Joshua 10:32 - ŊWÀʼ NYÙY

³² Nyùy Tàr nèn wày Lakish e wír veé Israyí wo, wùn áwune tám vishiíy vibaà, Isray tòn, e teè wir dzə̀m woo fó mo vé‑eè yiìn e Libna.

Joshua 10:32 Referans Kwoze

Joshua 10:31

Kee shoon ki shaà, Joshua wùn à shúu rər woó Israyi lò fo Libna, e dù, e gàŋ Lakish, wùn áwune tám.

Joshua 10:33

Fòn Horam woó Geser nèn wìy ji wun tóm á wír veé Lakish, Joshua tòn, e yùyrí wír və́ adzə̀m, la wìr yòʼ gòʼ e tin.

Aysaya 37:8

Mfòómé woó Assiriya nèn lò, a kfən e bàm, a wù yú ne ji fòn woó Assiriya lò a ne fo Lakish. Wù lòo kfən, e yèn, a fòn sí maʼ Libna e rə́r sí.

Ŋwàʼ Fəə 17:13

Bìʼ bey, Joshua nèn sə̀ʼsí wír veé Amalek e nyùy.

Remrí 7:2

Wíy lóo dzə, a Nyùy Tàr woo Nyùy won wáy ne áwune e věn kiwo, vèn tonè, bo vèn kér fóo laàr ŋkuuŋkùŋ. Lá vèn yòʼ wìy gwàr *mensaŋ vèn áwune. Lá vèn yòʼ wìy rə̀r mendzən mev féyì feyì.

Joshua 10:28

Joshua nèn tòn ŋkàlaʼ yee Makkeda e kishiíy fóo fèy, e yùyrí fon woo fó, e laàr wir dzə̀m fo fo ŋkuuŋkùŋ, e làa yòʼ ber wír. Wù kù‑uù yiì e fòn woó Makkeda mo wù‑uù yiìn e fòn woó Jeriko.

Joshua 11:12

Joshua tòn ŋkà se laʼ sìy sidzə̀m wùn aàfon véví, e yùyrí wir dzə̀m, e laàr fó láarin réŋréŋ mo Mooser woo ŋgaà lìm Nyùy Tàr‑iì yòŋèn ji á kù wíy yiì.