Joshua 23:9 - ŊWÀʼ NYÙY

⁹ a kuumé jii, mo vèn‑eè nəə e wòŋ, Nyùy Tàr‑iì jum vitúm fo věn mbìy, a dzə̀ ve ví ghaamen, e tàvkír. A bó wìr yòʼ‑oò lo tàm vèn áwune, e tòn ven e wìy to lán.

Joshua 23:9 Referans Kwoze

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Remrí 11:23

Á lóo yiì bèy, é Nyùy Tàr nèn wìy jùm vitúm vidzə̀m fo věn mbìy. Vèn wíy sòr vitúm ve ví dzə̀kìn viwíy, a ví tàvkír, e shaà ven.

Joshua 23:5

Vèn yíi nəə́ e nsay vitum ve ví berin, é Nyùy Tàr jum áwune, e fə̀ə́r, é vèn yov nsay yev mo Nyùy Tàr woo Nyùy wòsən‑eè kàʼàn ne.

Ŋwàʼ Fəə 23:30

M kù wíy a jùm áwune fo věn mbìy ji weè weè, e meé mo vèn wíy taʼám, e yòv woŋ.

Joshua 15:14

Kalev nèn jùm rám Anak fo fo, a yí dzə̀ e taár jii, Sheshay wùn à Ahiman, à Talmay, e nèn yòv fó.

Remrí 7:24

Wù wíy way afon vév e věn wo, é vèn sə́ʼsí yír yév fó kitu ke nsay. Bó wìr yòʼ wíy tam vèn áwune, e meé mo vèn wíy laàr áwune.

Lim Aŋgàa Ntum 7:45

Wón véví nèn wìy sìíy, e sə̀ fo atàr vesən víyi, a beʼ, a wìy sho fèn. A ghán sin si‑iì dzə̀ se wùn à Joshua‑aà faasì nsay fo vitúm ve ví‑iì dzə́ fèn vi, a ghán Nyùy fo mbìy, jum vitúm vee shooy. Kibàn kee shooy ki nèn a dzə fèn, e meé e ghan se Fòn Davir‑iì sáʼ woŋ və̀n.

Ŋwàʼ Fəə 23:23

Nshìylav yem yíi lì ven, e nəə́ sho e wòŋ wìr veé Amor wùn à veé Hiti, à veé Perisi, à veé Kanane, à veé Hivi, à veé Jebusi. A m yíi laàr áwune fó fo.

Joshua 23:8

Vèn ku yèʼtí a dzə̀ e Nyùy Tàr woo Nyùy wón wùn mo vèn‑eè sí yii, e to lán,

Joshua 24:18

Nyùy Tàr‑iì jùm vitúm vidzə̀m fo vèsə́n mbìy, e jùm sa veé Amor ve vé‑eè dzə́ e nsay fèn. Bo vèr kù yíi a ghvəm sa a dzə̀ Nyùy Tàr, bìʼ fo kù dzəə̀n wun Nyùy wòsən.»

1 Afòn 21:26

Wù‑uù buʼtì vinyo ve ghaʼtín ví, ghvə́m anyùy kisaŋe, kù réŋréŋ mo wír veé Amori‑iì ghvə́me, wír veé Amor ve Nyùy Tàr‑iì jùmèn fó nsay, é bo wír veé Israyi nəə́, e dzə̀ʼə̀m fo.

2 Wòŋ 20:7

Éè Nyùy wor, wò‑oò jùm vitúm fo wír veé Israyí mbìy, ve ví‑iì dzə́ e nsay fèn, e nèn fò nsay rə̀n ji sì á ye rám Abraham woo ŋkar yè, e wìy dù, e mày.