Joshua 11:6 - ŊWÀʼ NYÙY

⁶ Nyùy Tàr yòŋ Joshua, e sùúy sho jii, «Lá à yòʼ a fan áwune. Yíi lòo dzə kibvəə́shí moo lèn bèn, a mo woo Nyùy Tàr yúyrí ne áwune, e fò e Isray. Vèn wíy gwàtì nyám sév sé ŋkoʼ fo taŋ se shwin, e tòn viténtén vév e və́yí.»

Joshua 11:6 Referans Kwoze

Joshua 10:8

Nyùy Tàr suúy e Joshua jii, «Lá à yòʼ a fàn. M wày ne áwune e wò kiwo. Wìr yòʼ dzə̀ shó wo wù wíy tam vèn wun, e tòn wò.»

2 Samuel 8:4

Davir koó vé rər veé nyàm se ŋkoʼ kishóv ghií saàmbà e nsə̀kì, e koò vé rər vee kiwuú kí nsə̀kì mbaà. Wù lèm nyám se ŋkoʼ se sí wáa sə̀ŋ *viténtén vé rər wií, e nèn kìvtí kibér.

1 Samuel 11:9

Saul wùn à wíri suúy e vé ntum ve á kì wìyìn fó Gilead vìyi ji á du, e sùúy a e wír veé Jabesh Gileadi ji shùy bvəə́shi a lùm kibvəə́shí, aá sə́ á ne áwune. Aŋgàa ntume dù, e fìʼtì kinyo kìy e wír veé Jabeshi, á yú, a sheʼrí feyì.

Joshua 11:9

Joshua ku nèn yiì mo Nyùy Tàr‑iì yòŋèn, e gwàtì nyám sév sé ŋkoʼ fo taŋ se shwin, e tòn viténtén vév e və́yí.

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

Aysaya 31:1

Lòné dzə̀ wó wìr ve á sə́y e Ejiv ji wír vee fóo sə́ áwune. Lòné dzə̀ wóv mo á yoy, tiir a dzə̀ e nyám se ŋkoʼ see fó sí wùn, yoy, tiir a dzə̀ é *vitentén vé rər, bìʼ fo ví tsəətìn tsəə̀tìn, tiir vifií a dzə̀ e vé rər vee fóo wùn, bìʼ fo á dzəə̀n é mfòn. Áwune yòʼ kfə̀n dzəə́ yéʼti e Ŋgaà wo Ranén woó Isray wùn, a bó á yòʼ kfə̀n dzəə́ diy ji wun woo Nyùy Tàr wáa dànèr áwune.

Aysaya 30:16

Vèn kwaʼ feyì ji ábáy, vèn yíi koʼ nyám sén sé ŋkoʼ, e leʼ, a m suuy kém jii, eè, bo vèn kér fó yìi leʼ. Vèn‑eè kwaʼ sa feyì ji vèn yíi dzə̀v nyám, é sí wáa fer virə́ʼ férín. Ke m suuy ki dzə̀ jii, wír ve á jum vené yíi tav e kileʼ, e shaà ven.

Ŋgàn 20:7

Wìr wo wù yú Nyùy yii ghvə́m kitú kfə́ e njiìn və, a Nyùy səəvì wón və́ bìʼ wun.

Nsùyrì Nyùy 46:11

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

2 Wòŋ 20:16

Áwune bvəə́shi, a koʼ kiŋgwàmrì kee Tsis kibvəə́shí. Vèn bvəə́shi, á sə̀y fó, a kìʼ áwune. Vèn bvəə́shi, e yen áwune fo kiwoóy kí duùn, e ndzə̀y e woʼ yee Jeruel, e mbìv yee fo shùy yii tó.

Joshua 3:5

Joshua nèn yòŋ e wíri jii, «Vèn *kfə́mrí vitú vén ví, bìʼ fo Nyùy Tàr bvəə́shi, e yiì viŋgaʼnìn ve vinyò e věn mvəm kibvəə́shí.»

Remrí 7:16

Vèn wíy laàr wir dzə̀m wo Nyùy Tàr woo Nyùy won wayin e věn kiwo. Lá vèn yòʼ wìy rə̀r mendzən fo áwune, e bàvtí. Lá vèn yòʼ wìy a ghvəm anyùy vév, bìʼ fo kee shooy ki dzəə̀n kitám ke dzə̀ vèn lì shó.

Joshua 11:5

Afon vìn adzə̀me tátí shuu wóv rər, e wìy beè kirə́ʼ kimòʼón e ghaa kisə̀m keé Merom, aá báʼtí ne ji á funen wír veé Isray.

Joshua 11:7

Joshua yú bey, wùn à vé rər vəə́ ku nèn lò, e woòné, e ghìʼ afon vìy e rə́r sí, e ghaa kisə̀m keé Merom.

Atǎr Nsaʼ 7:9

Kú a dzə vitsə́ʼ e kishiíy fóo fèy, Nyùy Tàr suúy e Gidiyon jii, «Ŋáʼáy, e sə̀y é kilaʼáy fo wír veé Midiane baʼtin, e ghìʼ áwune e rə́r sí, bìʼ fo m wayin ne áwune e wò kiwo.

Esiker 39:9

Kí wiy bèy, é wír ve á dzəə̀n é ŋkà se laʼ seé Isray si fəə́, e bàʼtí vifá ve rər ve vé rərí kpuun, e shaà. Kí wíy lì kiyá saàmbà, é bo áwune ton vifá ve rər vin, é ví may. Vifá vee aŋkeè, ndzə̀y sé rər, vinte, mvən si, vibur, e bóo lì kòŋ sí.

Nahum 2:13

Nyùy Tàr suuy jii: «Yuúrí, e yù, m bìn ne ndzə̀m e wò. Suuy mo woo Nyùy Tàr woo Taà Mànjòŋ. M yíi tòn viténtén vé ve rər é və̀y, e laàr wón vé e nyùy rə̀r. M yòʼ wíy biimé, áà kfən sə̀ nshwì fo kitúm kímóʼ kí, a bó ŋgaà wò ntum wo wù wíy mvə̀ʼ shuu yòʼ kfə̀n wíy a dzə.»

2 Afòn 6:16

Elisha suúy shó jii, «Lá à yòʼ a fàn. Vé rər ve á dzəə̀n vèsən áwuneé kùʼ, e shaà ve á dzəə̀n fó.»

Nsùyrì Nyùy 46:10

Nyùy suuy jii, «Vèn yar vindzəʼ vi, a kiíy ji m dzə̀ Nyùy. Sáʼ mo vitúm vidzə̀m. Kù kér mo kitú ke nsay.»