Joshua 22:32 - ŊWÀʼ NYÙY

³² Á bèy, Finehas woo wan taà cù Eleasar wùn à vilìmbìy ve wìr veé Isray vi nèn màʼtì rám Ruben wùn à yé Gadi, à yé Manassèe é nsay yee Gilead, e nèn kfə̀n é bàm é nsay Kanan, e fò binèr làm e wír veé Israyi.

Joshua 22:32 Referans Kwoze

Ŋgàn 25:13

Wìr woo jwáʼ lo ntum, shilív shé ŋgaà ntum shi rə̀sìn, moo wír wo wù kavin vifá, e ndzə̀ʼnìn, e nò mendzə́v me rəə̀n mè, wúné rə́sín. Wù yii, a shilív shé tàr wov lìm shi rəsìnè.

Joshua 22:31

Á bèy, Finehas woo wan taà cù Eleasar nèn sùúy aáwune jii, «Vèr kìíy ne lán və̀n ji Nyùy Tàr dzə̀ vèsən áwune, bìʼ fo vèn yoʼ tàv kitú, e yiì jay e Nyùy. Vèn sə̀ ne wír veé Isray lèn fo Nyùy Tàr maʼ ŋgeʼ aáwuné kitu.»

Joshua 22:33

Kí gheén wír veé Isray, á wáa burí Nyùy. La áwune yòʼ dzəə yòŋ kinyo kee ji á du fùnèn rám sin, e tòn nsay ye áwune‑eè dzə́ sho.