Joshua 19:1 - ŊWÀʼ NYÙY

¹ Kirə́ʼ ke Joshua‑aà tàrìn kí fəə́ ji baà kí wáa dzə ké rám Simeon. Nsay yev‑iì fəə̀ ji yì dzə̀ á e ye rám Judàá mvəm. Á nèn fò aáwune mo kfə́ə sév sí dzə̀kìn.

Joshua 19:1 Referans Kwoze

Joshua 19:9

A vitsə́ʼ vév ví‑iì dzə̀ e vé rám Juda ví mvəm, bìʼ fo Joshua‑aà fò nsay e rám Judàa, yì kúʼ fo áwune, e shaàsìn. Á bèy, wù nèn bày mvə́m, e fò e rám Simeone.

Joshua 18:28

Tsəla, Ha‑Elev, Jebus a dzə̀ ji Jerusalem, Gibea, e lì Kiriat‑Jearim. Ŋkà se laʼ nshòv sikweè e ghvə̀m wùn à ntèʼ sév sí. Á ŋkà se laʼ se rám Benjamin mo kfə́ə sév sí dzə̀kìn.

Joshua 19:2

Kirə́ʼ kév kí‑iì dzə̀ ŋkà se laʼ see jii, Beersheba, Sheba, Molada,

Esiker 48:24

Nsay ye yì səʼən ye rám Benjamin dzə̀ ye rám Simeon, a yì shèr woŋ fo mbìv yee fo shùy yii tó, a kfənér e mbìv yee fo shùy yii nəə.

Kèʼlo 35:23

Vé Leàa‑aà dzə̀ jii, Ruben woo wan Jakov mbìy, bám sə́ sí nén a dzə jii, Simeon wùn à Levi, à Juda, à Issakar, e lì Sebulon.

Joshua 15:21

Ŋkà se laʼ se wìr veé Juda seé mbìv ròŋ se sí‑iì kiʼ bìíy Edom si‑iì dzə̀ jii, Kabseel, Eder, Jagur,

1 Wòŋ 4:28

Rám Simeone‑eè dzə́ e virə̀ʼ vee jii, Beersheba wùn à Molada, à Hasar‑Shual,