Joshua 24:8 - ŊWÀʼ NYÙY

⁸ «M nèn lì ven, e wìy sho e nsay wìr veé Amor fo vé‑eè dzə́, e mbìv Jordan yee fo shùy yii tó. Vèn áwune fùnèn, m wáy áwune e věn kiwo, e laàr fo věn mbìy, e lì nsay yev, e fòó vèn ji yéen.

Joshua 24:8 Referans Kwoze

Nehemia 9:22

Wò‑oò wày vitúm wùn à woŋ si aáwuné wo, e kfə̀n jàvtì fó aáwune. Áwune nèn yòv woŋ Heshbon wo Sihon‑eè sáʼá, e kfə̀n yòv woŋ Bashan wo Og‑iì sáʼá.

Joshua 13:10

e dù duùn e meé e bìíy Ammon. Kirə́ʼ kin ki tàtí ŋkà se laʼ sidzə̀m se Sihon woo fon wìr veé Amor‑iì sáʼá, a wù sáʼ a dzə̀ fó Heshbon.

Remrí 2:32

Á bèy, Sihon wùn à vé rər və́ adzə̀me fəə́, e taàmé ver e rə́r sí é Jahas.

Ŋwàʼ Fəə 23:23

Nshìylav yem yíi lì ven, e nəə́ sho e wòŋ wìr veé Amor wùn à veé Hiti, à veé Perisi, à veé Kanane, à veé Hivi, à veé Jebusi. A m yíi laàr áwune fó fo.

Amos 2:9

«Yii bèy, Isray, mò‑oò tàtí, e laàr wír veé Amor, a dzə̀ bìʼ ven. Wír, a vé‑eè dàrkìr moo vicí vé *sidar, e tàv moo vee *oak. M tátí, e laàr áwune wùn à run yéví, e tàtí, e laàr, à gháŋé shó fo nsay.

Amos 2:10

Kù dzə̀ mo və̀n wo mò‑oò fəərin ven fó wòŋ woo Ejiv, e tsəə̀né ven, vèn ghán, e tòsín wóʼ kiyá mkweè. M fó nsay wìr veé Amor ji vitsə́ʼ vén.