Joshua 19:28 - ŊWÀʼ NYÙY

²⁸ e shaà Ebron, e shaà Rehov, e shaà Hammon, e shaà Kana, e dù bàʼ e Sidon wo Wiy.

Joshua 19:28 Referans Kwoze

Atǎr Nsaʼ 1:31

Rám Asheri yòʼ‑oò lo jùm wír ve vé‑eè dzə́ e Akko, à veé Sidone, à veé Alavi, à veé Aksivi, kìn veé Helba, à veé Afiki, e bóo lì veé Rehov.

Joshua 11:8

Á bèy, Nyùy Tàr wáy afon vìy wùn à vé rər véví e wír veé Israyí wo, Isray wáa jùm áwune, a yuyrí, e jùm bèn, e dù bàʼ e Sidon wo wiy, e shaà dù e Misrefot‑Mayim, e kfə̀n jùm e dù duùn é mbìv yee fo shùy yii tó, e dù bàʼ e mboʼ yeé Mispe, e yùyrí áwune yúyrín, la wìr yòʼ gòʼ e tin.

Joon 4:46

Wù kfən ghàn, e dù, e mèé e ntèʼ yee Kaana fo wù‑uù bìnèrìn mendzə́v é melùʼ e Galeli foo fèy. Wáa dzə e ghan see shooy, a wìr wo kuʼùn wùmòʼ dzə̀ é ntèʼ yee Kapeenahum, a wan və woo lumèn joy e ŋàŋ.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 2:1

Kishiíy kí shaà, ndzə bvəə́shí, e ràn, á wáa ker vijín é ntèʼ yee Kaana e Galeli foo fèy, yìy à Jesus dù fo,

Aysaya 23:12

Nyùy Tàr suuy jii, «Wír veé Sidon, vèn yòʼ dzəə́ yiì a yu vijuŋ ve vèn‑ee yú. Á sí nəʼsì a dzə̀ ven lèn. Vèn koŋ, á lìysín, e dù e Saypur, fə̀m fó, bó vèn yòʼ yíi yu vijuŋ aàŋgaà vén vibàné wo.»

Aysaya 23:4

Éè wìr veé Sidon, vèn wáa woomé, ven ve kirə́ʼ kén ke tavín kí dzəə̀n a dzə̀ é ghaa rìbà ndzə̀v. Rìbà ndzə̀v mèŋ ne ven, a yiì mo súŋnin wír, a suúy jii, «Kí sì moo ji bó m yòʼ‑oò ghàn ne lùm wán, jòkìnyàʼ, e bóo dzəə́, a dzə moo ji bó m yòʼ‑oò ghàn ne lìy wón vee vilum, e bóo lìy vee vikìy.»

Aysaya 23:2

Éè wìr ve á dzə́ e ŋguùŋè rìbà ndzə̀v, vèn wáa dìy, ven vee mbèʼŋkùm woó Sidon. Mbèʼŋkùm won‑eè lìysín rìbà ndzə̀v ji wun wiy, e yiì, é vèn kuʼkir.

Kèʼlo 10:19

A woŋ wìr veé Kanane‑eè kèʼ fó Sidon, e dù, e mèé e Gerar wo wù dzəə̀n é ghaa Gasa, e lò fo fo, e dù e mbìv Gomorra wùn à Admaa, à Tsəboyiim, e dù, e bàʼ e Lasha.

Lim Aŋgàa Ntum 27:3

Yì rán kibvəə́shí, vèr meé é Sidon, Juliyur wáa ker shilív she juŋ shi fo Por, e màʼtì, wù dù e mvə̀mlaʼ, a ghan ŋkar sə́, á wáa sə wun.

2 Samuel 24:6

Á lò fo fo, e dù, e mèé e mbìv wòŋ yeé Gilead wùn à yeé Taktim‑Hodshi, e bóo dù e Dan‑Jaan. Á ló fó fo, e dù e Sidon, e mbìv yee fo shùy yii nəə.

Joshua 21:31

à Helkat, à Rehov.

Atǎr Nsaʼ 18:28

Wìr yòʼ‑oò ló a dzə wóo bòyìr áwune, bìʼ fo ŋkàlaʼ yee Sidon‑eè dzəə̀n kwaʼda, a bó áwune yòʼ‑oò lo koò viŋkar wùn à kitúm kímóʼ kí. Ŋkàlaʼ rə̀n‑eè dzə̀ é Kiwoóy ké Bet‑Rehov. Wír veé Dane nèn kfə̀n bàʼrì ŋkàlaʼ yee shooy, a dzə fo.

2 Samuel 24:7

Á meé é ŋkàlaʼ yee Taya ye vé‑eè bomen kay, e kaàrí sho, e nèn dù, a ghan e ntèʼ sé wìr veé Hiv wùn à sé wìr veé Kanan si, e bóo màysì e Beersheba, e mbìv nsay Juda yee tsə́n.

Esiker 28:21

«Wàn wìr msòŋ, bìnkìr, e kìʼ ŋkàlaʼ yee Sidon, e tìn kàʼ wov.