Joshua 21:27 - ŊWÀʼ NYÙY

²⁷ Ké wìr veé ram Levi ve dzəə̀n kfə́ə Gershon ki dzə̀ jii, ŋkà se laʼ sév símóʼ sí‑iì lò fó nsay kintoʼnìn ke rám Manasse ki, a sí dzə̀ jii, Golan woó Bashan, a dzə̀ ŋkàlaʼ kilìr, e lì Beeshtera, ŋkà se laʼ sibaà, yee shó wùn à kwáʼ və́ nyàme.

Joshua 21:27 Referans Kwoze

1 Wòŋ 6:71

Vé‑eè fò kfə́ə Gershon virə́ʼ ve dzəə̀n nsay kintoʼnìn ke rám Manasse, a ví dzə̀ jii, Golan e wòŋ Bashan, à Ashtarot wùn à kwáʼ sév sé bvəy si.

Joshua 20:8

Fo ndzə̀n Jordan fèsə, fo mbìv yee fo shùy yii tó, aá máʼtí ne Jeriko, e lìysín, á shóʼ Beser wo wù dzəə̀n e rám Rubené nsay, a fóo dzə̀ mboʼ gwan, e kirə̀ʼ ké woʼ kí, e kfə̀n shòʼ Ramot wo wù dzəə̀n é Gilead, e rám Gadí nsay, e kfə̀n shòʼ Golan wo wù dzəə̀n é Bashan e rám Manassèé nsay.

Remrí 4:43

Wù‑uù lèm ŋkàlaʼ yee Beser e rám Rubene, a ŋkàlaʼ rə̀n‑eè dzə̀ é kirə̀ʼ ké woʼ kí, ke dzəə̀n mboʼ gwan, e lèm Ramot woó Gilead e rám Gadi, e nèn lèm Golan wo wù dzəə̀n é Bashan e rám Manassèe.

Remrí 1:4

Ghán sin si‑iì dzə̀, a Mooser tón ne Sihon woo fon wìr veé Amor wo wù‑uù dzə́ e Heshbon, e kfə̀n tòn Og woo fon woó Bashan wo wù‑uù dzə́ e Ashtarot, kfə̀n dzə́ e Edrey.

Joshua 21:26

Á ŋkà se laʼ se vé‑eè foon e kfəə́ se Kohat si, sí nén a dzə sidzə̀m e ghvə̀m, à kwáʼ sév sé nyàm si.

Joshua 21:28

Fo nsay rám Issakar, á shóʼtí ŋkà se laʼ sikweè, sidzə̀m wùn à kwáʼ sév sé nyàm si. A sí dzə̀ jii, Kishion wùn à Daberat,

Joshua 21:6

Kfəə́ se Gershon si nèn sə̀ ŋkà se laʼ nshòv sitaár e ghvə̀m se vé‑eè shoʼtin fó nsay rám Issakar, à yé Asheri, à yé Navtalìi, à yé kintoʼnìn ke rám Manasse ke kí dzəə̀n é Bashan ki.

1 Wòŋ 6:47

woo wan Maali, wo yì‑iì dzəə̀n wan Mushi woo wan Merari, wo yì‑iì dzəə̀n wan Levi.