Joshua 13:14 - ŊWÀʼ NYÙY

¹⁴ Fo ké ram Levi ki, bó Mooser yòʼ‑oò lo fò áwune nsay ji vitsə́ʼ vév. Kév kí kù‑uù jòʼsì a dzə̀ ke Nyùy‑iì yòŋèn e Mooser jii, vitsə́ʼ vév ví kù dzə̀ á vidzə̀ vé cù ye və́yí bin fo fo, ji cu Nyùy Tàr woo Nyùy wìr veé Isray.

Joshua 13:14 Referans Kwoze

Remrí 12:19

Vèn wáa yen fó wìy làysìn fó a tom wír veé ram Levi, e wìy dù, e meé mo vèn wíy a dzə e věn nsay.

Remrí 12:12

Vèn wíy a sàvnìn e Nyùy Tàr woo Nyùy wón si, vèn à wón vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. Vèn kú a kuumé ji rám Levìi yòʼ wíy a ker a vitsə́ʼ e věn mvəm.

Remrí 10:9

Á kifá ke kí‑iì yiìn, la rám Levìi yòʼ a ker nsay aàfə́r véví mvəm ji vév vee vitsə́ʼ. Nyùy Tàr kù‑uù sì vitsə́ʼ vév bey, mo wun woo Nyùy Tàr woo Nyùy won‑eè yòŋèn aáwune.»

Joshua 13:13

Kù mày wír veé Geshur wùn à veé Maakati, ve bó wír veé Israyi yòʼ‑oò lo tòn, aá kù dzə́ e wír veé Israyí mvəm, e wìy shem lán.

Joshua 13:15

Mooser‑iì tòʼtí nsay yeé ndzə̀n Jordan rə̀n, e fò kimbày e rám Rubene ji vitsə́ʼ vév mo kfəə sév sí dzə̀kìn.

Joshua 13:33

Yii bèy, fo ké rám Levi ki, bó Mooser yòʼ‑oò lo fò áwune nsay ji vitsə́ʼ vév. Kév kí kù‑uù jòʼsì vidzə̀ vé cù Nyùy Tàr woo Nyùy wìr veé Isray réŋréŋ mo wù‑uù suuyin e Mooser.

Esiker 44:29

Áwune wíy a yi cú vifa ve yi, a yi cú ajay, a yi cú njò. Vifá ve wír veé Israyi wiy, shwí mo shó vi kù wíy a dzə vév.

Joshua 18:7

Yii bèy, wír veé ram Levìi yòʼ yíi a ker nsay e věn mvəm, bìʼ fo kév kí kù mày ji áwune wáa lìm ji atàá cù Nyùy Tàr, a wír veé ram Gad wùn à vé Ruben, à vé kintoʼnìn ke rám Manassèe sí kér yéev yee nsay e ndzə̀n Jordan yee fo shùy yii tó mo Mooser woo ŋgaà lìm Nyùy Tàr‑iì foon aáwune.»

Esiker 44:28

«Bó atàá cùu yòʼ wíy a ker kirə́ʼ e wír veé Israyí mvəm ji vitsə́ʼ vév. Kù dzə̀ mo, vitsə́ʼ vév. Bó á yòʼ wíy fo nsay aáwune é Isray. M sì ji yéev yee nsay.