Joshua 2:14 - ŊWÀʼ NYÙY

¹⁴ Wír vìyi bìnèr sho jii, «Kpúu li ver, a vèr fen dzə̀ làa yòʼ bavtí ven. Aà dzə̀ làa fiìnè ver, bo vèr yíi a leéy fo wò e ghan se Nyùy Tàr foon ne nsay rə̀n ji yéer.»

Joshua 2:14 Referans Kwoze

Matio 5:7

Bòŋ ké wìr ve á rə́r mendzən me wíri, bìʼ fo Nyùy wíy rər sa méev.

Ŋgàn 18:24

Wìr lóo ker ŋkar sinín, wù kpù kitan, yii bèy, a ŋkar yìmòʼ bòŋ, e shaà fə́r.

Kèʼlo 24:49

Kee lèn ki, a vèn yèn ji vèn‑éè yii kinyo ke ru kí e tàr wor lìm, kìn bó vèn yòʼ‑óò yii, á nèn gwàrìr mo, é m kiíy fo m binè.»

1 Afòn 20:39

Fòn yiì lòo shaà, wù wáa waamé, a suúy jii, «Nyàr, ŋgaà lìm fòn kì dù á e kwaʼ rər, wìr rə̀r wùmòʼ wíy á e wìr rə̀r wo wù kì koon, e sùúy a e mò ji m wáa yen a fo wù léʼ. A wù lòo dzə, e lèʼ, bo m yíi kpu a e wun kiliŋ. Kí búŋ fó bèy, bo m laʼ a e kisha ke mbàm ke fəvír kí akilu nshòv sikweè e mtaár.

2 Samuel 9:1

Wáa dzə e kishiíy kímóʼ kí, Davir dzə́r e wír vəə́ jii, «Wìr woó kfəə Saul dzə̀ə́ sho e tin a? A kù dzə̀ m wàa kòŋ fóo bùʼ ŋgaàŋ bìʼ Jonatan.»

1 Samuel 20:8

Kii wò, ku dìn koŋ yée e mò, e yùŋrì *mensaŋ me wòsò‑oò gwàrìn e Nyùy si mè. A jày mo, wówò kitú ké, à yùyrí mo. Shií wo à kfən lì mo, a fo a dzə̀ e tàr won ji wù yúyrí dzə̀ wo gha?»

Joshua 6:25

Yii bèy, Joshua lùŋèr Rahav woo sàkì wùn à kfə́ə rəə́, bìʼ fo Rahav‑iì lìtìn aŋgàa ŋkiy ve wù‑uù tumen é Jeriko. Kfə́ə Rahavi ku nèn a dzə e Isray, e shem lán.

Joshua 6:17

«Vèn kù kér fóo laàr ŋkàlaʼ wùn à kifá ke kí dzəə̀n shó ki kidzə̀m. Kifá kidzə̀m ki yíi a dzə nshwǐ Nyùy Tàr, a vèn yíi laàr laàrìn kidzə̀m, é may Rahav woo sàkì wùn à wìr dzə̀m wo wù dzəə̀n e wun lav ve á yíi bòy, bìʼ fo wù‑uù lìtìn vé ŋkiyi ve vèsən‑eè tumen.

Joshua 2:13

vèn yíi bavtí vèr à tàr wor, à yè wor, à lúmér sém sí wùn à jemèr si, à wìr wov e dzə̀m, e sə ver adzə̀m fo kpu.»

Joshua 2:15

Mo lav ye Rahav‑iì shiiy sho‑oò làŋsìn wùn à kirə́v ké kày yeé ŋkàlaʼ ki, wù nèn lì wír vìy, e sə̀ʼə́r e kfəə̀ fó shùu wundu e bǎm kày.

Kèʼlo 47:29

Isray lòo meʼ mentsə̀m me kpu, e jàŋ Joosev, e sùúy sho jii, «Aà fèn koŋ rú mo, à wày kiwó ké e mǒ sar kibìy, e kàʼ ji à yíi dìn koŋ yé e mò là kiloʼ. Lá à yòʼ dzəə̀mè mo é Ejiv fèn.

Joshua 6:22

Kí wáa koóy bèy, a Joshua kì yòŋ ne e vilum vee abaà ve vé‑eè shweʼen woŋe jii, «Vèn du e Rahav lav, e fə̀ə́r wùn à kfə́ə rəə́ mo vèn‑eè kàʼàn wun.»

2 Samuel 2:5

e nèn tsə̀nsí ntum aáwune, a suúy jii, «Nyùy səəvi ven bìʼ koŋ ye vèn dìnèn e fòn won, e lìtì wun.

2 Samuel 2:6

Nyùy Tàr kú a dìn koŋ rə́ ye ruú e vèn, a dzə vèn áwune. Mómò, m kù yíi a ker ven sá kijuŋ mo vèn yiìn kinyo kìn.

Ŋgàn 14:22

À lóo ba ntaŋ wo bi, bo à fəə̀ ne fo ŋwàn. Aà báʼti a dzə̀ kinyo ke juŋ ki, bo dzə̀ mo á wíy a kòŋ wò, a sham.

Lim Aŋgàa Ntum 23:22

Kitú ke vé rər kí nèn sùúy e wan və̀y jii, «Kú a dù rì. À lóo dù, à wàa yen fó suúy kinyo e wìr.»