Joshua 18:28 - ŊWÀʼ NYÙY

²⁸ Tsəla, Ha‑Elev, Jebus a dzə̀ ji Jerusalem, Gibea, e lì Kiriat‑Jearim. Ŋkà se laʼ nshòv sikweè e ghvə̀m wùn à ntèʼ sév sí. Á ŋkà se laʼ se rám Benjamin mo kfə́ə sév sí dzə̀kìn.

Joshua 18:28 Referans Kwoze

2 Samuel 21:14

e tàtí wùn à vé Saul vi, à vé wan və Jonatan vi, e dzəə̀mè e Kish woo tàr à Saul sày, e Tsəla, e mbìv wòŋ woo Benjamin. Á màysì, e yiì vinyo vidzə̀m mo fòn suuyin. Nyùy Tàr nèn yù bunrì ye vé‑eè bunrì fo kitúm kév kí.

Joshua 15:8

Kù bey, bìíy nèn kù kòʼ é Kiwoóy ké Ben Hinnom, e dù a gwàmrì a shaà tsə́n tsə́n e babá sé ŋkàlaʼ wìr veé Jebus, a dzə̀ ji Jerusalem. Yì nen shaà, e kòʼ é kitu ke gwan wo wù neèmèn é mbìv kùy Kiwòóy ké Hinnom, e mbìv yee fo shùy yii nəə mo Kiwoóy ké Refayim ki duùn a ndzə̀y fo kùy.

Hosea 10:9

Nyùy Tàr suuy e wír veé Israyi jii: «Éè wìr veé Isray, e kèʼ fo ghan se vèn‑eè bùʼùn kinyo e Gibea, vèn kù jáy jay vèsən, dzəsì jay e wùmǒʼ kitu. Vé‑eè tòn wír ve bií e rə́r sí é Gibea bèy, a bó yòʼ‑oò dzə̀ kinyo ke juŋ ki bey à?

Aysaya 10:29

Á kòʼ ne kiŋgwàmrì, e bìʼír, aá sí bee vitsə́ʼ vé lán vi é Geba. Wír veé Ramàa sí yaʼ yàʼàn, a wíri sàm ne fo Gebea, ŋkàlaʼ feyì ye yì‑iì dzəə̀n ye Fòn Saul.

2 Samuel 5:8

Wáa dzə e kishiíy fóo fèy, Davir dzə́r e wír vəə́ jii, «Wìr dzə̀ shó fèn wo wù bànèn wír veé Jebusi, e kòóy mo ye dzə̀ wù nə̀ə́ áwune e rə́r sí á? Bo a dzə̀ ŋgaàŋ kù tòsín làvŋgòm, e bóo nəə́, e fùnèn amfìr wùn aàndzə́m vísəə.» Á nèn lò, e fùnèn, e tòn. Á kinyo ke kí‑iì yiìn, é bo á siíy a màʼ lám jii, amfìr wùn aàndzə́mé yòʼ yii nəə e Nyùy Tǎr lav.

1 Samuel 10:26

Saul kfə́n sá e bàm e wun laʼ e Gibea, aàntav ámóʼó ve melív mev mè‑eè lum e kinyò ke Nyùy yiìné jumrì wun.

Joshua 18:16

Yì nen sə̀y, a dù, e bàʼ e ghaa gwan wo wù kíy Kiwoóy ké Ben Hinnom, ke kí ndzəy kuy fo Kiwoóy ké Refayim. Yì nen sə̀y é Kiwoóy ké Hinnom tsə́n fó wòŋrí gwan woó Jebusi, e sə̀y róŋ róŋ, e bàʼ e En‑Rogel.

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Kintaŋ 33:54

Vèn wíy a tàr virə́ʼ tárin, e bó a jàv mo rám sén sí dzə̀kìn, é bo á wáa ker ji vitsə́ʼ vév. Rám ye kuʼùné wíy a sə kirə́ʼ kikuʼùn, é ye terií wáa sə kirə́ʼ shishàr. Kirə́ʼ ke á tàrìn, kí fəə́sín ji ké ram yee shó, bo kù sì kév. Vèn kù wíy a ker nsay a dzə̀ mo kfəə́ se sí‑iì ràmèn fo atàr vén sí dzə̀kìn.

Kintaŋ 26:54

Lóo dzə rám ye yí kùʼùn, á fò yéev e kuʼùn. Lóo dzə ye yí dorin, á fò yéev shishàr. Rámé kù wíy a sə kév kee kirə́ʼ mo wír ve á taŋené dzəə̀n.

Kintaŋ 26:38

Fo rám Benjamin, á kér kfəə́ see jii, yé Bela, yé Ashbel, yé Ahiram,

Joshua 18:27

Rekem, Irpeel, Tarala,

Joshua 19:1

Kirə́ʼ ke Joshua‑aà tàrìn kí fəə́ ji baà kí wáa dzə ké rám Simeon. Nsay yev‑iì fəə̀ ji yì dzə̀ á e ye rám Judàá mvəm. Á nèn fò aáwune mo kfə́ə sév sí dzə̀kìn.

2 Samuel 5:6

Vé‑eè kóʼor Davir ji fon, a Jerusalem dzə̀ nsay wìr vee Jebus. Fòn Davir nèn lì wír və́, wùn áwune dù ji á du, e tòn a fó. Wír veé Jebusi‑iì kwaʼtì ji bó yòʼ dzə̀ Davir tòn á ŋkàlaʼ yee Jerusalem. Á nèn a suúy e wun jii, «Bó yòʼ dzə̀ à làʼ kiwuú ké fèn. A fə̀m jòʼ amfìr wùn aàntèŋe, á kù jùm wò fo fèn.»

2 Samuel 23:29

à Helev woo wan Baana woó Netofa, à Ittay woo wan Ribay woó Gibea e Benjamin,

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Atǎr Nsaʼ 1:21

Yii bèy, bó wír veé ram Benjamine yòʼ‑oò lo jùm wír veé Jebus ve vé‑eè dzə́ e Jerusalem. Wír veé Jebus vìne ku nèn gòʼ, a dzə wùn à wír vee rám Benjamine e Jerusalem, e wìy shem lán.

Atǎr Nsaʼ 19:10

Yii bèy, la wù yòʼ dzəə biìmé, e shìíy. Wù nèn ŋàʼáy, a dù dzə́ə fó Jebus wo á yoŋ lán ji Jerusalem. Wù‑uù lò, a dù wùn à wiiy və wo lemèn, à vimbèʼbìy və́ vee vibaà ví, aá kúr ne vifá e ndzə̀m wó.

1 Wòŋ 8:28

Wír vìn adzə̀me‑eè dzə̀ atǎr kfəə, a lav sinín si‑iì sàn fo áwune. Áwune‑eè dzə́ e Jerusalem.