Joshua 22:18 - ŊWÀʼ NYÙY

¹⁸ Yì‑iì dzə̀ é ghan siy, Nyùy tsə́nsí kifə̀ʼ, vèn kfə́n a bìn ndzə̀m e Nyùy Tàr é kishiíy ké lán ki é le? A vèn lòo dzə, e tàv kitú e Nyùy Tàr lán, bo wù bvəə́shi, e shwiíy kilòŋ fo kintatì keé Isray ki kidzə̀m.

Joshua 22:18 Referans Kwoze

Kintaŋ 16:22

Yii bèy, Mooser wùn Aaron gbù, e tsə̀m sí fo nsay, a toŋ jii, «Éè Nyùy, dzə̀ wò Nyùy wo wù fó kiyoy e wìr msòŋ e dzə̀m, a dzə̀ wìr mòʼón jày kinyo, à shwìíy kilòŋ e màŋgòŋ dzə̀m à?»

Joshua 22:16

«Kintatì ke wìr Nyùy Tàr kidzə̀m ki dzə́r jii, ‹vèn ghàn é le, e bóo yiì kfə́ə kinyò ke bi kee ben e Nyùy woó Isray?› Mo vèn bomen ne kíy cù lán ji wón, bo vèn tàv ne a dzə̀ kitú fo Nyùy Tàr bey. Vèn bìn ne ndzə̀m lán, e fəə̀ fo wun mbòv.

2 Wòŋ 34:33

Fòn Josia nèn lo, e laàr kinyo kee ji anyùy fo wír veé Israyí nsay, e nèn a banrí áwune, á wáa cù a dzə̀ Nyùy Tàr woo Nyùy wov. Yì‑iì dzə̀ e wun ghan sé saʼ, bó wíri yòʼ‑oò lo ghàn yàr fó a cù Nyùy Tàr woo Nyùy atàr vév.

2 Wòŋ 25:27

Fòn Amatsiya‑aà bìn ndzə̀m e Nyùy Tàr, á nèn kèʼ, a kar menàŋ é Jerusalem mo á lo, e ghan, e bóo yuyrí wun. Wù nèn lèʼ, e dù e Lakish. Á nèn tsə̀nsí wíri e wun bàm, á yúyrí wun fo.

1 Wòŋ 21:14

Nyùy Tàr nèn tsə̀nsí kifə̀ʼ e Isray, áwune kpúkír wír nsə̀kì msaàmbà (70,000).

1 Wòŋ 21:1

Satan‑eè lòo tàʼ ji wun maʼ á ŋgeʼ e wír veé Israyí kitu, e nèn bàyír Davir ji wù táŋ á wír veé Isray.

2 Afòn 17:21

A kí dzə̀ jii, mo Nyùy Tàr‑iì jàvsìn Isray fo Davir lav, áwune nèn dù, e kòʼór Jeroboam woo wan Nebat ji fon. Jeroboam nèn yiì, la Isray yòʼ dzə́ə a jùmrì Nyùy Tàr, e yiì, áwune búʼ kinyo ke bi ke tavín kí.

1 Afòn 9:6

Yii bèy, aà lò, kìn lò wón vé, e bìn ndzə̀m e mò, a ghvəm anyùy kisaŋe, a cù áwune, e làa yòʼ dzə́ə a yu sáʼ yém, e làa yòʼ dzə́ə a yunín nsər se m foon e vèn,

2 Samuel 24:1

Kilòŋ ké Nyùy Tàr kí kfən wìy lò, e shwìíy kùm wír veé Isray. Wù báyír Fòn Davir, wù wáy áwune é ŋgeʼ. Nyùy‑iì sùúy shó ji wù du, e tàŋ á wír veé Isray wùn à veé Judàa.

