Joshua 14:15 - ŊWÀʼ NYÙY

¹⁵ A vé‑eè yoŋ Hebron fo ŋgùʼ ji Kiriat‑Arba, a dzə̀ jii, Ntèʼ Arba. Arba və̀n‑eè dzə̀ wír wo tavín e wír vee Anakí mvəm. Á bèy, rə́r sí nèn mày fo nsay foo fèy, nyaáŋ wáa dzə fo.

Joshua 14:15 Referans Kwoze

Joshua 11:23

Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Kèʼlo 23:2

Wù‑uù kpù é wòŋ Kanan, e kirə̀ʼ ke á yoŋ ji Kiriat‑Arba, a dzə̀ lán ji Hebron. Abraham wáa toŋ, a dìy kpú rə́.

Atǎr Nsaʼ 3:11

Á bèy, nyaáŋ nén a dzə e nsay Isray fèy, e dù, e meé kiyá mkweè, é bo Otniel woo wan Kenas wáa kpu.

Joshua 15:13

Fo ké Kalev woo wan Jefunne, Joshua nèn fò wun nsay jeéy aàfə́r və́ vee wír veé Judàá mvəm mo Nyùy Tàr‑iì yiìn ne yòŋ e Joshua. Wù‑uù fò Kiriat‑Arba wo dzəə̀n Hebron e Kalev. Vé‑eè yoŋ bèy, a Arba‑aà dzə̀ tàr à Anak.

Atǎr Nsaʼ 8:28

Á bèy, á mo Isray‑iì səʼərin kóy wìr veé Midian e nsay, vitaáví vév vé rər ví nèn kù mày bèy, e dù meé mo Gidiyon‑eè dzə̀ʼə̀mèn, e wìy a kpu. Nyaáŋ wáa dzə e kitum foo fèy kiyá mkweè.

Atǎr Nsaʼ 5:31

«Éè Nyùy Tàr, ku laàr aŋgaà vé vibàné adzə̀m láarin moo Sisera, é wír ve á koŋ wòo wáa dzə moo shúy ye yì tó kijàvndzə, yì kù nèn a ban a dù duùn fó mbìy.» Á bèy, nyaáŋ ku nèn a dzə e nsay Isray kiyá mkweè.

Atǎr Nsaʼ 3:30

Á bèy, wír veé Israyi nèn tòn veé Moav, e kèʼ fo kishiíy kee shooy, áwune nèn a yu sáʼ a dzə̀ fo wír veé Israyi. Nyaáŋ nèn a dzə e nsay Isray kiyá mwaamé.

Kèʼlo 35:27

Jakov nèn kfə̀n é bàm fo tàr wov Aysi wùn é Mamre, e ŋguùŋè Kiriat‑Arba ye á yoŋ sa ji Hebron, a dzə̀ fo Abraham‑eè dzə̀ʼə̀mèn sá, é bo Aysi siíy, a dzə fo.

Kèʼlo 37:14

Tàr wov suúy shó jii, «Ku dù, e lèéy ji afə́r vé wùn à nyám si sà dzə̀ é kwaʼ kijuŋ a, e wìy, e sùúy e mò.» Wù nèn tùm wun fo mboʼ Hebron foo fèy, wù wáa dù e Shekem.

Joshua 14:14

Hebron nèn a dzə vitsə́ʼ vé Kalev woo wan Jefunne woo wír woó Kenas e wìy shem lán, bìʼ fo wù‑uù tíy wùn Nyùy Tàr woo Nyùy wìr veé Isray shilív sə́ shidzə̀m.

Joshua 21:11

Vé‑eè fò Kiriat‑Arba wo yírí loòn fo Araba woo tàr à Anak, a kù dzə̀ Hebron woó mbìv agwan veé Juda. Vé‑eè fò, e tàtí kwáʼ se nyàm se sí kaarin fó.

Nehemia 11:25

Wír aníne kù‑uù dzə́ a dzə̀ é virə̀ʼ vee fo súm sév sí‑iì dzəə̀n. Wír vee rám Judàa kù‑uù dzə́ kév é Kiriat‑Arba wùn ǎ Dibon, ǎ Jekabseel, ǎ ntèʼ see fó.

Joshua 21:12

Yii bèy, a vé‑eè fò ne kwáʼ se á fəən láʼ wùn à ntèʼ seé ŋkàlaʼ fèn si e Kalev woo wan Jefunne ji və́ vee virə́ʼ.

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.

1 Samuel 30:31

e lì yeé Hebrone. Wù‑uù tsə̀nsí é virə̀ʼ vidzə̀m ve wùn à wír vəə́‑əə̀ ghán sho.

1 Wòŋ 6:4

Eleasar nèn wìy a dzə tàr à Finehas, Finehas wáa dzə tàr à Abishua,