Joshua 19:35 - ŊWÀʼ NYÙY

³⁵ A vikum ve ŋkà se laʼ veé nsay fèn vi dzə̀ jii, Siddim, Tsər, Hammat, Rakkat, Kineret,

Joshua 19:35 Referans Kwoze

Joshua 11:2

Wù kfən bì sá afon veé wòŋ kùyi adzə̀m ve vé‑eè dzə́ aàgwan, e bì veé mbuŋ Jordan wo wù kfənen tsə́n fó kibaŋ keé Kineret, e bì veé mboʼ sa, e bì veé Shefela, e sar se agwan, e lì veé Dor e ghaa rìbà ndzə̀v.

1 Afòn 8:65

Fòn Solomon wùn à wír veé Isray adzə̀me nèn yì ŋkàʼ kishiíy saàmbà e Nyùy Tǎr si, aá wíy virə́ʼ vidzə̀m, e kèʼ fo Hamat, e dù meé e kiwoóy keé Ejiv.

Kèʼlo 10:18

à veé Arvad, veé Tsəmar, e lì veé Hamat. Lòo dzə fo bàm, kfə́ə Kanane nèn kèʼ, a ràm.

Maak 6:53

Áwune líysín kibáŋ, e meèsín e mbìv wòŋ ye á yoŋ ji Genesarer, e tsəə̀r kikóŋ fo.

Joshua 13:27

Mbìv yev yeé mbuŋ Jordan tàtí Bet‑Haram wùn à Bet‑Nimra, à Sukkot, à Tsafon, e lì kibér ke wòŋ Fòn Sihon woó Heshbon. Bìíy yeé mbìv yee fo shùy yii nəə, nén a dzə ndzə́v yee Jordan, e koʼ koʼón, e dù meé e kibaŋ kee Kineret.

Kintaŋ 34:8

Yì lo fo Gwan Hor, é yì nèn dù e Lebo‑Hamat, e shaà, e dù, e bàʼ e Tsədad.

Kintaŋ 13:21

Á bèy, aŋgàa ŋkiy vìyi nèn kòʼ, e shwèʼ woŋ, e kèʼ fo woʼ yeé Tsin, e dù, e bàʼ e Rehov, fo á sí lò, a nəə́ e nsay Hamat.

Remrí 3:17

Fo mbìv yee fo shùy yii nəə, bìíy ràm see sitaár sìn, wáa dzə, e dù, e bàʼ e ndzəv yee Jordan. Yì kèʼ fo kibaŋ keé Galeli, fo mbìv yee fó kùy, e sə̀y é Jordan, e dù, e bàʼ e Ndzə́v Shiŋgwaŋe, e mbìv yee tsə́n, e nèn dù, e ndzə̀y e sar Gwan Pisga, e mbìv yee fo shùy yii tó.

Joshua 19:34

Bìíy nèn bìn a dù e mbìv yee fo shùy yii nəə, e bàʼ e Asnot‑Tabor, e lò fo fo, e dù e Hukkok a kùm nsay Sebulun fo tsən, a dù a kùm nsay Asher fo mbìv yee fo shùy yii nəə. Fo mbìv yee fo shùy yii tó, bìíy nén a ghan, a kùm ndzə́v yee Jordan.

Joshua 19:36

Adama, Rama, Hasor,

Joshua 20:7

Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

Joshua 21:32

Fo nsay rám Navtali, á shóʼtí ŋkà se laʼ sitaár, sidzə̀m wùn à kwáʼ sév sé nyàm si. A sí dzə̀ jii, Kedesh woo ŋkàlaʼ kilìr e Galeli, à Hammot‑Dor, à Kartan.

Atǎr Nsaʼ 4:6

Wáa dzə e kishiíy kímóʼ kí, Debora tsə́nsí ntum, á jàŋ Barak woo wan Abinoam, a wù‑uù dzə̀ é ntèʼ yee Kedesh, ye yì‑iì dzəə̀n ntèʼ é nsay rám Navtali. Wù wìy, wù suúy shó jii, «Nyùy Tàr woo Nyùy wìr veé Isray suuy jii, ‹Dùu, e bàʼtí vé rərí é Gwan Tabor. Ku nə̀ə́ e rám Navtali, e nə̀ə́ e yé Sebulune, e lì wír fo fo nsə̀kì e ghvə̀m, e dù sho fo.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.