Joshua 22:33 - ŊWÀʼ NYÙY

³³ Kí gheén wír veé Isray, á wáa burí Nyùy. La áwune yòʼ dzəə yòŋ kinyo kee ji á du fùnèn rám sin, e tòn nsay ye áwune‑eè dzə́ sho.

Joshua 22:33 Referans Kwoze

Ŋwàʼ Luk 2:28

Simeon ghár, e kòytí, a beèrì Nyùy, a suúy jii:

Daniel 2:19

Yiì lòo dzə vitsə́ʼə́, kilìtì ke kinyò kìn ki wìy e Daniel si e njà vinjeenjèm. Á bèy, Daniel wáa burí Nyùy woó yuv.

1 Wòŋ 29:20

Davir nèn sùúy e wìr dzə̀m wo wù‑uù baʼtin jii, «Vèn wáa burí Nyùy Tàr woo Nyùy won.» Wìr dzə̀m wo wù‑uù baʼtin fó nèn a burí Nyùy Tàr woo Nyùy atàr vév. Vé‑eè tsə̀m ndzəə́, e làʼ kitú e nsay, e ghvə̀m Nyùy Tàr, e nèn fò sá ghvə́m e fòn.

Joshua 22:30

Mo taà cù Finehas wùn à vilìmbìy ve vintatì vi, à vitú ve ram seé Isray ve wùn áwune kì dzəə̀né yuun kinyo ke rám Ruben wùn à ye Gad, à yé Manassèe yòŋèn, kí gheén áwune féyì.

Efesor 1:3

Vèsən kú a burí Nyùy woo Tàr à Taàtá wòsən Jesus Kristu ghán sidzə̀m. Wù tàtí vèsən à Jesus Kristu, e bùʼ e vijuŋ və́ veé yuv ví vidzə̀m.

2 Korin 7:7

A bó yòʼ jòʼsì kee shooy, wù‑uù lóo fèr mo vèn keerin wun kijuŋ, shilív shér shí nèn màysì, e rə̀sìn. Wù wáa fèr mo vèn kér sa shií fó yen ver, e kfə̀n fèr mo vèn‑eè yòŋèn ŋwàʼ wóm, kitú ki wáa saʼ ven. Wù kfən fèr mo vèn wayin féyì, a tunér ji m dzə̀ rú á ŋgaà ntum Jesus Kristu. Mo m yuun vinyo vee shooy vidzə̀m, e nèn a sheʼrí ven féyì.

Lim Aŋgàa Ntum 15:31

Áwune yòŋ, wú rəə̀r melív mev, á wáa sheʼrí feyì.

Lim Aŋgàa Ntum 15:12

Pita fèr bèy, wìr dzə̀m nèn sə̀sín, a yuurí ji Banabar wùn Por wàá súŋnín. Áwune nèn a fèr mo áwune‑eè ghán fo wír ve bó yòʼ dzəə̀n veé Judàa, a Nyùy fó vitaáví, aá yii viŋgaʼnìn ve vinyò ve ví din vitaáví vé Nyùy.

Joshua 22:32

Á bèy, Finehas woo wan taà cù Eleasar wùn à vilìmbìy ve wìr veé Isray vi nèn màʼtì rám Ruben wùn à yé Gadi, à yé Manassèe é nsay yee Gilead, e nèn kfə̀n é bàm é nsay Kanan, e fò binèr làm e wír veé Israyi.

Ŋgàn 25:25

Sáʼka wo juŋ wo wù wìyìn kwaʼda, dzə̀ moo mendzə́v me rəə̀n me wìr nó, kilòŋ kí rə̀sìn.