Joshua 20:9 - ŊWÀʼ NYÙY

⁹ Á ŋkà se laʼ se vé‑eè shoʼtin ji a wìr woó Isray, kìn kiŋgwìy ke kí dzə́ aáwuné mvəm kí lòo dzə, e yùyrí wír e kimbùmmbúm là kiíy, wù lèʼ, e lìr fo, e nèn bòy fo ŋgaà ŋkfə́tír yúyrí wun, e meé mo wù wíy tiím e kintatì kí si, é bo á tar.

Joshua 20:9 Referans Kwoze

Kintaŋ 35:15

Ŋkà se laʼ see ntuùfú sin si wíy a dzə sé kilìr fo wír veé Israyi, à fo viŋgwìy vi, à fo abeèshàa, a sí dzə̀ ji a wìr lò, e yùyrí wír là kiíy, wù nyèŋ, e dù a fo.

Joshua 20:6

Wù kù yíi gòʼ e ŋkàlaʼ fèy, e meé mo wù wíy tiím e kibàʼ ke nsaʼ e kintatì kìn kí si, e kù a dzə fo, e meé mo taà cù wo kuʼùn wo wù sáʼ e ghan fóo fèy wíy kpu. Wù koŋ lèn, wù kfə̀n é bàm e wun laʼ e mvə̀mlaʼ yee fo wù‑uù nyeŋen.»

Joshua 20:4

Wù léʼ, e dù lòo nəə́ e ŋkàlaʼ foo fèy, wù tìím é shùu kày woo fó, e naàrì kinyo kfə́ e kfə́m sé wìr see fo si, bo á kù‑úù səəvi wun fo, e fò kirə́ʼ ke wù wáa dzə sho fo.

Kintaŋ 35:13

Ŋkà se laʼ se vèn wíy shoʼtí sìn si dzə̀ ntuùfú.

Joshua 20:8

Fo ndzə̀n Jordan fèsə, fo mbìv yee fo shùy yii tó, aá máʼtí ne Jeriko, e lìysín, á shóʼ Beser wo wù dzəə̀n e rám Rubené nsay, a fóo dzə̀ mboʼ gwan, e kirə̀ʼ ké woʼ kí, e kfə̀n shòʼ Ramot wo wù dzəə̀n é Gilead, e rám Gadí nsay, e kfə̀n shòʼ Golan wo wù dzəə̀n é Bashan e rám Manassèé nsay.