Joshua 14:6 - ŊWÀʼ NYÙY

⁶ Lòo dzə e kishiíy kímóʼ kí, wír veé ram Judàa nèn lò, e wìy, e yèn Joshua e Gilgal. Kalev woo wan Jefunne woo wir Kenas wáa suúy jii, «À kì kinyo ke Nyùy Tàr‑iì yòŋèn e Mooser woo wir Nyùy Tàr kùm wòsò, aá dzə̀ é Kadesh‑Barnea.

Joshua 14:6 Referans Kwoze

Kintaŋ 14:30

Bó wìr mòʼón fo áwune yòʼ wíy shov woŋ wo mò‑oò kàʼàn ji m wíy lèm áwune fó. Kù mày Kalev woo wan Jefunne wùn Joshua woo wan Nun.

Kintaŋ 14:24

Yii bèy, ké ŋgaà lìm wom woo Kalev mo wù kér shilív sə́ jeéy, ghán e mǒ mbòv shilív shimòʼón, m wíy lì wun, e dù, e nəə́ sho e nsay ye wù‑uù duùn, e yèn, é rám rəə́ yov fó.

Kintaŋ 13:6

Fo rám Juda, wáa dzə Kalev woo wan Jefunne.

Joshua 14:14

Hebron nèn a dzə vitsə́ʼ vé Kalev woo wan Jefunne woo wír woó Kenas e wìy shem lán, bìʼ fo wù‑uù tíy wùn Nyùy Tàr woo Nyùy wìr veé Isray shilív sə́ shidzə̀m.

Kintaŋ 14:6

Joshua woo wan Nun wùn Kalev woo wan Jefunne ló kév, a sàtì a dzə̀ ndzə̀y fó wùn. Vé‑eè dzə̀ é ŋgoo ye yì‑iì duùn, e shwèʼ woŋ.

Joshua 15:17

Á bèy, Otniel woo wan fər Kalev nèn fùnèn, e sə̀. Kalev fó wán və woo Aksa sho ji wiíy, a yír tàr à Otnieli‑iì dzə̀ ji Kenas.

Kintaŋ 32:12

Kù‑uù mày Kalev woo wan Jefunne woo wír woó Kenas wùn Joshua woo wan Nun ve vé‑eè tíy e Nyùy Tǎr wùn shilív shidzə̀m.

Kintaŋ 13:26

Á wìy, e yèn Mooser wùn à Aaron, à màŋgòŋ e dzə̀m, aá dzə̀ é Kadesh e woʼ yee Paran, e naàrì mo ghán yéví‑iì dzəə̀n, e dìn báŋ se vici seé nsay foo fèy.

Nsùyrì Nyùy 90:1

Nyùy Tàr, à kù‑uù sì ji láʼ fo vèr. À kù‑uù sì ji láʼ yér mo ŋgwàʼ sér sí‑iì dzəə̀n.

2 Timoti 3:17

A Nyùy‑iì fò ŋwàʼ və̀n bèn ji wìr wo wù yii lim rə́ fíʼ a ker kifá ke lìm, e kiíy kinyo kfə́ kijuŋ, a dzə kibáʼtín mó a yiì lim ye juŋe e dzə̀m.

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

2 Afòn 8:11

Elisha nèn kù tùytí sí e Hasael wùn, a kiy wun, kitú ki lùm Hasael, Elisha nèn lò, e kèʼ a toŋ.

2 Afòn 8:7

Elisha nèn wìy lò, e dù e Damaskus. Wù wáa dzə fo, a Ben‑Hadad woo fon woó Siiria kì lumkìrì. Á nèn lò, e bùn fon ji wìr Nyùy waà wìy a fo.

2 Afòn 4:42

Wìr wùmòʼ nèn wìy fo Baal‑Shalisha, a wù kér ntuʼ se kiban ke tonèn kí kee sáŋ yee *barli yé mbìyi. Sí‑iì dzə̀ mbaà wùn à vitú ve saŋ ve vé‑eè tinen, a ví dzə̀ə́ vishoòŋ vi. Wù‑uù wiy sho ji wun fó á e Elisha woo wir Nyùy. Elisha nèn yòŋ e wánlè və ji wù fó á, é wíri yí.

