Joshua 18:8 - ŊWÀʼ NYÙY

⁸ Vilum vìyi lòo lò ji á waà sí du, a sìysì woŋ, Joshua naàrì aáwune jii, «Vèn du, e ghàn, e kìy woŋe, e sàŋ mo wú dzəə̀n, kfə́n e bàm, é m nèn neèr e Nyùy Tǎr si, e Shilo fèn, e tàr, e bóo fo e vèn.»

Joshua 18:8 Referans Kwoze

Ŋwàʼ woó Rom 14:19

Vèsən ku nèn a yiì vinyo, a dzə̀ á ve ví wáa yiì, é vèsən aàfə́r vesəné wáa dzə kijuŋ, e kfə̀n yiì, é vèsən áwune maysi, e tùúy e Kristu kinyò.

Joshua 18:10

Joshua nèn tàr virə́ʼ vin e Nyùy Tǎr si e Shilo foo fèy, e jàvtì e rám seé Isray si, rám yee shóo wáa ker kfə́.

1 Samuel 14:41

Saul nèn mbaà Nyùy Tàr woo Nyùy wìr veé Isray jii, «Nyùy Tàr, ku dìn o kinyo ke ru kí.» Wù dín, kí koó kiwuú ké Jonatan wùn Saul, wíri rán.

Joshua 18:6

Vèn sáŋ, e naàrì mo woŋ və̀ne dzəə̀n vintóʼ saàmbà, e nèn wìy naàrì e mò dzə́ə ye vèn yenen shó, é m neer e Nyùy Tàr woo Nyùy wòsə́n si, a tàr, é wù wáa dìn mo dzə̀ m jàv e vèn.

Joshua 18:1

Wìr dzə̀m woó Isray nèn lò, e bànén e Shilo, e tùúy *kibàn ké ntàsín fó. Mo á fə̀m‑eè tònèn ne woŋ, a nsay néŋ e mboʼ,

Joshua 15:1

Nsay ye yì‑iì fəən ji ye rám Juda mo kfə́ə sév sí dzə̀kìn rə̀ne. Yì‑iì neèm, e dù duùn é tsən, e dù, e bàʼ e bìíy Edom, e dù bèy mèé e woʼ yeé Tsin fo tsəə́tsən.

Joshua 13:7

Lò ri lèn, e jàv e rám seé Isray see bvə̀ʼə̀ si, wùn à kintoʼnìn ke rám Manasse ki, aá yov ji vitsə́ʼ vév.»

Kèʼlo 13:17

Lò ri, a ghan e wòŋ fèn. Ghán vitóŋtóŋ ví vidzə̀m, bìʼ fo m yíi fo woŋ və̀n e wò.»

Joshua 18:9

Wír vìyi nèn dù, e ghàn é wòŋ foo fèy, e sàŋ é ŋwàʼ mo virə́ʼ vee saàmbà vi dzəə̀n wùn à ŋkà se laʼ sév sí, e nèn kfə̀n, e yèn Joshua e kibeèy é Shilo.

Aysaya 34:17

Kù dzə̀ Nyùy Tàr wo wù màʼtìn Edom e vifá vìn vi. Kù tòʼtí wun Edom e vibàr vibàr, e bóo fo e vifá vìn vi. Vifá vìn vi kù sí wìy yòv Edom, e dù, e jòʼsì. Ví kù sí wìy a dzə fo, e kèʼ fo ŋgwàʼ rə̀y, e dù e yìmòʼ.