1 Samuel 12:20

Samuel bìnèr jii, «Lá vèn yòʼ a fàn. Fə̀m mo vèn yiìn kinyo ke bi kí ben, lá vèn yòʼ màʼày Nyùy Tàr. Vèn wáa ghvəm wun vèn à shilív shén shí shidzə̀m.

1 Samuel 12:14

Vinyo vén vidzə̀m vi yíi a dù kijuŋ, a vèn à fòn won fèn jumrì Nyùy Tàr, ghvə́m wun, lim fo wun, yú wun, kfə̀n yúnin sa nsər sə́.

Joshua 22:20

Lá vèn yòʼ làysìn kinyo ke kí‑iì kooyin Akan woo wan Sera mo wù‑uù tenen fóo yunín nsər yee kùm vifá ve nshwì, ŋgeʼ wìy e kintatì keé Isray kí kitu kidzə̀m. Yòʼ‑oò lo kpù Akan cáʼ wo wù‑uù jayin.»

Joshua 7:21

vé‑eè lóo tòn ŋkàlaʼ, m tó é ndzə̀y yeé Babilon yìmòʼ, e kfə̀n yèn *kisha ke mbàm ke fəvír kí *ashekel ghii baà, à kóŋ kishà ke mbàm ke baar kí, shekel mtàn, e nèn a ker shií shó feyì, e nèn wòvír. Á yíi yen a m dzəə́mé e mǒ kibàn, à kisha ke mbàm ke fəvír kí shó, a kí dzə̀ fó sar.»

Joshua 7:11

Isray jày ne, áwune shòʼór ne nsər ye mò‑oò foon aáwune. Áwune bòʼtí kimboʼtì, e shòŋ vifá ve nshwì vímóʼ ví, e wày aáwuné mvə̀m vifa, aá kì yíi laàr.

Joshua 7:1

Yii bèy, la wír veé Israyi yòʼ yùnín nsər Nyùy Tàr yee kùm vifá ve nshwì. A kí dzə̀ jii, wìr woó ram Juda wùmòʼ, a yírí dzə̀ ji Akan‑eè lì vifá ve nshwì vímóʼ ví. Nyùy Tàr nèn shwìíy kilòŋ wùn à wír veé Israyi. Akan‑eè dzə̀ wan Karmi, a Karmi‑iì dzə̀ wan Sabdi, a Sabdi‑iì dzə̀ wan Sera, a dzə̀ kfə́ə Juda.

Remrí 7:4

Kí dzə̀ bey, bìʼ fo a vèn wìy mùm, bo áwune wíy a bìnèr wón vén fo á wáa ghvəm a dzə̀ mo, e nèn lò, a ghvəm a dzə̀ anyùy kisaŋe. A kí kòóy bèy, bo dòʼshwiiy Nyùy Tàr lo, e ŋaʼáy, é wù sasin, e yùyrí ven.

Cù 10:6

Mooser yòŋ Aaron, e yòŋ sa Eleasar wùn Itamar vee wón Aaron ámóʼó, e sùúy aáwune jii, «Lá vèn yòʼ màʼtì é kitú kén kí fəvri. Lá vèn yòʼ saàsì ndzə̀y sén, fo vèn yiì kpù, é Nyùy Tàr kfən màʼ ŋgeʼ e màŋgòŋ dzə̀m kitu. Yii bèy, a dzə̀ afə́r vén vee kfə́ə Israyi wàa dìy, a rə̀m kfə́ə və̀y wo Nyùy Tàr tumen vən.

Kintaŋ 32:15

A vèn lò, e bìn ndzə̀m e Nyùy Tàr, e gòʼ fèn, bo wù kfə̀n yíi màʼày áwune, aá kú a jìŋkìr e woʼ. Bo sì ji vèn kù laàr ne wír vìn adzə̀m láarin.»

Joshua 22:15

Áwune dù, e yèn rám Ruben wùn à yé Gadi, à kintoʼnìn ke yé Manassèe é nsay yee Gilead, e dzə̀r aáwune jii,