Joshua 10:12 - ŊWÀʼ NYÙY

¹² Wáa dzə e kishiíy fóo fèy ke Nyùy Tàr‑iì wayin wír veé Amor e wír veé Israyí kiwo, Joshua suúy e Nyùy Tàr e wír veé Israyí si jii, «Nyùy Tàr, yiì, é shùy tiím é kitu ke wòŋ Gibeon, é ŋwee tiím é kitu ke mboʼ yeé Ayjalon.»

Joshua 10:12 Referans Kwoze

Habakuk 3:11

Wò‑oò màʼ mvən yé, yí wáa bàvkìr, a wìy, a kòŋé ŋwaŋkìr sa, wiyì, shùy bàʼàr, e tìím, ŋwee tiím sá.

Aysaya 38:8

Nyùy Tàr yoŋ a ji fòn leéy á kindzə̀ə́ndzəm ke shùy ye yì sí nəə, ke kí gbu e ŋkèʼ se sí kóʼ e Ahas lav. Wun sí lo, e siìr a kindzə̀ə́ndzəm kee shooy, é kí kfə́n é bàm ŋkèʼ e ghvə̀m.» Á bèy, kí nèn kù kòóy réŋréŋ bey.

Aysaya 60:20

Shùy yen yòʼ kfə̀n wíy a ndzəmén, a ŋwee yòʼ kfə̀n wíy a ndzəmén sa, bìʼ fo kù wíy a dzə Nyùy Tàr woo Nyùy won rán ye yí gòʼòn kàŋ mòʼón. Kpú ye vèn rə́si diyìi wíy mày fo věn nsàn.

Aysaya 28:21

Rúrú, Nyùy Tàr wíy ŋaʼáy réŋréŋ mo wù‑uù ŋaʼayin é Gwan Perasim. Wù wíy shwiíy kilòŋ mo wù‑uù shwiiyin é mboʼ yeé Gibeon. Wù wíy yiì kinyo ke wù yii, é kí wáa dzə jeéy fo ke vèn kwaʼtì ki, e yiì lim rə́, é yí wáa dzə kfə́ jeéy.

Nsùyrì Nyùy 19:4

Yii bèy, a jí sév sí kù dunìn kitú ke nsay kidzə̀m, a sáʼka wov ghánen vitóŋtóŋ vé ndzə vidzə̀m. Nyùy‑iì bàʼrì kikum e yuv, e lèm shúy sho.

Joshua 10:13

Shùy ku nèn gòʼ, a tiy, ŋwee wáa tiy e meé mo Isray‑iì tònèn aŋgaà vév vibàn. Vé‑eè sàŋ kinyo kee shooy e Ŋwàʼ Jashar jii, shùy‑iì tìím é ntìntìn yùv moo kishiíy kifur bèy, e làa yòʼ a nəə́.

Nsùyrì Nyùy 148:3

Shùy wùn à ŋwee wáa burí wun. Mejiy medzə̀m me mè báné, mè wáa burí wun.

Ŋwàʼ Jov 9:7

Nyùy lo, wù sə̀r shúy fo yì tó, e sə̀tí mejiy fo mè wáa ban.

Remrí 4:19

Vèn leey yúv, yén shúy, yén ŋwee, yén mejiy, à vifá veé yuv vímóʼ ví, vèn wàa yen fo ví lévtí ven ji vèn wáa ghvəm, e kfə̀n a lìm fo fo. Dzə̀ vifá ve Nyùy Tàr woo Nyùy won màʼtìn ji vitúm vímóʼ ví wáa ghvəm.

Sekariya 2:13

Wìr msòŋ e dzə̀m wáa dzə kisə́sə e Nyùy Tǎr si. Wù ŋàʼáy ne, a wìy fo wun kirə̀ʼ ke ranén kí, keé yuv.

Habakuk 2:20

Yii bèy, Nyùy Tàr kù dzə̀ e wun lav cù ye ranén, wìr msòŋ e dzə̀m wáa dzə e wun si, a dzə kisə́sə.

Nsùyrì Nyùy 74:16

Shùy wùn à vitsə́ʼ ví kù dzə̀ vé. Kù‑uù tùúy wò shúy wùn à ŋwee.

