Joshua 13:33 - ŊWÀʼ NYÙY

³³ Yii bèy, fo ké rám Levi ki, bó Mooser yòʼ‑oò lo fò áwune nsay ji vitsə́ʼ vév. Kév kí kù‑uù jòʼsì vidzə̀ vé cù Nyùy Tàr woo Nyùy wìr veé Isray réŋréŋ mo wù‑uù suuyin e Mooser.

Joshua 13:33 Referans Kwoze

Joshua 18:7

Yii bèy, wír veé ram Levìi yòʼ yíi a ker nsay e věn mvəm, bìʼ fo kév kí kù mày ji áwune wáa lìm ji atàá cù Nyùy Tàr, a wír veé ram Gad wùn à vé Ruben, à vé kintoʼnìn ke rám Manassèe sí kér yéev yee nsay e ndzə̀n Jordan yee fo shùy yii tó mo Mooser woo ŋgaà lìm Nyùy Tàr‑iì foon aáwune.»

Joshua 13:14

Fo ké ram Levi ki, bó Mooser yòʼ‑oò lo fò áwune nsay ji vitsə́ʼ vév. Kév kí kù‑uù jòʼsì a dzə̀ ke Nyùy‑iì yòŋèn e Mooser jii, vitsə́ʼ vév ví kù dzə̀ á vidzə̀ vé cù ye və́yí bin fo fo, ji cu Nyùy Tàr woo Nyùy wìr veé Isray.

Remrí 10:9

Á kifá ke kí‑iì yiìn, la rám Levìi yòʼ a ker nsay aàfə́r véví mvəm ji vév vee vitsə́ʼ. Nyùy Tàr kù‑uù sì vitsə́ʼ vév bey, mo wun woo Nyùy Tàr woo Nyùy won‑eè yòŋèn aáwune.»

Kintaŋ 18:20

Nyùy Tàr naàrì bèy, e sùúy e Aaron jii, «À yòʼ wíy a ker nsay e wír veé Israyí mvəm ji vitsə́ʼ vé, a bó à yòʼ wíy a ker kéŋ yímóʼó aáwuné mvəm. M sì kéŋ yén, a dzə vitsə́ʼ vén e wír veé Israyí mvəm.

Joshua 13:32

Á nsay ye Mooser‑iì jàvìn é ghan se wù‑uù dzə́ e mboʼ yeé Moav ye yì dzəə̀n é mbìv Jeriko, aá líysín ne Jordan, e dù e mbìv yee fo shùy yii tó.

Esiker 44:28

«Bó atàá cùu yòʼ wíy a ker kirə́ʼ e wír veé Israyí mvəm ji vitsə́ʼ vév. Kù dzə̀ mo, vitsə́ʼ vév. Bó á yòʼ wíy fo nsay aáwune é Isray. M sì ji yéev yee nsay.