Joshua 15:17 - ŊWÀʼ NYÙY

¹⁷ Á bèy, Otniel woo wan fər Kalev nèn fùnèn, e sə̀. Kalev fó wán və woo Aksa sho ji wiíy, a yír tàr à Otnieli‑iì dzə̀ ji Kenas.

Joshua 15:17 Referans Kwoze

Atǎr Nsaʼ 3:9

A kí‑iì dzə̀ jii, wír veé Israyi‑iì lòn Nyùy Tàr, wù fó áwune ŋgaà sə, wù fəə́r áwune fo fòn və̀n sar saʼ. Ŋgaà sə və̀n‑eè dzə̀ Otniel woo wan Kenas wo yì‑iì dzəə̀n bám Kalev.

Atǎr Nsaʼ 1:13

Á bèy, Otniel woo bám Kalev nèn fùnèn, e sə̀. Kalev fó wán və woo Aksa sho ji wiíy, a yír tàr à Otnieli‑iì dzə̀ ji Kenas.

Atǎr Nsaʼ 3:11

Á bèy, nyaáŋ nén a dzə e nsay Isray fèy, e dù, e meé kiyá mkweè, é bo Otniel woo wan Kenas wáa kpu.

Joshua 14:6

Lòo dzə e kishiíy kímóʼ kí, wír veé ram Judàa nèn lò, e wìy, e yèn Joshua e Gilgal. Kalev woo wan Jefunne woo wir Kenas wáa suúy jii, «À kì kinyo ke Nyùy Tàr‑iì yòŋèn e Mooser woo wir Nyùy Tàr kùm wòsò, aá dzə̀ é Kadesh‑Barnea.

1 Wòŋ 2:49

Maaka kfən dzə̀ə́ wán wùmòʼ, a yírí dzə̀ sá ji Shaav. Shaav nèn wìy a dzə tàr à wìr veé Madmanna. Wù kfən dzə̀ə́ sa Sheva woo tàr à wìr veé Makbena, à veé Gibiàa. Kalev‑iì kér sa wán woo wiíy, a yírí dzə̀ Aksa.

Kintaŋ 32:12

Kù‑uù mày Kalev woo wan Jefunne woo wír woó Kenas wùn Joshua woo wan Nun ve vé‑eè tíy e Nyùy Tǎr wùn shilív shidzə̀m.

Joshua 15:16

Kalev lò, e sùúy jii, «Wìr wo wù fùnèn ŋkàlaʼ yee Kiriat‑Sefer rə̀n, e sə̀, bo m fó wán wom woo Aksa sho ji wiiy və.»

1 Wòŋ 4:13

Wón Kenasi‑iì dzə̀ Otniel wùn Serayia. Wón Otnieli wáa dzə sa abaà, a dzə̀ Hatat wùn Meonotay.

1 Wòŋ 27:15

Fo ŋwee woo nshòv sibaà e ghvə̀m, mfòómé wáa dzə Helday woó Netofa, a dzə̀ rám Otniel. E wun káŋ, wíri kù‑uù dzə̀ nsə̀kì nshòv sikweè e mbaà.