Joshua 2:10 - ŊWÀʼ NYÙY

¹⁰ Vèr‑iì lo yù mo Nyùy Tàr‑iì shèsìn Rìbà Ndzə̀v wo Baar, wù yúm ji vèn túm é ghan se vèn‑eè fəən fó Ejiv. Vèr kfə̀n‑eè yù sá kinyo ke vèn‑eè yiìn áàfon veé Amor vee abaà veé ndzə̀n Jordan fèsə, vee Sihon wùn Og, e laàr áwune láarin.

Joshua 2:10 Referans Kwoze

Remrí 2:30

«Yii bèy, Fòn Sihon woó Heshbon yòʼ‑oò lo màʼtì ji vèr wàá shaa á e wun nsay. A kí dzə̀ jii, Nyùy Tàr woo Nyùy wòsən‑eè tàvír ne shilív sə́, e fíʼ way wun wùn à wír vəə́ e vèsə́n kiwo, mo wù yiìn ne kí koóy ben.

Kintaŋ 23:22

Nyùy fə̀ə́r ne áwune fó wòŋ Ejiv, a màʼ rə́r sév e vitaáví vé nyar vi.

Joshua 4:24

Wù‑uù yiì bey ji wír veé kitu ke nsay adzə̀me wìy a kiíy ji kóy Nyùy Tàrí waà tàv, é vèn wìy a ghvəm Nyùy Tàr woo Nyùy won, e wìy dù, e mày.»

Kintaŋ 20:14

Mooser nèn tùm wíri fó Kadesh ji á du, e yèn á fon woó Edom, e sùúy a sho ji wír fòn vee wón Israyi suuy a jii, fòn kì á ŋgeʼ sidzə̀m se sí kooyin ver.

Kintaŋ 24:8

Nyùy fə̀ə́r ne áwune fó wòŋ Ejiv, á máʼ rə́r sév e vitaáví vé nyar vi. Áwune laar vitúm vee aŋgaà vév vibàn, béʼti vighvə́r vé aŋgaàŋ e vimbeʼ vimbeʼ, taŋ aŋwérín e mvən si.

Joshua 5:1

Á bèy, afon veé mbìv Jordan yee fo shùy yii nəə adzə̀me lòo yu mo Nyùy Tàr tinen ndzə́v yee Jordan, yí tiím, e mèé mo wír veé Israyi‑iì tumen e mày, tím yéví kpú, wún wóví seèm, la áwune yòʼ kfə̀n a ker vitaáví vée fùnèn wír veé Isray. Aàfon vee shooyi‑iì dzə̀ veé Amor wùn à veé Kanane, a veé Kanane‑eè dzə̀ kév a dzə̀ é ghaŋ se rìbà ndzə̀v.

Nsùyrì Nyùy 74:15

Wò‑oò yiì, ntòŋ sé ndzəv sí mvə́ʼkír, mewón me ndzə̀v mè fəə́kír, e kfə̀n lò, e yiì, ndzə́v se kuʼkìn sí yúmkír yumkín.

Joshua 9:10

e kfə̀n yù ke wù‑uù yiìn áàfon veé Amor vee abaà ve á dzəə̀n é ndzə̀n Jordan fèsə, vee ji Sihon woo fon woó Heshbon, à Og woo fon wìr veé Bashan, a wù dzə́ e Ashtarot.

Joshua 24:12

Mo vèn‑eè nyoorì áwune wiyì, m kú a way a dzə̀ fan aáwuné meliv, á wáa tùʼtìn e věn si, vèn wáa jùm. Kù dzə̀ mo vèn‑eè jùmèn afon veé Amor vee abaà. A bó vèn yòʼ‑oò lo tòn wír vìn a dzə̀ e vitaáví vén ví, kìn e vifá vén vé rər ví. Yì‑iì tòn mo, e fò e vèn.