Joshua 1:4 - ŊWÀʼ NYÙY

⁴ Nsay yen yíi kèʼ fo kirə̀ʼ ké woʼ kí, e dù, e meé e Lebanon, e kèʼ fo ndzəv ye wiy yee Yufret, e lì nsay wìr veé Hit e dzə̀m, e dù bàʼ e Rìbà Ndzə̀v woo Mediteranean fo shùy yii nəə.

Joshua 1:4 Referans Kwoze

Ŋwàʼ Fəə 23:31

M wíy fèr bìíy yen, e kèʼ fo Rìbà Ndzə̀v wo Baar, e dù, e meé e Rìbà Ndzə̀v woó Filistia, e kfə̀n kèʼ fo woʼ, e dù, e meé e ndzəv yee Yufret. A m wíy yiì, áàŋgàa nsayi gbu ven, é vèn jum áwune, e fə̀ə́r.

Remrí 11:24

Kirə́ʼ kidzə̀m ke vèn tiirin kiwuú shó ki wíy a dzə kén. Woŋ wóné wíy kèʼ fo woʼ, fo mbìv yee tsə́n, e dù, e bàʼ aàgwan veé Lebanon, e mbìv yee kuy, e kfə̀n kèʼ fo ndzəv yee Yufret, e mbìv yee fo shùy yii tó, e dù, e bàʼ e Rìbà Ndzə̀v woo Mediteranean, e mbìv yee fo shùy yii nəə.

Remrí 3:25

Kii wò, ku màʼtì, é m líysín ndzə́v yee Jordan, e kfə̀n é ndzən fésə, e yèn nsay yee fó ye juŋ, e yèn woŋ agwan wo wú boŋkìrì, e yèn sá Lebanon.›

Remrí 1:7

Vèn ŋáʼáy lèn, a dù e wír veé Amorí wòŋ, e mbìv seé agwan. Vèn wáa dù e wòŋ se sí kaarin fó sidzə̀m. A sí dzə̀ jii, mbuŋ Jordan, woŋ agwan, à woŋ seé mboʼ si, a dù e wòŋ woó tsən, a dù e ŋguùŋè Rìbà Ndzə̀v, a dù e wòŋ Kanan, e dù, e yàʼáy agwan veé Lebanon, e dù bèy, e bàʼ e ndzəv ye wiyí yee Yufret.

1 Wòŋ 18:3

Wù kfən tòn sa Hadadeser woo fon wóo Tsoba, e mbìv wòŋ yee Hamat, a Hadadeser fəə́ ne, a dù ji wun du, e tìír a kibámmbó kfə́ é ghaa ndzəv yee Yufret.

1 Wòŋ 5:9

Áwune kfə̀n‑eè sùm nsay yeé mbìv yee fo shùy yii tó, e dù, e mèé mo wóʼó ndzə̀yìn é shùu ndzəv yee Yufret. Vé‑eè sáŋri bèy, bìʼ fo nyám sév sí‑iì loòn ne, a dzəə́, a kùʼ e wòŋ Gilead.

Ŋgaà Yen 9:14

A jì yee shooy súŋnin a dzə̀ e nshìylav Nyùy ye yì meen ji ntuùfú rə̀n, suuy jii, wù du, e bvə̀tì a nshèelav see sikweè se vé‑eè kurin, e neèr e ghaa ndzəv ye á yoŋ ji Yufret.

1 Afòn 4:21

Fòn Solomon‑eè sáʼ vitúm vidzə̀m vee kèʼ fó ndzəv yee Yufret, e dù mèé e nsay Filistia, e kfə̀n dù mèé e bìíy yeé ŋguùŋè Ejiv. Vitúm vi‑iì wiy, fó nshwì e Fòn Solomon, e kù a fo bèy, e dù, e meé mo wù‑uù dzə̀ʼə̀mèn, e wìy lày.

Esra 4:20

Á kfən yèn sá ji afon ve tavkíné‑eè sì á e Jerusalem, a vé‑eè sùm á mbìv wòŋ ye á liysin ne Yufret fo shùy yii nəə e dzə̀m, e nèn a saʼ, a baʼtí mbàm se maʼàn sí wùn à nsùʼ, à nshwìí, vifá vìn vi wáa gòʼ a dzə̀ aáwune.

1 Afòn 10:29

a kávi dzə̀ *ashekel kishóv mtàn e wiì (150), a dzə̀ shekel woo kishà ke mbàm ke fəvír kí. Á lo, á yùn kiténtén fó Ejiv, a kávi dzə̀ ashekel ghií ntuùfú. Á nèn a lò, a dù, a fiìnè viténtén vin wùn à nyám si aàfon veé Hit wùn à veé Arame adzə̀m.