Joshua 14:9 - ŊWÀʼ NYÙY

⁹ Mooser nèn lìʼ e kishiíy fóo fèy, e kàʼ mo jii, ‹Ké ru kí, nsay ye mò‑oò duùn, e tìír kiwuú kém shó sì á vitsə́ʼ vé vèr à wón vémé, e wiy du mày, bìʼ fo m kù‑uù tíy vèr Nyùy Tàr woo Nyùy və vèr à shilív shém shí shidzə̀m.

Joshua 14:9 Referans Kwoze

Joshua 1:3

Kirə́ʼ kidzə̀m ke vèn yíi dù, e tiír kiwuú kén shó, m fò ne e vèn. M fò ne ji kén réŋréŋ mo mò‑oò kàʼàn Mooser.

Remrí 1:36

Kù jòʼsì Kalev woo wan Jefunne wo wù wíy yen. M wíy fo woŋ wo wù‑uù ghanen shó e wùn à wón vəə́, a dzə̀ bìʼ fo wù kù‑uù yúnin mo woo Nyùy Tàr shilív sə́ shidzə̀m.›

Kintaŋ 13:22

A vé‑eè lò, e kòʼ é Negev, e nèn wìy e Hebron. A Hebron‑eè sì ŋkàlaʼ yee fó ŋgùʼ, a vé‑eè bòm, viyá vi shaà saàmbà, bo á wìy bom Tsoan woó Ejiv. Á meé fó, e yèn viŋgáʼ ve wìr veé kfəə Anak, aá dzə̀ rám sitaár, yé Ahiman wùn à yé Sheshayi, e lì yé Talmay.

Remrí 11:24

Kirə́ʼ kidzə̀m ke vèn tiirin kiwuú shó ki wíy a dzə kén. Woŋ wóné wíy kèʼ fo woʼ, fo mbìv yee tsə́n, e dù, e bàʼ aàgwan veé Lebanon, e mbìv yee kuy, e kfə̀n kèʼ fo ndzəv yee Yufret, e mbìv yee fo shùy yii tó, e dù, e bàʼ e Rìbà Ndzə̀v woo Mediteranean, e mbìv yee fo shùy yii nəə.

Joshua 14:10

Leéy ri, e yèn, Nyùy Tàr lèm ne mo e tin mo wù‑uù kàʼàn. Sì kiyá nshòv sitàn e mkweè mo Nyùy Tàr‑iì yòŋèn jí sìn e Mooser, a wír veé Israyi kù‑uù ghán ghanén é woʼ. Wáa dzə lán, a m sì kiyá nshòv sitàn e mwaamé,

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.

Nsùyrì Nyùy 37:9

Á wíy laàr wír ve á méŋ Nyùy Tàr fó wòŋ láarin. Yii bèy, wír ve á tiir vifií e Nyùy Tǎr wùné kù wíy a dzə e nsay. Á wíy a dzə e nsay ye Nyùy foon aáwune.