Joshua 13:4 - ŊWÀʼ NYÙY

⁴ Nyùy suúy jii, «A dzə̀ á kù sə̀ nsay wìr veé Kanan e dzə̀m fo mbìv yee tsə́n, e kfə̀n sə̀ Meara wo kér wír veé Sidon, e sə̀ Afek e bìíy ŋgvən wìr veé Amor.

Joshua 13:4 Referans Kwoze

Joshua 19:30

Umma, Afek, e lì Rehov. Ŋkà se laʼ sév sidzə̀m si wáa dzə nshòv sibaà é mbaà, e bóo lì ntèʼ sév.

1 Samuel 4:1

Á bèy, kisúŋnìn ke Samuel ki ghánén woŋ Isray e dzə̀m. Wír veé Israyi nèn lò, e fəə̀ ji á du, e fùnèn wír veé Filistia. Áwune dù beè e Ebeneser, wír veé Filistiàa beè e Afek.

Amos 2:10

Kù dzə̀ mo və̀n wo mò‑oò fəərin ven fó wòŋ woo Ejiv, e tsəə̀né ven, vèn ghán, e tòsín wóʼ kiyá mkweè. M fó nsay wìr veé Amor ji vitsə́ʼ vén.

Joshua 12:18

fon woó Afek, fon woó Lasharon,

Joshua 11:3

Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 10:40

Á mo Joshua‑aà tònèn woŋ woo shooy e dzə̀m. Wù‑uù tòn vitúm veé mbìv aŋkoŋ, e tòn veé mbìv Negev, à veé mbìv Shefela e sar se agwan, e lì veé babá sí, a kfənér e mbìv ròŋ. Wù‑uù tòn virə́ʼ vin wùn aàfon véví adzə̀m, e làa yòʼ màʼtì wír. Wù kù‑uù yùyrí adzə̀m mo Nyùy Tàr woo Nyùy wìr veé Isray‑iì yòŋèn.

1 Afòn 20:26

Nèn a dzə e kimgbù ke wuu, Fòn Ben‑Hadad wùn à wír veé Siiriàa báʼtí rə́r, e kòʼ é Afek ji á funen á wír veé Isray.

1 Afòn 20:30

Kibér ke wìr ki léʼ, e dù e ŋkàlaʼ yee Afek, kayi dù, e keèsì, e yùyrí áwune wír nsə̀kì nshòv saàmbà e mbaà. Fòn Ben‑Hadad léʼ, e làáy e ŋkàlaʼ, e lav yee fó mvəm.

Esiker 16:3

Tiísí jii, ke Nyùy Tàr woo Taà Ndzə suuy e Jerusalem ki dzə̀ jii, ‹Wò‑oò lò fó wòŋ Kanan. Kitàr ké ki‑iì dzə̀ wir Amor, kiyìy kí wáa dzə wir Hit.