Joshua 22:28 - ŊWÀʼ NYÙY

²⁸ Vèr nen sùúy jii, aá wìy yòŋ bèy e vèr, kìn e wón vérí e ghan se sí wiyì, aá naari á jii, kin ki dzə̀ kisəəm ké kiy cù Nyùy Tàr ke atàr vérí‑iì bomen. Bó yòʼ‑oò dzə̀ wó cù ye tonèné kìn ye seeríné. Kù dzə̀ ji kisəəm fo vèr vee fen, à fo vèn vee fey.

Joshua 22:28 Referans Kwoze

Hibru 8:5

Vinyo ve atàá cùu yii e nsay fèn vi dzə̀ vimfìʼìr ve vinyò ve Jesus yii e yuv e Nyùy lav yee rú. Vèn kuúmé mo Mooser‑iì lóo tuy kibàn ji á wáa cù Nyùy sho, Nyùy suúy. Wù‑uù sùúy jii, «Ku shoòshí, é vifá vidzə̀m vi wáa dzə réŋréŋ ji kikúv ke kíwun ke m dìnèn e wò e gwan.»

Ŋwàʼ Fəə 25:40

À kù wíy fèr, é kí wáa dzə réŋréŋ ji kikúv ke kíwun ke m dìnèn e wò e gwan fèn.

2 Afòn 16:10

Fòn Ahas nèn dù e Damaskus ji wun du, e yèn á Tiglat‑Pileser woo fon woó Assiriya. Wù dù bèy, e yèn kíy cù fo, e nèn tsə̀nsí mfìʼ sə́ e Uria woo taà cù, e kfə̀n naàrì mo wú dzəə̀n wùn à kinyo kfə́ kí kidzə̀m.

Joshua 22:27

Vèr‑ii bóm ji kisəəm fo vér vee wíri, à fo véné, fo ŋgwàʼ yen, à fo yéer, à fo se sí wíy a wìy fo bàm sí. Dzə̀ kisəəm ji vèsən yiì a ghvəm Nyùy Tàr e wun kirə̀ʼ kee jeéy kí, a cù wun fo e cu ye tonèné wùn à ye seeríné, à yé kikòŋnìne. Là bey, bo wón véné wíy a yòŋ e vérí é ghan se sí wiyì jii, ‹Vèn yòʼ kér ghay e Nyùy Tǎr si.›

Joshua 22:29

Bó yòʼ dzə̀ kí kòóy ji vèr táv kitú fo Nyùy Tàr, e bìn ndzə̀m e wun, a bom kíy cù ji wó cù ye tonèné, kìn yé meŋkfə̀ŋe, kìn ye seeríné, a bó yòʼ dzə̀ kíy cù Nyùy Tàr woo Nyùy wòsən wo wú tíy e wun shùu kibàn.»

Kèʼlo 31:48

Laban suúy e Jakov jii, «Kikfə́r ke tiy kin ki dzə̀ fó wìy a kuumé wòsò nsàv ye á yoŋ fó ji Galeed.»

Joshua 24:27

Wù tuúy, e sùúy e wíri jii, «Vèn yén, tíy rə́ne yíi a dzə njen wòsən, bìʼ fo yí yuun ne jí se Nyùy Tàr yòŋèn e vèsən sidzə̀m. Yí kù yíi a dzə njen won, fo vèn lo, a shwèy Nyùy won, a meŋ wun.»

Aysaya 19:19

Wíy lòo dzə e ghan fóo fèy, aá bóm kíy cù e Ejiv, a dzə̀ fo á wíy a ghvəm Nyùy Tàr. Á wíy tuúy tíy é bìíy wòŋ, e fíʼ dìn ji á ghvə́m a Nyùy Tàr.