Joshua 10:41 - ŊWÀʼ NYÙY

⁴¹ Joshua‑aà màʼ rə́r, e tòn virə́ʼ vee kèʼ fó Kadesh‑Barnea, e dù e Gasa, e tàtí woŋ Goshen e dzə̀m, e dù, e meé e Gibeon.

Joshua 10:41 Referans Kwoze

Joshua 11:16

Á bèy, Joshua nèn sə̀ nsay vitum vee shooy e dzə̀m. Wù sə́ ye vitum veé mbìv aŋkoŋ, e sə̀ yeé mbìv Negev, à nsay Goshen e dzə̀m, à mbìv Shefela e sar se agwan, à mbuŋ Jordan. Yì‑iì sə̀ wun nsay ye dzəə̀n ji woŋ Isray e dzə̀m, yeé aŋkoŋ wùn à yeé mboʼ si,

Joshua 15:51

Goshen, Holon, e lì Gilo. Ŋkà se laʼ sìn si wáa dzə nshòv mòʼón e ghvə̀m, e bóo lì ntèʼ sév.

Remrí 9:23

Kfə́n a dzə ye Nyùy Tàr‑iì tumen ven fó Kadesh‑Barnea ji vèn du, e yòv nsay ye wù fó e vèn, vèn táv kitú fo Nyùy Tàr woo Nyùy won, e tèn fóo yiì mo wù yòŋèn. Vèn yòʼ‑oò lo wày shilív e Nyùy Tàr wón wùn, e bóo fə̀m a yunén jí rə.

Kèʼlo 10:19

A woŋ wìr veé Kanane‑eè kèʼ fó Sidon, e dù, e mèé e Gerar wo wù dzəə̀n é ghaa Gasa, e lò fo fo, e dù e mbìv Gomorra wùn à Admaa, à Tsəboyiim, e dù, e bàʼ e Lasha.

Lim Aŋgàa Ntum 8:26

Nshìylav Nyùy Tàr siíy, e wìy, e yèn Filiv, e sùúy sho jii, «Ku lò, a səy səyín é mbìv ròŋ, mee fo, à wàa jùmrì dzə́ə ye yì lo fo Jerusalem, tósin wóʼ, du e Gasa.»

Sekariya 9:5

Wír veé Ashkelone wíy yen kinyo kìn, é fáne nəə́ áwune, é veé Gasàa wáa buʼ e mvə̀m nyar. Wír veé Ekrone wíy a buʼ sa, bìʼ fo bó á yòʼ dzəə́ kér fó a yòy, a tiír. Vifon vi wíy mày fo Gasa, é ŋkàlaʼ yee Askelon du é vifə̀m,

1 Afòn 3:5

Nyùy Tàr nèn wìy fo Solomon wùn é Gibeon foo fèy, e sùŋnín e wun e njèm vitsə́ʼə́. Wù‑uù súŋnin suuy jii, «Yòŋ kifá ke à taʼ ji m fó wò ki.»

1 Samuel 6:17

Vimfìʼìr ve vinto vi‑iì dzə̀ vitàn ve wír veé Filistiàa‑aà tsənsin e Nyùy Tàr ji cu ye yí kwaay ajay. Vé‑eè fèr e kisha ke mbàm ke baar kí. Kee kimòʼón ki‑iì dzə̀ ké wìr veé Ashdod, kímóʼ kí ké wìr veé Gasa, kímóʼ kí ké wìr veé Ashkelon, kímóʼ kí ké wìr veé Gat, e lì ké wìr veé Ekron.

Atǎr Nsaʼ 16:21

Wír veé Filistiàa nèn koò wun, e fə̀tí sí rə́, e lì wun, e sə̀y shó e Gasa. Á meé fó, e nèn kùr wuú rə́ aàsháŋ ve á fèrìn e kisha kee *brons ki, e lèm wun, wù wáa jò kibán e laʼ sháŋ.

Atǎr Nsaʼ 16:1

Wáa dzə e kishiíy kímóʼ kí, Samson dù e ŋkàlaʼ yee Gasa ye yì‑iì dzəə̀n é wòŋ woo Filistia, e yèn sàkì wùmòʼ fó, e nèn dù, e shìíy wùn wun.

Joshua 10:12

Wáa dzə e kishiíy fóo fèy ke Nyùy Tàr‑iì wayin wír veé Amor e wír veé Israyí kiwo, Joshua suúy e Nyùy Tàr e wír veé Israyí si jii, «Nyùy Tàr, yiì, é shùy tiím é kitu ke wòŋ Gibeon, é ŋwee tiím é kitu ke mboʼ yeé Ayjalon.»

Joshua 10:2

Wù nèn a fàn e ŋàáŋàŋ, bìʼ fo ntèʼ yee Gibeon‑eè dzəə̀n e wíy. Yì‑iì shwìnín ntèʼ ye fòn dzəə̀n fó, e kfə̀n a dzə sa, a yì‑iì kùʼ e shaà yee Ay, a vilum vee fó adzə̀me távkír é ŋàŋ.

Kintaŋ 34:4

e nèn a səy, e shaà kiŋgwàmrì ke Gwan Akrabbim fo mbìv yee tsə́n, e tosín wóʼ yee Tsin, e səy, e dù, e meé e Kadesh‑Barnea. Lo fo fo, é yì nèn kòʼ é Hasar‑Addar, e dù duùn é Asmon.

Kintaŋ 32:8

Kù á mo atàr véné‑eè yiìn ben e ghan se mò‑oò tumen áwune fó Kadesh‑Barnea ji á du, e shwèʼ woŋ woo shooy.

Kintaŋ 13:26

Á wìy, e yèn Mooser wùn à Aaron, à màŋgòŋ e dzə̀m, aá dzə̀ é Kadesh e woʼ yee Paran, e naàrì mo ghán yéví‑iì dzəə̀n, e dìn báŋ se vici seé nsay foo fèy.

Remrí 1:19

«Nyùy Tàr wìy lò, e yòŋ, vèsən ŋáʼáy fó Gwan Horev, e ghàn, e tòsín kirə́ʼ ké woʼ kí, a kí dzə̀ kiwíy, kfə̀n beéme. Vèsən‑eè tòsín, e dù e wír veé Amorí wòŋ, a fóo dzə̀ agwan agwan, e dù bèy, e bàʼ e Kadesh‑Barnea.

Remrí 2:23

Wír veé Kaftor ve vé‑eè loòn fó Kaftori‑iì wìy, e laàr wír veé Avvim, a wír veé Avvim vìne dzə́ e ntèʼ sí ntèʼ sí, e dù, e meé e Gasa. Á laàr áwune bey, e nèn a dzə fo.

Joshua 11:22

Bó kiŋgáʼ ke wìr ki yòʼ‑oò lo bèr e wír veé Israyí nsay. Kù‑uù mày Gasa wùn à Gat, à Ashdod fo wír vìne‑eè berin ashàr.