Joshua 20:7 - ŊWÀʼ NYÙY

⁷ Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

Joshua 20:7 Referans Kwoze

Joshua 21:11

Vé‑eè fò Kiriat‑Arba wo yírí loòn fo Araba woo tàr à Anak, a kù dzə̀ Hebron woó mbìv agwan veé Juda. Vé‑eè fò, e tàtí kwáʼ se nyàm se sí kaarin fó.

Ŋwàʼ Luk 1:39

Mo kinyo kìn ki kooyin, Maria ku nèn bàʼtí, e tùmnín, a koʼ aàgwan veé mbìv wòŋ yeé Juda, a dù e ntèʼ yee fó yìmòʼ.

1 Wòŋ 6:76

E nsay rám Navtali, á fó áwune Kedesh e ŋgvən Galeli wùn à Hammon, à Kiriatayim, fó bèy, fó kwáʼ bvəy.

Joshua 21:32

Fo nsay rám Navtali, á shóʼtí ŋkà se laʼ sitaár, sidzə̀m wùn à kwáʼ sév sé nyàm si. A sí dzə̀ jii, Kedesh woo ŋkàlaʼ kilìr e Galeli, à Hammot‑Dor, à Kartan.

Joshua 21:21

A sí dzə̀ ji Shekem wo yì‑iì dzəə̀n ŋkàlaʼ kilìr yìmòʼ e mbìv agwan veé nsay Efrayim, e fò Geser,

Joshua 21:13

Mo vé‑eè foon Hebron woo ŋkàlaʼ kilìr və̀n, à kwáʼ nyàm woo fó ghaŋe e rám Aaron woo taà cùu, á nèn kfə̀n dzə̀sì ŋkà se laʼ símóʼ sí, a sí dzə̀ jii, Libna

Joshua 14:15

A vé‑eè yoŋ Hebron fo ŋgùʼ ji Kiriat‑Arba, a dzə̀ jii, Ntèʼ Arba. Arba və̀n‑eè dzə̀ wír wo tavín e wír vee Anakí mvəm. Á bèy, rə́r sí nèn mày fo nsay foo fèy, nyaáŋ wáa dzə fo.

2 Wòŋ 10:1

Rehoboam nèn lò, e dù e Shekem fo wír veé Isray adzə̀me‑eè baʼtin ji á kóʼór á wun ji fon.

Kèʼlo 23:2

Wù‑uù kpù é wòŋ Kanan, e kirə̀ʼ ke á yoŋ ji Kiriat‑Arba, a dzə̀ lán ji Hebron. Abraham wáa toŋ, a dìy kpú rə́.

Kintaŋ 35:6

Á lóo fo ŋkà se laʼ e wír veé ram Levìi, aá fó símóʼ sí ntuùfú, a dzə̀ see ji a wìr fo vèn lò, e yùyrí wír là kiíy, wù nyèŋ, e lìr fo. Aá nèn fò símóʼ sí nshòv sibaà e mkweè.

Remrí 4:41

Mooser nèn lò, e lèm ŋkà se laʼ símóʼ sí sitaár e mbìv Jordan yee fo shùy yii tó,

Remrí 19:9

vèn tàr ŋkà se laʼ símóʼ sí sitaár, e dzə̀sì siy sho. Nyùy kù wíy fo ven nsay rə̀n. Kù dzə̀ cáʼ ji vèn ku wìy a lèm a nsər sidzə̀m se m fó e vèn lán və̀n ji á wáa kòŋ Nyùy Tàr woo Nyùy wòsən, a ghan e wun mbòv ghán sidzə̀m.

Joshua 12:22

fon woó Kedesh, fon woó Jokneam e ghaa Gwan Karmel,

Joshua 20:8

Fo ndzə̀n Jordan fèsə, fo mbìv yee fo shùy yii tó, aá máʼtí ne Jeriko, e lìysín, á shóʼ Beser wo wù dzəə̀n e rám Rubené nsay, a fóo dzə̀ mboʼ gwan, e kirə̀ʼ ké woʼ kí, e kfə̀n shòʼ Ramot wo wù dzəə̀n é Gilead, e rám Gadí nsay, e kfə̀n shòʼ Golan wo wù dzəə̀n é Bashan e rám Manassèé nsay.

Joshua 15:13

Fo ké Kalev woo wan Jefunne, Joshua nèn fò wun nsay jeéy aàfə́r və́ vee wír veé Judàá mvəm mo Nyùy Tàr‑iì yiìn ne yòŋ e Joshua. Wù‑uù fò Kiriat‑Arba wo dzəə̀n Hebron e Kalev. Vé‑eè yoŋ bèy, a Arba‑aà dzə̀ tàr à Anak.

Joshua 19:35

A vikum ve ŋkà se laʼ veé nsay fèn vi dzə̀ jii, Siddim, Tsər, Hammat, Rakkat, Kineret,

Joshua 19:36

Adama, Rama, Hasor,

Joshua 19:37

Kedesh, Edrey, En‑Hasor,

Joshua 24:1

Joshua kùm rám seé Isray, sí báʼtí é Shekem. Mo á wìyìn, wù jàŋrì ŋgày sé wìr wùn à vilìmbìy vi, à vé saʼa, à wír veé vitu ve ntaʼa ji á kóʼtí, a tiy e ŋkùv mensàŋ Nyùy Tǎr mbìy.

Atǎr Nsaʼ 9:1

Abimelek woo wan Jerubbaal siíy, e lò, e dù fo afə́r yè woví wùn é Shekem, e sùúy aáwune wùn à kfə́ə yè woví e dzə̀m jii,

1 Afòn 12:1

Rehoboam nèn lò, e dù e Shekem fo wír veé Israyi‑iì baʼtin ji á yíi koʼór a wun ji fon.