Joshua 2:1 - ŊWÀʼ NYÙY

¹ Joshua woo wan Nun nèn tùm wír abaà fó Shittim fo vé‑eè bee ji á du á bám bám, e kìy á woŋ. Wù suúy aáwune jii, «Vèn du, e shwèʼ woŋ Kanan, bo taaka ŋkàlaʼ yee Jeriko.» Wír vìyi nèn lò, e dù mèé e ŋkàlaʼ fèy, e nə̀ə́ e sàkì wùmǒʼ lav, aá yoŋ ji Rahav, e beè fo.

Joshua 2:1 Referans Kwoze

Hibru 11:31

Wiíy wùmòʼ wáa dzə fo, a dzə̀ sàkì, aá yoŋ ji Rahav, vé ŋkiyi wìy wìy e Jeriko, wù səə́sí, e lìtì e wùn lav. Á wìy tòn fó, wù nèn bòy, e làa yòʼ dzə́ə kpu moo kibér ke wìr ve vé‑eè méŋ Nyùy, táv kitú, á yúyrí.

Jeem 2:25

Kù dzə̀ sá mo ké Rahav wo yì‑iì dzəə̀n sàkì ki dzəə̀n. Kinyo ke kí din ji wù‑uù wáy rú shilív e Nyùy wùn kí dzə̀ ke wù‑uù yiìn. Wù‑uù səə̀sí aŋgàa ŋkiy ve wír veé Israyi‑iì tumen, e dìn dzə́ə ye sən, áwune léʼ.

Kintaŋ 25:1

Wáa dzə e ghan sin, a kiláʼáy ké wìr veé Isray ki dzə̀ é Shittim, vilum veé Israyi nèn lò, a dù, a jàŋ vikìy veé Moav.

Efesor 5:5

Vèn wáa kiíy kijuŋ ji wìr wo wù jaŋ kinjàŋ, yii liì kisaŋ, kìn wù taʼ a dzə̀ kifàʼ yòʼ dzə̀ wù wìy shòv sáʼ ye dzəə̀n yé Nyùy wùn Kristu e wùn si gheéy. A wìr taʼ kifàʼ, bo wù lì ne vifá ve wù koŋ vee shooy ji Nyùy və.

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Joshua 3:1

Joshua bvəə́shí kijàvndzə, wùn à wír veé Isray adzə̀me lò fo Shittim, e dù e ghaa dzəv yee Jordan, e tùy vibàn vév a beè fo, e dù meé mo vé‑eè yíi tum ndzə́v.

Kintaŋ 13:2

«Túm wíri, aá du, e shwèʼ woŋ Kanan wo m sí yìi fo e wír veé Israyi. À yíi tum wír e mòʼón mòʼón fo ram yee shó, a kù dzə̀ wír wo dzəə̀n kilìmbìy e wun ram.»

Atǎr Nsaʼ 18:17

Á bèy, vé ŋkiy vee atàn ve vé‑eè duùn, e lèéy woŋ woo shooyi nèn shaà, e nə̀ə́ e lav fèy, e lì shibvə̀m she á semen, e kfə̀n nàŋsín e *kisha ke mbàm ki, e lì shiŋkèéy shé kikum, e lì anyùy veé lav. Vé‑eè li bèy, a taà cù kù tíy e shùu kày fo vé rər vee ghií ntuùfuú tíyí.

Atǎr Nsaʼ 18:2

Wír veé ram Dane nèn lò, e tàr melav mev, e shòʼtí wír atàn ve dzəə̀n antav. Á shóʼ, e nèn tùm áwune fó ŋguùŋè Tsora wùn Eshtaol ji á wàá ghán á e wòŋ, e shwèʼ, e tàr mo wú dzəə̀n. Áwune ku nèn a dù, e lòo meé e wòŋ agwan veé Efrayim, e tò e Mayka laʼ, e nèn shìíy fo.

Joshua 5:10

Lòo dzə e ŋkuùr kishìíy kee nshòv sikweè e ghvə̀m e ŋwee foo fèy, wír veé Israyi nèn yiì *Ŋkǎʼ Yáʼayshaà, aá dzəə́ bee e Gilgal, e mboʼ yeé Jeriko.

Kintaŋ 33:49

Vé‑eè tàm é ghaa Jordan fèy, kibeey kí kèʼ fo Bet‑Jeshimot, e dù, e mèé e Abel‑Shittim.

Joshua 21:31

à Helkat, à Rehov.

Atǎr Nsaʼ 18:14

Vé ŋkiy vee atàn ve vé‑eè duùn, e lèéy woŋ Laishi nèn sùúy aàfə́r véví jii, «Vèn kì ji lav sìn si dzə̀, a yìmòʼ kér shiŋkèéy shé kikum, kér anyùy veé lav ámóʼó, kfə̀n kér shibvə̀m she á semen, e laàrì kisha e wun wó a? Bo a dzə̀ lèn, vèn lèéy ji á sà‑áà yée le á?»

Joshua 1:18

A dzə̀ wír wo wù táv kitú fo wò, kìn wù ŋwáy sáʼ yé, e làa yòʼ a yiì kinyo ke à yòŋèn, bo á kù yíi laàr wun. Kù dzə̀ cáʼ ji à kúr á tím, e wày ŋàŋ.»

Joshua 2:2

Kí tó e fòn woó Jeriko kitùʼùr ji wír veé Isray ámóʼó wìy a fo vitsə́ʼə́ ji á shwéʼ á woŋ.

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Kèʼlo 42:9

Joosev kuúmé njèm se sí‑iì shí wun kùm áwune, e nèn sùúy aáwune jii, «Vèn dzə̀ vé ŋkiyi mo á wìyìn ji á shweʼ, e kiíy fo woŋ wórí njoon.»

Kèʼlo 42:16

Wìr fo vèn kér fó dù, e lì wun, e wìy sho. Wù lóo dù, é kibér ki goʼ fen e sháŋ, e dù, e meé mo á wíy keerí suuyrú won. Kí búŋ fó bèy, e fòn yir, bo vèn dzə̀ rú aŋkiy.»

Kintaŋ 13:1

Nyùy Tàr suúy e Mooser jii,

Atǎr Nsaʼ 1:23

Áwune tsə́nsí vé ŋkiyi é Betel, a vé‑eè yoŋ Betel fo mbìy ji Lus, Nyùy Tàr wáa tom áwune.