2 Afòn 4:16

Elisha suúy shó jii, «E ghan fen, e kiya ke kí wiyì, à wíy a ker wán lumèn e wò koy.» Wiíy və̀y yòŋ jii, «Nyaa mǒ tàr wor, *ŋgaà ntum Nyùy, lá à yòʼ a boʼtí wánlè wò.»

2 Afòn 4:9

Wiíy və̀y wìy lò, e sùúy e lum və jii, «Leéy mbà, wìr wo wù lo wù wàa shaà fèn ghán sí ghán sí və̀n dzə̀ ŋgaà lìm Nyùy, a dzə̀ ŋgaà ntum və.

1 Afòn 13:14

e nèn a jùmrì ŋgaà ntum Nyùy və̀y. Wù jùmrì, e dù yèn, a wù dzə́ e sar kici kee *terebint. Wù nèn dzə̀r shó jii, «Dzə̀ wò ŋgaà ntum Nyùy wo wù wìyìn fó Juda à?» Wù bínsí jii, «Dzə̀ mo.»

1 Afòn 13:1

*Ŋgaà ntum Nyùy wùmòʼ ku nèn bvə̀ysín fo, a yì‑iì tùm Nyùy Tàr wun fo Juda ji wù wiy á e Betel. Wù wáa meé fo, a Jeroboam tíy e ghaa kiy cù ji wun yii a cu.

Joshua 10:43

Joshua màysì bèy, wùn à shúu rər woó Israyi nèn kfə̀n é bàm é Gilgal.

Joshua 4:19

Lòo dzə e kishiíy kee ghvə̀m, e ŋwee mbìyi, wír veé Israyi kóʼ fó ghaa Jordan, e dù beè e Gilgal wo wù dzəə̀n é ŋguùŋè Jeriko fo mbìv ntoshùy.

Remrí 34:10

Bó *ŋgaà ntum Nyùy wùmòʼ yòʼ kfə̀n‑eè wìy sìíy, e fəə̀ é Isray moo Mooser wo wùn Nyùy Tàr‑iì súŋnin sùŋnín, yénninè.

Remrí 34:5

Á bèy, Mooser woo ŋgaà lìm Nyùy Tàr nèn kpù fó e nsay Moav, kù mo Nyùy Tàr‑iì suuyin.

Remrí 33:1

Bo Mooser woo *ŋgaà ntum Nyùy wáa kpu, wù‑uù lòn kisəəvì bìʼ rám seé Isray.

Kintaŋ 13:30

Kalev nèn lò kfə́, e sə̀r wíri mo vé‑eè baʼtin e Mooser si, e sùúy jii, «Vèsən kóʼ fó kàŋ mòʼón, e dù, e yòv fó. A dzə̀ vèsən tòn fó, e sə̀.»

Kintaŋ 26:65

A dzə̀ bìʼ fo Nyùy Tàr‑iì yòŋèn ji á kù wíy kpukír a e kirə̀ʼ ké woʼ kí adzə̀m. Wìr fo áwune yòʼ kfə̀n‑eè dzə̀ə́. Kù‑uù jòʼsì Kalev woo wan Jefunne wùn Joshua woo wan Nun.

Jeremia 35:4

e nèn lì áwune, e wìy sho e lav cù, e nə̀ə́ sho e wón Hanané wàn lav. Hanan və̀n dzə̀ wan Igdalia woo *ŋgaà ntum Nyùy. Wàn lav və̀n‑eè dzə̀ é ghaa wàn lav wo dzəə̀n wo atǎr saʼ, a wù‑uù dzə̀ e Ma‑Aseyia woo wan Shallum kitu ke wàn lav. Shallum və̀n dzə̀ wo yì‑iì leey wun shuu se kày seé lav cù.

1 Wòŋ 23:14

Vé‑eè lì wón wón Mooser woo wir Nyùy, e tàŋ ji mbìv rǎm Levi yìmòʼ.