Joshua 24:2 - ŊWÀʼ NYÙY

² Joshua yòŋ e wìr dzə̀m jii, «Vèn yuúrí kinyo ke Nyùy Tàr woo Nyùy wìr veé Isray suuyì. Kí dzə̀ jii, yì‑iì dzə̀ é yàŋgùʼ, aàtàr véné dzə́ é ndzə̀n Yufret, e mbìv yee fo shùy yii tó, cu a dzə̀ anyùy ámóʼó. Kù‑uù dzə̀ fo Tera woo tàr à Abraham wùn Nahor‑iì dzə́.

Joshua 24:2 Referans Kwoze

Joshua 24:15

A vèn tàn shií wó a ghvəm Nyùy Tàr, vèn nèn shòʼ é kishiíy ké lán ki anyùy ve vèn yíi a ghvəm. Kìn vèn yíi a ghvəm a dzə̀ anyùy ve atàr véné‑eè cu e Mesopotamia, kìn anyùy wìr veé Amor veé nsay ye vèn dzə́ sho. Bo, fo kém kí, vèr à kfə́ə yémé e dzə̀m, vèr yíi a ghvəm a dzə̀ Nyùy Tàr.

Kèʼlo 31:30

Nyùy‑ii suuy bèy, a m kì ji wò‑oò lo, bìʼ fo wò‑oò yár jíŋ fó a kfən bàm e věn laʼ. Yii bèy, wò‑oò kùúy anyùy vee mǒ laʼ ji ka?»

Esiker 16:3

Tiísí jii, ke Nyùy Tàr woo Taà Ndzə suuy e Jerusalem ki dzə̀ jii, ‹Wò‑oò lò fó wòŋ Kanan. Kitàr ké ki‑iì dzə̀ wir Amor, kiyìy kí wáa dzə wir Hit.

Aysaya 51:2

Vèn ku shoòshí tàr won woo Abraham wùn Sara, áwune ve vèn fəən fo áwuné bvə̀m. Mò‑oò shòʼ Abraham, a wù dzə̀ə́ e sí rə́ kituu, e nèn səə̀vì wun, rám rəə́ táʼám.»

Remrí 26:5

Tiirì, é ŋgaà vifa nèn a remrí jí si e Nyùy Tàr woo Nyùy wón si, a yòŋ jii, ‹Tàr à ràm yém‑eè dzə̀ wír woó Aram wo wù‑uù ghán e yuv, e lò fo Kanan wùn à kfə́ə e shàr, e sə̀y é Ejiv, e nèn yàm fó yámén, a dzə kitúm ke wiy kí.

Kèʼlo 35:4

Á yú bey, e nèn bàʼtí mebvə̀m mev, à shív se vé‑eè sə́ŋri e vitùʼùr sí, e fò e Jakov, wù dzəə̀mè e sar kici ké *terebint ke kí‑iì dzəə̀n é ŋguùŋè Shekem foo fèy.

Kèʼlo 31:53

Nyùy wo Abraham wùn Nahor‑iì ghvə́mé, wo dzəə̀n sá wo tàr wov‑iì ghvə́mé, kù yíi tàr vinyo vesò, e tinén.» Á bèy, Jakov kàn yír Nyùy wo tàr wov Aysi ghvə́mé, e lìʼ.

Kèʼlo 31:32

Kee kùm anyùy, aà yèn anyùy vé e wìr fèn, bo á kù yíi yuyrí ŋgaàŋ. Aà yèn kifá ke m kérí, ke dzəə̀n ké, à lì, áàfə́r vesən víne wáa tiy vinjen.» A Jakov suuy bèy, a bó wù yòʼ kì ji vé‑eè lóo lò bèy, Racel kuúy á anyùy tàr wov.

Kèʼlo 31:19

Bo wù wáa lò bèy, a Laban ki dù ne e kwaʼ bvəy, e dù, a sheèsì wuy se njiì, Racel nèn sìíy, e kùúy *mebvə̀m me tàr wov fó lav, a dzə̀ anyùy veé laʼ.

Kèʼlo 11:26

Tera dzə̀ʼə̀m kiyá msaàmbà, e dzə̀ə́ Abram wùn à Nahor, à Haran.

Ŋwàʼ Luk 3:34

A Juda dzə̀ kfə́ wan Jakov woo wan Aysi, wo yì‑iì dzəə̀n wan Abraham woo wan Tera, wo yì‑iì dzəə̀n wan Nahor.

Kèʼlo 11:24

Nahor dzə̀ʼə̀m kiyá nshòv bvə̀ʼə̀ e mbaà, e dzə̀ə́ Tera,

Kèʼlo 11:27

Rám Teràa nén a dzə jii, Tera‑aà dzə̀ tàr à Abram wùn à Nahor, à Haran. Haran‑eè dzə̀ tàr à Lot,

Kèʼlo 11:22

Serug dzə̀ʼə̀m kiyá mtaár, e dzə̀ə́ Nahor,

1 Wòŋ 1:27

e nèn lì Abram, a dzə̀ ji Abraham.