Joshua 23:14 - ŊWÀʼ NYÙY

¹⁴ «Lèn, vèn yuúrí, e yù, m sí reŋ, mayì, a m sí kfə́n e bàm mo kifá kidzə̀m ki kù kfə́né. Ven adzə̀m, vèn kì kijuŋ, a melív men mè bínsi sa jii, fo vinyò vidzə̀m ve Nyùy Tàr‑iì kàʼàn ven shó, bó kinyo kimòʼón ki yoʼ gòʼ la wù yii.

Joshua 23:14 Referans Kwoze

Ŋwàʼ Luk 21:33

Yúv wùn à nsay wìy mày, a jí sém sí kù wíy a tiy fo.

1 Afòn 2:2

Wù‑uù tír, suuy jii, «M sí lo, a màʼtì kitú ke nsay. Kúr shilív shí, a dzə ji lumèn.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Kintaŋ 23:19

Nyùy yòʼ dzə̀ wir msòŋ, e bó a boʼtí kimboʼtì. Wù yòʼ dzə̀ wan wìr msòŋ, e bó a kuvsín kwaʼtì rə́. Wù‑uù yiì ne sùúy kinyo, e làa yòʼ wìy yiì a? Wù‑uù yiì ne kàʼ kinyo, e làa yòʼ wiy yiì kíwun a?

1 Afòn 8:56

«Búríi wáa dzə fo Nyùy wo wù foon meemè e wír və́ veé Israyi réŋréŋ mo wù‑uù kàʼàn. Bó jì e mòʼón yoʼ tùm fó vinyò ve juŋ ve wù‑uù kàʼàn, e shaà fo ŋgaà və lìm woo Mooser.

1 Samuel 3:19

Nyùy Tàr kú a leéy fo Samuel, wù wáa kuy. Wù kfə́n a yiì ji lá jì e mòʼón yòʼ tùm fó nsay fo kinyò kidzə̀m ke Samuel‑iì fiʼtì.

Ŋgaà Tàrvìnyò 12:5

Kù dzə̀ ghán se wìr yòʼ dzəə́ yú fó a gwàmrì kiŋgwàmrì, lóo shur kiwuú, wù wàa fàn fó gbù. Wír, a wù sí dzən fúv, ŋaŋrì e njà ŋguùmé, a buù viŋgér kpú ne, kù dzə̀ mo wìr lo, wù wàa ghaà sə́r sày, a dù, vindìykpu vi wàa fəəkír fo virə̀ʼ.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Hibru 9:27

Wìr kù yii kpú kàŋ mòʼón. Mo wù kpuun, wù nèn a shìy a dzə̀ ghán sé nsaʼ.

Ŋwàʼ Jov 30:23

M kì ji à sí yìi lì mo, e dù sho aàŋkfəə́ wòŋ, é m du, a dzə fo wìr dzə̀m wíy kpu, e dù a dzə.

Esiker 20:28

Mò‑oò lì áwune, e dù sho e wòŋ wo mò‑oò kàʼàn áwune shó. Á meé fó, yén gwan wo da, kìn kicí ke rəŋsìn kí, á nèn dù, a cù anyùy fo. Vé‑eè yii cu vifa ve yi, yii yé melùʼ, ton kiláy, tínsin mo shó.›

Kèʼlo 47:29

Isray lòo meʼ mentsə̀m me kpu, e jàŋ Joosev, e sùúy sho jii, «Aà fèn koŋ rú mo, à wày kiwó ké e mǒ sar kibìy, e kàʼ ji à yíi dìn koŋ yé e mò là kiloʼ. Lá à yòʼ dzəə̀mè mo é Ejiv fèn.