Joshua 22:16 - ŊWÀʼ NYÙY

¹⁶ «Kintatì ke wìr Nyùy Tàr kidzə̀m ki dzə́r jii, ‹vèn ghàn é le, e bóo yiì kfə́ə kinyò ke bi kee ben e Nyùy woó Isray?› Mo vèn bomen ne kíy cù lán ji wón, bo vèn tàv ne a dzə̀ kitú fo Nyùy Tàr bey. Vèn bìn ne ndzə̀m lán, e fəə̀ fo wun mbòv.

Joshua 22:16 Referans Kwoze

Joshua 22:11

Wír veé Israyi yú ji rám Ruben wùn à yé Gadi, à kintoʼnìn ke yé Manassèe bòm á ne kíy cù e nsay Kanan, e ŋgvən yeé ghaa Jordan, e wír veé Israyí mbìv,

Joshua 22:15

Áwune dù, e yèn rám Ruben wùn à yé Gadi, à kintoʼnìn ke yé Manassèe é nsay yee Gilead, e dzə̀r aáwune jii,

1 Samuel 15:11

«M kér mendzən ji mò‑oò kòʼór á Saul ji fon. Wù bìn ne ndzə̀m e mò, e làa yòʼ dzə́ə a jùmrì kinyo kém.» Samuel yú kinyo kìn, kí bír wun, wù tóŋ e Nyùy Tàr vitsə́ʼ vifur.

Esra 8:22

Woómé si‑iì koò mo fo m kfən dù, a bùn fon ji wù fó ver á vé rərí wùn à vé nyàm se ŋkoʼo, aá tsəə́né ver bìʼ aŋgàa vibàn. A vèr fíʼtí ne e fòn ji vèr dzə̀ á e Nyùy wór kiwo, a wù kiŋsìn wír ve á yú wun, maʼ ŋgeʼ ye bi e wír ve á méŋ wune.

Cù 17:8

«À kù yíi sə̀ntì aáwune jii, a wìr woó Isray, kìn kiŋgwìy ke kí dzə́ aáwuné mvəm kí wìy yiì cu ye tonèné, kìn dzə̀ yee rəneé,

Kintaŋ 32:15

A vèn lò, e bìn ndzə̀m e Nyùy Tàr, e gòʼ fèn, bo wù kfə̀n yíi màʼày áwune, aá kú a jìŋkìr e woʼ. Bo sì ji vèn kù laàr ne wír vìn adzə̀m láarin.»

Remrí 12:11

Nyùy Tàr woo Nyùy won wíy shóʼ kirə́ʼ ke wù shoʼon ji á wáa ghvəm wun fo, bo dzə̀ fo vèn wíy a wìy e kifá ke m yòŋèn e vèn kí kidzə̀m, a dzə̀ ji cu yén ye tonèné wùn à ye seeríné, à nsùʼ woo kintóʼ ke kifa kimòʼón fo vee ghvə̀m vi, à cu seé dzəə sí dzəə sí, à yé ŋkàʼmée.