Joon 9:8 - ŊWÀʼ NYÙY

⁸ Wír vee wùn kiliŋ, wùn à ve vé‑eè sí yén, a wù rə́si dzə́, lón viloòneé nèn a ghaynín jii, bó və̀n sà yòʼ dzə̀ mfìr wo wù‑uù rə́si dzə́ fèn, lón vifá a?

Joon 9:8 Referans Kwoze

1 Samuel 2:8

Wù nan aŋgàa kitàn fo kibvə̀r, kfə̀n fəər aŋgàa ŋgeʼ fo áwuné mvə̀m nyar. Wù táti áwune é ŋgoo wón ntoʼ, dzəʼə̀r áwune áàntaʼ ve kuʼkìné. «Wày wun woo Nyùy Tàr kinsə̀ŋ ke ndzə. Bóm wun ndzə e kitu wo.

Ŋwàʼ Luk 18:35

Jesus lòo meé e mvə̀mlaʼ yee Jeriko, a mfìr wùmòʼ dzə́ e ghaa dzəə, lón vifá.

Maak 10:46

Jesus wùn à wón və́ lìme ghán, e dù, e mèé e ntèʼ yee Jeriko, e lòo tosín, màŋgòŋ sə́ʼ fó bàm. Á lòo shaà, a mfìr wùmòʼ dzə́ e ghaa dzəə, lón viloòné, aá yoŋ ji Batimayur, a dzə̀ ji wan Timayur.

1 Samuel 21:11

Nsheèlav se Fòn Akish si dù, e sùúy e wun jii, «Bó wìr və̀n yòʼ dzə̀ Davir woo fon woo áwuné wòŋ à? Bó yòʼ dzə̀ wun wo vikìy‑iì dzə́n, yovì, táŋ jii, ‹Saul yùyrí wíri nsə̀kì, Davir yúyrí kfə́ ansə̀kì ansə̀kì à?› »

Ŋwàʼ Rut 1:19

Wùn wun ku nèn a dù, e mèé e Betlehem, e lòo nəə́ ntèʼ, wìr dzə̀m yúʼnín, a ker gháʼ feyì. Vikìy wáa ghaynín ji və̀n sà kù yòʼ dzə̀ rú Naomi a?

Ŋwàʼ Luk 1:58

Wír vee wùn gwaané wùn à kfə́ə yéví yú mo Nyùy bùʼùn ne wun, wù koóy wán, á wáa sheʼrí.

Joon 9:9

Aámóʼó suuy jii, dzə̀ á wun. Aámóʼó kinèn ji wù shwìnín a shwínmén. Wìr və̀y yú bey, e bìnsí jii, «Dzə̀ mo woo shó.»