Joshua 18:6 - ŊWÀʼ NYÙY

⁶ Vèn sáŋ, e naàrì mo woŋ və̀ne dzəə̀n vintóʼ saàmbà, e nèn wìy naàrì e mò dzə́ə ye vèn yenen shó, é m neer e Nyùy Tàr woo Nyùy wòsə́n si, a tàr, é wù wáa dìn mo dzə̀ m jàv e vèn.

Joshua 18:6 Referans Kwoze

Joshua 14:2

e fò e rám seé Isray see bvə̀ʼə̀ si, e fò sá e yee kintoʼnìne. A vé‑eè maʼ kifá, tar sho, e bó a kiíy kirə́ʼ ke á fó e rám yee shóo réŋréŋ mo Nyùy Tàr‑iì yiìn ne yòŋ e Mooser ji á wàá yii.

Joshua 18:10

Joshua nèn tàr virə́ʼ vin e Nyùy Tǎr si e Shilo foo fèy, e jàvtì e rám seé Isray si, rám yee shóo wáa ker kfə́.

Lim Aŋgàa Ntum 13:19

Áwune wìy lòo nəə́ e Kanan, wù laàr kitúm saàmbà fo fo, e fò woŋ woo shooy ji wóv,

Ŋgàn 18:18

Melaà mè yii gháʼá, á màʼ sí mbàm, e lì mbìv ye yì fəəsin, kí tìnén melaà, e jàvsìn vindzəʼ ve antav.

Ŋgàn 16:33

Wíri lo, á shwèŋ kinyo shwéŋén, yii bèy, a kinyo ke ru kí kù yii din Nyùy Tàr.

Nsùyrì Nyùy 105:11

Wù‑uù kàʼ e Jakov jii, «M wíy fo woŋ Kanan e wò, é vèn à wón véné yí fó ji vitsə́ʼ vén.»

Joshua 18:8

Vilum vìyi lòo lò ji á waà sí du, a sìysì woŋ, Joshua naàrì aáwune jii, «Vèn du, e ghàn, e kìy woŋe, e sàŋ mo wú dzəə̀n, kfə́n e bàm, é m nèn neèr e Nyùy Tǎr si, e Shilo fèn, e tàr, e bóo fo e vèn.»

Kintaŋ 34:13

Mooser nèn yòŋ wír veé Isray, e sùúy aáwune jii, «Nsay rə̀n dzə̀ ye Nyùy Tàr yòŋèn ji á fó á e rám see bvə̀ʼə̀ si, e fò e yee kintoʼnìne. Dzə̀ nsay ye vèn wíy tàr, e jàv ji vitsə́ʼ vév.

Kintaŋ 33:54

Vèn wíy a tàr virə́ʼ tárin, e bó a jàv mo rám sén sí dzə̀kìn, é bo á wáa ker ji vitsə́ʼ vév. Rám ye kuʼùné wíy a sə kirə́ʼ kikuʼùn, é ye terií wáa sə kirə́ʼ shishàr. Kirə́ʼ ke á tàrìn, kí fəə́sín ji ké ram yee shó, bo kù sì kév. Vèn kù wíy a ker nsay a dzə̀ mo kfəə́ se sí‑iì ràmèn fo atàr vén sí dzə̀kìn.

Joshua 18:7

Yii bèy, wír veé ram Levìi yòʼ yíi a ker nsay e věn mvəm, bìʼ fo kév kí kù mày ji áwune wáa lìm ji atàá cù Nyùy Tàr, a wír veé ram Gad wùn à vé Ruben, à vé kintoʼnìn ke rám Manassèe sí kér yéev yee nsay e ndzə̀n Jordan yee fo shùy yii tó mo Mooser woo ŋgaà lìm Nyùy Tàr‑iì foon aáwune.»