Joshua 24:7 - ŊWÀʼ NYÙY

⁷ Atàr véné kàn mo woo Nyùy Tàr ji m sə́ á áwune. M yiì, virə́ʼ ví sə́n, e tìnér áwune fo wír veé Ejivi, e lò yiì, ndzə́ví wìy, e sùm wír veé Ejiv, e lèér. Vèn‑eè lo yèn e sí yéné kinyo ke mò‑oò yiìn e Ejiv. Fo bàm, vèn dzə̀ʼə̀m e kirə̀ʼ ké woʼ kí ntàmda.

Joshua 24:7 Referans Kwoze

Remrí 4:34

Mo nyùy wùmòʼ dzə̀ sá sho wo wù‑uù duùn ne, e fə̀ə́r kitúm fo kímóʼ kí mvəm, e lì ji kfə́ mo Nyùy Tàr woo Nyùy won‑eè yiìn é ghan se wù‑uù fəərin ven fó Ejiv a? Wù‑uù yiì viŋgaʼnìn ve vinyò, e bóo fəə́r ven fó fo e vitaáví və́ ve ghaʼán ví. Wù‑uù sùm woŋ e ŋgeʼ si, e yiì vinyo ve ví din vitaáví və́, e màʼ rə́r, e kfə̀n yiì, vimbeemè ve vinyò vi koóy, a vèn kù yén e sí yéné.

Ŋwàʼ Fəə 14:20

e nèn a ghan e wír veé Ejiv wùn à veé Israyí kintìntìn. Mbàʼ‑aà yiì, wír veé Ejivi wáa dzə e ndzə ye sənér, a veé Israyi kér rán, la wír veé Ejivi yòʼ yù fó meʼ veé Isray vitsə́ʼ vifur.

Ŋwàʼ Fəə 14:10

Wír veé Israyi lòo màʼ sí, e yèn a Farao wùn à wír vəə́ sí méʼ áwune, kindzə́m kí gwàr áwune, á wáa toŋ, a kàn Nyùy Tàr.

Ŋwàʼ Fəə 14:31

Mo wír veé Israyi‑iì yenen kiŋgaʼnìn ke kinyò ke Nyùy Tàr yiìn, e laàr wír veé Ejiv bèy, á nèn a fàn Nyùy Tàr, e wày shilív e wun wùn, e kfə̀n wày sá e Mooser woo ŋgaà lìm və́ wùn.

Joshua 5:6

Mo wír veé Israyi‑iì ghanen é woʼ kiyá mkweè, vilum ve vé‑eè siìn antav e ghan se vé‑eè lo fo Ejivi nèn kpù mày. Vé‑eè kpú bìʼ fo á yòʼ‑oò lo yùnín Nyùy Tàr, Nyùy Tàr nèn lìʼ ji bó wìr fo áwune yòʼ wíy shov a woŋ Kanan e si, woŋ wo wun‑eè kàʼàn atàr vév shó ji wun wíy fo e rám yéví, a kù dzə̀ woŋ, a vín nàʼ wùn à vilu vi tsəətìn sho.

Remrí 29:2

Mooser bánén wir dzə̀m woó Isray, e yòŋ aáwune jii, «Vèn‑eè lo yèn vinyo vidzə̀m ve Nyùy Tàr‑iì yiìn é Ejiv. Wù‑uù lòvtí e Farao, e lòvtí aàtǎr ntoʼ vəə́, à wìr dzə̀m woo wun wòŋ, a vèn yén e sí yéné.

Remrí 1:46

Kee shooy ki nèn yiì, vèn bónén, e dzə̀ʼə̀m e Kadesh ntàmda, e dzə̀ʼə̀m fo bèn viyá viyá.»

Hibru 3:17

A wír ve á yoŋ ji Nyùy‑iì shwìíy kilòŋ fó fo kiyá mkweè vìne dzə̀ ala? Kù dzə̀ áwune vee shooy ve vé‑eè rə́si yii vinyo ve bi ví, Nyùy yúyrí áwune, e màʼrì dzə́n sí é kwaʼ.

Remrí 2:14

Yì‑iì sì kiyá nshòv waamé e mtaár, e kèʼ mo vèsən‑eè loòn fó Kadesh‑Barnea, e wìy a tum kiwoóy kin. Wáa dzə e ghan sin, a ŋgwàʼ yee ye mbìy dzə̀, a wìr wo dzə̀ wù dù rə́r réŋ ne, e mày fo kibeèy, kù mo Nyùy Tàr‑iì lìʼìn aáwune.