Joshua 19:42

Sha‑Alabin, Ayjalon, Itla,

Remrí 17:3

a cù anyùy ámóʼó, e kfə̀n a ghvəm, kìn dzə̀ shúy, kìn dzə̀ ŋwee, kìn dzə̀ kifá kímóʼ kí é yuv, a mò‑oò shàʼnín ne,

Amos 8:9

Nyùy Tàr woo Taà Ndzə kfə̀n suuy jii, «Kishiíy kin ki wíy gheén, é m yii, é shùy nəə́ e ntìntìn shùy, é ndzə sə́n e shùy.

Atǎr Nsaʼ 12:12

e nèn kpù, á dzəə̀mè wun e Ayjalon e nsay yeé ram Sebulun.

Atǎr Nsaʼ 5:20

Mejiy meé yuv mè kaáy. Mo mè‑eè ghánen e yuv, kù dzə̀ mo mè‑eè funèn Sisera wùn à wír vəə́.

1 Samuel 14:31

Wír veé Israyi fùnèn wír veé Filistia e kishiíy fóo fèy, e kèʼ fo Mikmash, e dù, e meé e Ayjalon. Kishiíy kí wáa mày, aá dórkír ne.

2 Samuel 2:12

Abner woo wan Ner nèn lò, e lì wír Fòn Ish‑Boshet woo wan Saul wùn áwune fəə́ fó Mahanayim, e dù e kwaʼ rər é Gibeon.

2 Afòn 20:11

Aysaya woo ŋgaà ntum Nyùy nèn bùnrì Nyùy Tàr, wù yiì kindzə̀ə́ndzəm ki kfə́n é bàm ŋkèʼ e ghvə̀m e dzəə ye seʼtìn ye Fòn Ahas‑iì bomen.

Jeremia 28:1

Yì‑iì dzə̀ é kiya foo fèy, e ŋwee wo wú meen ji tàn, a kiyá kìn ki dzə̀ ke kí‑iì meen ji kweè mo Tsədekiya‑aà kèʼèn, a saʼ vifon e Juda, Hananiya wo yì‑iì dzəə̀n ji ŋgaà ntum Nyùy wùmòʼ wìy, e sùŋnín e Jeremia, a Jeremia dzə̀ é lav cù wùn aàtàá cùu, à wír ámóʼó anín. Hananiya‑aà dzə̀ wan Asur, a wù ló fó Gibeon. Wù‑uù sùúy ji

Amos 2:9

«Yii bèy, Isray, mò‑oò tàtí, e laàr wír veé Amor, a dzə̀ bìʼ ven. Wír, a vé‑eè dàrkìr moo vicí vé *sidar, e tàv moo vee *oak. M tátí, e laàr áwune wùn à run yéví, e tàtí, e laàr, à gháŋé shó fo nsay.

Joshua 21:24

Ayjalon, à Gat‑Rimmon, ŋkà se laʼ sikweè, yee shó wùn à kwáʼ və́ nyàmé.

1 Samuel 12:18

Samuel nèn bùnrì Nyùy Tàr é kishiíy fóo fèy, wù tsə́nsí wuú. Á bèy, wìr dzə̀m wáa fàn Nyùy Tàr wùn Samuel e ŋàŋ.

2 Afòn 20:9

Aysaya bìnèr jii, «Nyùy Tàr yíi fo wò kisəəm, áà kiíy ji wù yíi yiì a kinyo ke wù kàʼàn kin. À koŋ ji kindzə̀ə́ndzəm ki gbu é dzəə ye seʼtìn yeé ntoʼ, e dù fo mbìy ŋkèʼ e ghvə̀m, mo à koŋ ji kí gbu, e kfə̀n é bàm ŋkèʼ e ghvə̀m a?»

2 Afòn 20:10

Fòn Hesekiya bìnèr jii, «Kí dzə̀ fó tèr fo kindzə̀ə́ndzəm ki du fó mbìy ŋkèʼ e ghvə̀m. M koŋ ji kí kfə́n á kfənén é bàm ŋkèʼ e ghvə̀m.»

1 Wòŋ 8:13

Beria wùn Shema‑aà dzə̀ atǎr kfəə se sí‑iì dzə́ e ŋkàlaʼ yee Ayjalon. Áwune wìy lò, e dù e ŋkàlaʼ yee Gat, e jùm wíri fó fo.

2 Wòŋ 11:10

Tsora, Ayjalon, e lì Hebron. Á ŋkà se laʼ se dzəə̀n vikum e nsay Juda wùn à ye Benjamin.