtàrí kù sí yéʼey wón mo à yii tíy vèn à wír vée.

Nsùyrì Nyùy 71:18

Éè Nyùy, lèn mo m dzə̀nèn ne, kitú ki fə́r, lá à yòʼ màʼày mo máʼayin. Kú a dzə wòsò, é m wáa fìʼtì vinyo vé ve ghaʼtín ví, a fìʼtì e ŋgwàʼ se sí wiy fo bàm sí.

Lim Aŋgàa Ntum 2:39

Nyùy‑iì lo kàʼ vèn à wón véné é kinyò fèn, e kfə̀n kàʼ sa vitúm ve ví yòʼ sí kiiy wun vidzə̀m. Ŋkàʼmé woo shoon dzə̀ fo wíri adzə̀m ve Nyùy Tàr woo Nyùy wòsən jaŋ ji á wiy, e yèn wun.»

Esiker 20:20

Vèn lem vishiíy vém vé bam vi ji vishiíy vee jeéy ví, é wáa dzə kisəəm kesən, é vèn fiʼ kìíy ji mo woo Nyùy Tàr, m dzə̀ Nyùy won.

Esiker 20:12

M kfə̀n‑eè yiì, á wáa lèm vishiíy vém vé bam, ví wáa dzə kisəəm ké vèr áwune, aá fíʼ a kiíy ji yì‑iì yiì á mo woo Nyùy Tàr ji áwune wáa dzə jeéy ji wír vém.

Kintaŋ 16:38

Wù li á vikáŋ ve wìr ve á kpukin bìʼ jay wov vin, e tsə̀y, é ví vemen, aá sətí á kíy cù sho. Mo á kì wìyìn shó e Nyùy Tǎr si, bo sì vifá vee jeéy ví. Á ku yiì bèy, é wáa dzə kisəəm fo wír veé Israyi.»

Ŋwàʼ Fəə 31:13

«Suúy e wír veé Israyi ji m yoŋ a jii, ‹Vèn kú a lèm kishiíy kém ké bam ki. Dzə̀ kisəəm ké vèr à wír veé Israyi, a kí kù wíy a dzə bèy e ŋgwàʼ sí ŋgwàʼ si ji vèn fiʼ kìíy ji dzə̀ mo woo Nyùy Tàr wo wù kù yii, bo vèn wáa dzə aránén ji wír vém.

Ŋwàʼ Fəə 13:9

Ŋkàʼ və́ne wíy a dzə kisəəm fo vèn moo kifá ke wìr səəyin é koy, kìn ke wù kurin é yírvishi, é kí wáa kuumé ven kinyo ke Nyùy‑iì yiìn, é vèn fíʼ a remrí ntir se Nyùy Tàr, wun woo Nyùy Tàr wo wù‑uù fəərin ven fó Ejiv e vitaáví və́ ve wiy ví.

Ŋwàʼ Fəə 12:14

Kishiíy kin ki dzə̀ ke vèn kù wíy a kuumé, a lèm ji ŋkǎʼ Nyùy Tàr, é wáa dzə nsər ye á wíy a lèm e ŋgwàʼ sí ŋgwàʼ si, e dù, e mày.

Joshua 4:5

e sùúy aáwune jii, «Vèn shaa, e kfə̀n é Jordan, e dù e mbìy ŋkùv mensàŋ Nyùy Tàr woo Nyùy won, é wìr wáa lì tíy é mbèʼ, aá li mo rám sé wìr veé Isray si dzəə̀n.