Joshua 13:16 - ŊWÀʼ NYÙY

¹⁶ Nsay yev nèn kèʼ fo Aror wo wù dzəə̀n é ŋguùŋè mboʼ ndzə̀v yeé Arnon, e lì ŋkàlaʼ ye yì dzəə̀n é kintìntìn ke mboʼ yee shooy, e tàtí ŋgvən Medeba e dzə̀m ye yì leŋen é kitu ke agwan.

Joshua 13:16 Referans Kwoze

Joshua 13:9

Nsay yev‑iì kèʼ fó Aror e ŋguùŋè mboʼ ndzə̀v yeé Arnon, e lì ŋkàlaʼ ye yì dzəə̀n é ntìntìn mboʼ foo fèy, e tàtí ŋgvən ye yì leŋen, e lò fo Medeba e vitu ve agwan, e dù bàʼ e Dibon,

Joshua 12:2

Wùmòʼ‑oò dzə̀ Sihon woo fon wìr veé Amor. Wù‑uù dzə́ e Heshbon, sáʼ, e kèʼ fo Aror, wo wù dzəə̀n é ŋguùŋè mbuŋ Arnon, e lì ŋkàlaʼ yeé mvə̀m mbuŋ foo fèy. Bìíy nen dù bàʼ e ndzəv yee Jabbok, ye dzəə̀n bìíy ŋgvən wìr veé Ammon. Wóŋ Fòn Sihon və̀ne tàtí kintoʼnìn ke Gilead,

Aysaya 15:4

Wír veé Heshbon wùn à veé Elealèe fúŋ tóŋ, tóŋ ji á ku sə̀ áwune. Á yú tóŋ yév, du mee e ŋkàlaʼ Jahas. Vé rər veé Moavi tóŋnin, a melív mev mè yaʼà.

Remrí 3:12

Mooser kú a shaà fo mbìy, a suúy jii, «Vèsən‑eè sə̀ woŋ və̀n bèy, m tóʼtí, e fò mbìv yìmòʼ, e rám Ruben wùn à yé Gadi. Virə́ʼ vin vi dzə̀, e lò fo ŋkàlaʼ yee Aror e ghaa kiwoóy ké ndzəv yee Arnon, a kfənér e mbìv yee kuy, e lì kintoʼnìn ke wòŋ agwan woo Gilead, à ŋkà se laʼ see fó si.

Joshua 13:15

Mooser‑iì tòʼtí nsay yeé ndzə̀n Jordan rə̀n, e fò kimbày e rám Rubene ji vitsə́ʼ vév mo kfəə sév sí dzə̀kìn.

Joshua 13:17

Nsay rə̀n tàtí sa Heshbon wùn à ŋkà se laʼ se sí dzəə̀n é ŋgvən ye leŋén rə̀y. A sí dzə̀ ji Dibon wùn à Bamot‑Baal, à Bet‑Baal‑Meon,

1 Samuel 30:28

à veé Aroyeri, à veé Sifmoti, à veé Eshtemoàa,

2 Samuel 24:5

Á líysín Jordan, e nèn beè e mbìv Aror yee tsə́n, Aror wo dzəə̀n ntèʼ ye yì dzəə̀n é kintìntìn ke kiwoóy é nsay Gad. Á kèʼ táŋ fo fo, e nèn kòʼ é ntèʼ yee Jaser.

1 Wòŋ 19:7

Áwune nèn dù, e làʼ *viténtén vé rər, a ví dzə̀ nsə̀kì nshòv sibaà e mtaár, e kfə̀n làʼ mànjòŋ fòn woó Maaka, wù wìy, e tàm kiláʼáy é ghaa ŋkàlaʼ yee Medeba. Wír veé Ammone nèn fəə̀kír fo áwuné ntèʼ sí, e wìy, a baʼtí rə́r.

Kintaŋ 21:26

Heshbon‑eè dzə̀ ŋkàlaʼ wìr veé Amor fo Fòn Sihon‑eè sáʼá. Wù‑uù tòn ne fon woó Moav, e faàsì nsay rə rə̀y e dzə̀m, e faàsì bèy, e dù, e bàʼ e ndzəv yee Arnon.

Joshua 14:3

Á wáa jàv bèy, a Mooser‑iì fò ne virə́ʼ e rám seé Isray see sibaà sí, e fò sá e yee kintoʼnìne ji vév vee vitsə́ʼ, rám sin se sí dzəə̀n kév é ndzə̀n Jordan, e mbìv yee fo shùy yii tó. Yii bèy, wù yòʼ‑oò lo fò kirə́ʼ e rám Levìi ji vév vee vitsə́ʼ.

Joshua 18:7

Yii bèy, wír veé ram Levìi yòʼ yíi a ker nsay e věn mvəm, bìʼ fo kév kí kù mày ji áwune wáa lìm ji atàá cù Nyùy Tàr, a wír veé ram Gad wùn à vé Ruben, à vé kintoʼnìn ke rám Manassèe sí kér yéev yee nsay e ndzə̀n Jordan yee fo shùy yii tó mo Mooser woo ŋgaà lìm Nyùy Tàr‑iì foon aáwune.»

Atǎr Nsaʼ 11:26

Sì kiyá ghii taár mo wír veé Israyi dzə̀ʼə̀mèn é Heshbon, ámóʼó wáa dzə e Aror, aámóʼó dzə́ e ŋkà se laʼ seé ŋguùŋè ndzə̀v yee Arnon, e bóo lì ntèʼ see fó ghaŋ. Yì‑iì ghàʼ ka fo vèn sə́ virə́ʼ vee shooy e bàm é ghan fóo fèy?