Joshua 21:45 - ŊWÀʼ NYÙY

⁴⁵ Nyùy Tàr‑iì lo yiì vinyo vidzə̀m ve wù‑uù kàʼàn wír veé Isray sho.

Joshua 21:45 Referans Kwoze

1 Afòn 8:56

«Búríi wáa dzə fo Nyùy wo wù foon meemè e wír və́ veé Israyi réŋréŋ mo wù‑uù kàʼàn. Bó jì e mòʼón yoʼ tùm fó vinyò ve juŋ ve wù‑uù kàʼàn, e shaà fo ŋgaà və lìm woo Mooser.

Kintaŋ 23:19

Nyùy yòʼ dzə̀ wir msòŋ, e bó a boʼtí kimboʼtì. Wù yòʼ dzə̀ wan wìr msòŋ, e bó a kuvsín kwaʼtì rə́. Wù‑uù yiì ne sùúy kinyo, e làa yòʼ wìy yiì a? Wù‑uù yiì ne kàʼ kinyo, e làa yòʼ wiy yiì kíwun a?

1 Tesalonika 5:24

Vèn wáa kuumé ji mo Nyùy liìn ven ji və́ vee wír, bo wù kù wíy yiì vinyo vìn vidzə̀m, bìʼ fo bó yòʼ dzə̀ wù lòʼ ven.

1 Korin 1:9

A dzə̀ Nyùy kù wìy yiì kinyo kìn, bìʼ fo wù kù yii tíy e wùn jì. Yì‑iì lì wun ven, bo vèn à Wan və Jesus Kristu wo dzəə̀n Taàtá wòsən tátí ji wír amòʼón.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

Aysaya 48:3

Á bèy, vèn yuúrí ri ke wù suuy e vèn kí. «Mò‑oò yoòyí vinyo ve ví‑iì dzəə́ wìy a koóy, a m kù‑uù sí yoóyi fo yàŋgùʼ, yii, a wíri kiiyì. M lo, m kù nèn sàsìn, e yiì vinyo vìn, ví kòóy réŋréŋ.

1 Samuel 3:19

Nyùy Tàr kú a leéy fo Samuel, wù wáa kuy. Wù kfə́n a yiì ji lá jì e mòʼón yòʼ tùm fó nsay fo kinyò kidzə̀m ke Samuel‑iì fiʼtì.

1 Afòn 8:15

a suúy jii, «Búríi wáa dzə fo Nyùy Tàr woo Nyùy wìr veé Isray wo wù yiìn ne kinyo ke wù‑uù kàʼàn tàr wor Davir sho. Wúnwun kitú kfə́‑əə̀ lo yòŋ jii,

1 Afòn 8:20

Nyùy Tàr dzə̀, a wù yiì ne kinyo kee shooy lán. M lì ne kirə́ʼ ké tàr wor Davir, e kòʼ é kàvàʼ woó Isray, kù mo Nyùy Tàr‑iì kàʼàn. M bàʼrì ne lav ye á wáa cù Nyùy Tàr shó woo Nyùy wìr veé Isray.

1 Afòn 8:24

À yiì ne kinyo ke wò‑oò kàʼàn tàr wor Davir woo ŋgaà wò lìm sho. Wò kitú ké, wò‑oò kàʼ wun e kinyò fèn, e nèn yiì e vitaáví vé vi, kí koóy lán.

Nehemia 9:8

Wò‑oò yèn, a wù wáy shilív e wò wùn, à nèn gwàr *mensaŋ vèn wun ji à wíy fo a nsay e rám rəə́, a nsay rə̀n‑eè dzə̀ ye wìr veé Kanan wùn à ye wìr veé Hit, à ye veé Amor, à ye veé Peris, à ye veé Jebus, e lì ye wìr veé Girgash. À lèm ne ŋkàʼme wò, kù mo à yii yii vinyo vé tìítiy.