Joshua 14:13 - ŊWÀʼ NYÙY

¹³ Joshua nèn səə̀vì Kalev woo wan Jefunne, e fò Hebron sho ji vitsə́ʼ və́.

Joshua 14:13 Referans Kwoze

Atǎr Nsaʼ 1:20

Á nèn fò Hebron e Kalev mo Mooser‑iì kàʼàn. Kalev nèn jùm rám Anak yee taár fo fo.

Joshua 22:6

Joshua yòŋ bèy, e səə̀vì áwune, e nèn màʼtì, á wáa dù aáwuné melaʼ.

Joshua 15:13

Fo ké Kalev woo wan Jefunne, Joshua nèn fò wun nsay jeéy aàfə́r və́ vee wír veé Judàá mvəm mo Nyùy Tàr‑iì yiìn ne yòŋ e Joshua. Wù‑uù fò Kiriat‑Arba wo dzəə̀n Hebron e Kalev. Vé‑eè yoŋ bèy, a Arba‑aà dzə̀ tàr à Anak.

Yòv Viŋgér 6:9

bo kibìŋ kém kin, wiíy wom ntay fo fo, bo wù kù dzə̀ jeéy. Wiíy, a dzə̀ jòʼsho wan woo wiíy fo wun kiyìy. Wán, a kiyìy kí lo, kí wàa ker moo wúm. Wónlě ŋgòne lóo leéy wun, á wàa shèŋ a dzə̀ kitú ji wù bòŋ a ŋàŋ. Vikǐy ntoʼ, à ve lemèné wàa burí sa vijuŋ və́, a ndzəʼ jii,

1 Samuel 1:17

Eli nèn yòŋ sho jii, «Á dù vèn à nyaáŋ, é Nyùy wìr veé Isray fó wò kifá ke à kì lóné.»

Kèʼlo 47:10

Jakov kfən fò fon kisəəvì kfə́, bó a lò.

Kèʼlo 47:7

Joosev nèn lì tàr wov Jakov, e wìy sho, e dìn e fòn. Jakov bùn, e yòŋ ji Nyùy səəvi á fon.

Joshua 14:14

Hebron nèn a dzə vitsə́ʼ vé Kalev woo wan Jefunne woo wír woó Kenas e wìy shem lán, bìʼ fo wù‑uù tíy wùn Nyùy Tàr woo Nyùy wìr veé Isray shilív sə́ shidzə̀m.

1 Samuel 30:14

Vèr‑ii nəə́ rə́r é Negev, e faàsì vifá fo wír veé Kereti, e kfə̀n faàsì fo rám Kalev ye dzəə̀n wír veé Judàa, e nèn tòn Tsiklag e və́yí.»

1 Samuel 30:31

e lì yeé Hebrone. Wù‑uù tsə̀nsí é virə̀ʼ vidzə̀m ve wùn à wír vəə́‑əə̀ ghán sho.

2 Samuel 2:1

Ghán sí wìy lòo dù, Davir mbaà Nyùy Tàr, e dzə̀r ji wun sa kòʼ é ŋkàlaʼ yee Juda yìmòʼ, e dù, a saʼ fo a? Nyùy Tàr biímé ji wù wàá kóʼ. Davir kfən dzə̀r ji wun sa dù a dzə̀ é ŋkàlaʼ rəné á? Nyùy Tàr yòŋ ji Hebron.

1 Wòŋ 6:4

Eleasar nèn wìy a dzə tàr à Finehas, Finehas wáa dzə tàr à Abishua,

Nehemia 11:25

Wír aníne kù‑uù dzə́ a dzə̀ é virə̀ʼ vee fo súm sév sí‑iì dzəə̀n. Wír vee rám Judàa kù‑uù dzə́ kév é Kiriat‑Arba wùn ǎ Dibon, ǎ Jekabseel, ǎ ntèʼ see fó.