Joshua 1:2 - ŊWÀʼ NYÙY

² «Mooser woo ŋgaà lìm wom kpù ne, lò ri lèn, e tùm ndzə́v yee Jordane. Ku lì wír vìne, aá du, e nə̀ə́ e wòŋ wo m sí fó aáwune vee rám Isray.

Joshua 1:2 Referans Kwoze

Remrí 3:28

Yii bèy, ku ghàr Joshua, e bànrí wun, e tàvír, bìʼ fo yíi dànèr wun wír veé Isray vìn, aá líysín ndzə́v yee Jordan, é wù dzəʼər áwune, aá yov nsay ye à lo, e yen.›

Remrí 31:7

Á bèy, Mooser nèn jàŋ Joshua, e yòŋ sho e wìr dzə̀m woó Isray si jii, «Kúr tímé, e wày ŋàŋ, bìʼ fo kù yíi tsəəné wò wír vìn, e dù sho e nsay ye Nyùy Tàr‑iì lìʼìn ji wun wíy fo aàtàr véví. À kù wíy toʼtí fó, e jàv, aáwune yov ji vitsə́ʼ vév.

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Joshua 1:11

«Vèn shaa, e ghànén e kibeèy, e wírí shuù se vibàn, e sàʼ ji wìr dzə̀m báʼtí á kúr rə, bìʼ á fo, e bǎm vishiíy vitaár, aáwune túm á ndzə́v yee Jordan rə̀n, e nə̀ə́ e wòŋ, e yòv nsay ye Nyùy Tàr woo Nyùy wov foon aáwune.»

Joshua 1:1

Mo Mooser woo ŋgaà lìm Nyùy‑iì kpuun, Nyùy Tàr yòŋ Joshua woo wan Nun, wun woo Joshua wo wù‑uù sə́ Mooser, e sùúy sho jii,

Kintaŋ 12:7

A bó ké Mooser woo ŋgaà lìm wom kí yòʼ dzə̀ bey. Wír vén veé Isray adzə̀me kù sì e wun kiwo.

Remrí 34:5

Á bèy, Mooser woo ŋgaà lìm Nyùy Tàr nèn kpù fó e nsay Moav, kù mo Nyùy Tàr‑iì suuyin.

Ŋwàʼ Jov 1:8

Nyùy Tàr dzə́r shó jii, «À shoòshí ŋgaà lìm wom woo Jov, a kwàʼtì ké ji ka? Wìr yòʼ dzə̀ shó e kitu ke nsay, wo wù dzəə̀n là shilóm, tíy e suuyrú, ghvə́m mo, kfə̀n bin ndzə̀m é kinyò ke bi kí moo wun.»

Kèʼlo 17:8

M wíy fo woŋ wo à dzəə̀n kiŋgwìy sho və̀n e wò. Wóŋ Kanan e dzə̀me sì wó vèn à rám yée ŋkuuŋkùŋ, à rám yé yee mo yí wíy a dzə fo bàmé. A m wíy a dzə Nyùy wov.»

Nehemia 9:23

Wò‑oò yiì, wón véví wáa dzə nyanyày moo mejiy meé yuv, e lì áwune, e wìy sho e nsay ye wò‑oò yòŋèn ne aàtàr véví ji á wíy nəə́ fo, e yòv.