Joshua 22:27 - ŊWÀʼ NYÙY

²⁷ Vèr‑ii bóm ji kisəəm fo vér vee wíri, à fo véné, fo ŋgwàʼ yen, à fo yéer, à fo se sí wíy a wìy fo bàm sí. Dzə̀ kisəəm ji vèsən yiì a ghvəm Nyùy Tàr e wun kirə̀ʼ kee jeéy kí, a cù wun fo e cu ye tonèné wùn à ye seeríné, à yé kikòŋnìne. Là bey, bo wón véné wíy a yòŋ e vérí é ghan se sí wiyì jii, ‹Vèn yòʼ kér ghay e Nyùy Tǎr si.›

Joshua 22:27 Referans Kwoze

Joshua 24:27

Wù tuúy, e sùúy e wíri jii, «Vèn yén, tíy rə́ne yíi a dzə njen wòsən, bìʼ fo yí yuun ne jí se Nyùy Tàr yòŋèn e vèsən sidzə̀m. Yí kù yíi a dzə njen won, fo vèn lo, a shwèy Nyùy won, a meŋ wun.»

Kèʼlo 31:48

Laban suúy e Jakov jii, «Kikfə́r ke tiy kin ki dzə̀ fó wìy a kuumé wòsò nsàv ye á yoŋ fó ji Galeed.»

Joshua 22:34

Rám Ruben wùn à yé Gadi nèn shù yír kiy cù və̀y ji «Njen», e sùúy jii, «Wù tíy vinjen e vesə́n nsàn, a dzə̀ ji Nyùy Tàr dzə̀ Nyùy.»

Remrí 12:11

Nyùy Tàr woo Nyùy won wíy shóʼ kirə́ʼ ke wù shoʼon ji á wáa ghvəm wun fo, bo dzə̀ fo vèn wíy a wìy e kifá ke m yòŋèn e vèn kí kidzə̀m, a dzə̀ ji cu yén ye tonèné wùn à ye seeríné, à nsùʼ woo kintóʼ ke kifa kimòʼón fo vee ghvə̀m vi, à cu seé dzəə sí dzəə sí, à yé ŋkàʼmée.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»

Joshua 22:10

Áwune vee rám Ruben wùn à yé Gadi, à kintoʼnìn ke yé Manassèe nèn lò, a dù, e lòo meé e ŋgvən yeé ghaa Jordan, a kù dzə̀ə́ e nsay Kanan, e nèn bòm *kíy cù wo wiyí fó.

Kèʼlo 31:52

Kikfə́r ke tiy kin wùn à tíy ye á tuuyin rə́ne dzə̀ ji yí wìy a kuumé wòsò ji bó m yòʼ wíy yaʼáy, e shaà, e yiì a kinyo ke bi kí e wò, a bó à yòʼ wíy yaʼáy, e shaà, e yiì saa kinyo ke bi kí e mò.

Joshua 22:26

Á bèy, vèr nen yèn ji vèr‑íì bóm á kíy cù lèn, a bó yòʼ dzə̀ jii, vèr kì wíy a yiì cu sho, kìn dzə̀ ye tonèné, kìn dzə̀ ye seeríné.

Joshua 22:28

Vèr nen sùúy jii, aá wìy yòŋ bèy e vèr, kìn e wón vérí e ghan se sí wiyì, aá naari á jii, kin ki dzə̀ kisəəm ké kiy cù Nyùy Tàr ke atàr vérí‑iì bomen. Bó yòʼ‑oò dzə̀ wó cù ye tonèné kìn ye seeríné. Kù dzə̀ ji kisəəm fo vèr vee fen, à fo vèn vee fey.

Nsùyrì Nyùy 16:5

Éè Nyùy Tàr, à dzə̀ vitsə́ʼ ve m yí. Yii wò, bo m wáa dzə kijuŋ, kér wò dzəʼə̀m yém e wò kiwo.

Aysaya 19:19

Wíy lòo dzə e ghan fóo fèy, aá bóm kíy cù e Ejiv, a dzə̀ fo á wíy a ghvəm Nyùy Tàr. Á wíy tuúy tíy é bìíy wòŋ, e fíʼ dìn ji á ghvə́m a Nyùy Tàr.