Joshua 24:17 - ŊWÀʼ NYÙY

¹⁷ Dzə̀ wun woo Nyùy Tàr woo Nyùy wòsən. Kù‑uù fə̀ə́r wun vèsən aàtàr vesəné fó wòŋ Ejiv fo vé‑eè reŋ vikwàn. Wù kfə̀n‑eè yiì viŋgaʼnìn ve vinyò e vèsə́n si, e tèʼtín vèsən dzə́ə sidzə̀m se vèsən‑eè ghán sho, téʼtin sa fo vitúm vidzə̀m vee fo vèsən‑eè shaa vi.

Joshua 24:17 Referans Kwoze

Ŋwàʼ Fəə 19:4

‹Vèn‑eè lo yèn kinyo ke mò‑oò yiìn e wír veé Ejivi e sí yéné, e kfə̀n yèn mo mò‑oò rə́si béʼ ven, é bo vèn wiy, e yèn mo fen. A mò‑oò béʼ ven réŋréŋ mo lùŋ wo wiy yii béʼ wón və́ e wun vàv bèy.

Aysaya 46:4

Kù dzə̀ mo və̀n wo m wíy a leéy fo vèn, e meé mo vèn wíy dzə̀nkìr, e koŋrí, é vitú vi fə́r. Kù‑uù fèr mo ven ji kitúm, a m kù wíy a geʼsín e vèn. M wíy a tom ven, ŋgeʼ si nəə ven, é m boyir ven.

Joshua 24:16

Wíri nyàysì, e bìnèr jii, «A dzə̀ yiì ka, é bo vèr maʼti Nyùy Tàr, a ghvəm anyùy ve səné.

Joshua 24:18

Nyùy Tàr‑iì jùm vitúm vidzə̀m fo vèsə́n mbìy, e jùm sa veé Amor ve vé‑eè dzə́ e nsay fèn. Bo vèr kù yíi a ghvəm sa a dzə̀ Nyùy Tàr, bìʼ fo kù dzəə̀n wun Nyùy wòsən.»

Ŋwàʼ Fəə 13:3

Mooser nèn sùúy e wíri jii, «Vèn kù wíy a kuumé kishiíy kin, kishiíy ke vèn‑eè fəən fó Ejiv, e bòy fo vikwàn. Dzə̀ kishiíy ke Nyùy Tàr‑iì fəərin ven fó fèn e vitaáví və́ ve ghaʼán ví. Lá vèn yòʼ wìy yì kibán ke kí kér nyaà e kishiíy fen.

Ŋwàʼ Fəə 13:14

Wíy lóo dzə e ghan see shó, wan wìr dzə́r jii, ‹Nsàv kinyò kìn dzə̀ ka,› wù bìnèr jii, ‹Nyùy Tàr‑iì fə̀ə́r ver e vitaáví və́ ve ghaʼán ví fó wòŋ Ejiv fo vèr‑iì reŋ vikwàn.

Remrí 7:19

Vèn‑eè lo yèn e sí yéné mo wù‑uù màʼàn ŋgeʼ se tavkín sí e wír veé Ejiví kitu, e yèn vitaáví və́ ve ghaʼtín ví, e kfə̀n yèn kóy və́ wo wù‑uù nànèn, e bóo fəə́r ven fó Ejiv fèy. A kù dzə̀ sá mo wù wíy lovtí bèy e vitúm ve vèn fan lèn vi vidzə̀m.

Remrí 29:2

Mooser bánén wir dzə̀m woó Isray, e yòŋ aáwune jii, «Vèn‑eè lo yèn vinyo vidzə̀m ve Nyùy Tàr‑iì yiìn é Ejiv. Wù‑uù lòvtí e Farao, e lòvtí aàtǎr ntoʼ vəə́, à wìr dzə̀m woo wun wòŋ, a vèn yén e sí yéné.

Remrí 32:9

Yii bèy, Nyùy Tàr kitú kfə́, dzə̀ wun Nyùy wìr və́. Dzə̀ wun Nyùy wìr veé Isray ve dzəə̀n rám Jakov.

2 Wòŋ 13:10

«Yii bèy, fo kér kí, Nyùy Tàr dzə̀ Nyùy wor, a bó vèr yoʼ màʼày wun. Vèr kér atàá cù ve dzəə̀n wón Aaron, aá lim fo Nyùy Tàr, kfə̀n kér wír veé ram Levi ve á tóm áwune.