Joshua 4:14 - ŊWÀʼ NYÙY

¹⁴ Yì‑iì dzə̀ é kishiíy fóo fèy, Nyùy Tàr kóʼór ghay Joshua, e wìr dzə̀m woó Isray si. Á nèn kù a ghvəm wun ghán sidzə̀m, kù mo vé‑eè ghvə́m Mooser.

Joshua 4:14 Referans Kwoze

Joshua 3:7

Nyùy Tàr suúy e Joshua jii, «M sí yìi kèʼ, a koʼór wò e wír veé Israyí si adzə̀m e kishiíy ké lán ki, aáwune fíʼ kiíy rú ji m dzə̀ á wòsò, kù mo mò‑oò dzəə̀n vèr Mooser.

2 Wòŋ 30:12

Ké wìr veé Juda ki wáa dzə, a Nyùy‑iì lo màʼ sa kiwó aáwuné wùn, á wáa ker kwaʼtì e mòʼón, e nèn yù sáʼ ye fòn wùn aàtǎr ntoʼo‑oò foon ji á wáa yiì a mo kinyo ke Nyùy Tàr kí dzəə̀n.

Ŋwàʼ woó Rom 13:4

Lèm Nyùy ŋgaà saʼ ji wù wáa leéy a fo wíri, aá wáa dzə kijuŋ. Yii bèy, a wìr lò, a yiì kinyo ke bi kí, bo dzə̀ wù kù a fàn ŋgaà nsər, bìʼ fo dzə̀ wù wày wun e ŋgeʼ. A wù yii lim yee shooy, a dzə̀ mo Nyùy sìysìn ji wù wáa yiì.

1 Afòn 3:28

Wír veé Israyi yú mo Fòn Solomon tinen nsaʼ rə̀n, e nèn a ghvəm wun, bìʼ fo wìr dzə̀m‑eè yenen ji Nyùy fò wùn a vifií ve wù wáa tinén a nsaʼ réŋréŋ mo yì dzəə̀n.

Ŋgàn 24:21

Wan wòm, á ghvəm Nyùy Tàr, e kfə̀n a ghvəm sa fon. Lá à yòʼ tèn fóo yunín sáʼ Nyùy Tàr, à yé fòne.

1 Samuel 12:18

Samuel nèn bùnrì Nyùy Tàr é kishiíy fóo fèy, wù tsə́nsí wuú. Á bèy, wìr dzə̀m wáa fàn Nyùy Tàr wùn Samuel e ŋàŋ.

Ŋwàʼ Fəə 14:31

Mo wír veé Israyi‑iì yenen kiŋgaʼnìn ke kinyò ke Nyùy Tàr yiìn, e laàr wír veé Ejiv bèy, á nèn a fàn Nyùy Tàr, e wày shilív e wun wùn, e kfə̀n wày sá e Mooser woo ŋgaà lìm və́ wùn.

1 Korin 10:2

Mo áwune‑eè yú a dzə̀ fo Mooser, e bó a ghan e sar mbàʼ, e kfə̀n dù, e nə̀ə́ e ndzəv fey, kí nèn a dìn jii, áwune dzə̀ á moo wír ve á wayin é ndzəv ji və́ vee wír.

Joshua 4:13

A shúu rər vəne‑eè bàʼtí moo wír nsə̀kì mkweè bèy, e tùm ndzə́v e ŋkùv mensàŋ Nyùy Tǎr mbìy, e taàmé rə́r é mboʼ yeé Jeriko.

Joshua 4:15

Nyùy Tàr lò, e sùúy e Joshua jii,

Ŋwàʼ Fəə 11:3

A Nyùy Tàr yií ne, wír veé Ejivi wáa ghvəm veé Isray. Mo Mooser‑iì dzəə̀n sá kisən ke wìr, vé saʼ Farao wùn à wìr dzə̀m woó Ejiv wáa ghvəm sa wun.»

2 Afòn 2:15

Shiŋgoo she aŋgàa ntum Nyùy she shí‑iì dzəə̀n é Jeriko shi yén Elisha, a wù wiyì, e nèn a yòŋ jii, «Elisha sí kér vitaáví vé Elija.» Áwune nèn dù, wùn áwune tárnín, á tsə́m ndzəə́, e làʼ kitú fo nsay e wun si,

1 Wòŋ 29:25

Nyùy Tàr‑iì nàn Solomon feyì, wìr dzə̀m woó Isray wáa leéy wun, a ker gháʼ. Wù kfən yiì, viwìr ve Solomon ve vifòn vi wáa dzə ve bó fòn woo wun mbìy wùmòʼ yòʼ‑oò yiì ne a ker.